Uhọmọin 9

1 Eka miẹmiẹ fan.? Eki kin ọvokhan si Jessu? Ekimi Jesu vẹo? Eki vba kin elimai rẹ kobia rẹkhain Jesu loje? 2 Kha khi kin ọvokhan si Jesu rẹze liọ, ikiaọn rẹzẹ. Uwẹ khe badawe sọ vokhan likian rẹzi Jesu loje. 3 Ọnai kha miẹfan sẹmẹ rẹze ledamẹmẹ, 4 Eki mai mọahu si lairẹ e, bi lairẹ da? 5 Eki mai mọahu si lairẹ riokhuoho lọkin ọlọ miẹhọn, ebi ivokhan liọ si Jesu, aẹn bi imiọmai eliọ si Jesu bi Cephas? 6 Dai Barnabas bi ẹmẹ ọkpa mai arẹ bia? 7 Ọlọ biobia si soja rẹze gbọi? Lọkikpemi ekọ ọvotọ lọi e? Ọlọ gbẹo wemiri lọi anmẹ sikpeyẹn sẹaẹn? 8 Elemina itaọi rẹzahu sọya? lna ku uhi gboi tai? 9 Ina aiviọn vuhi si Moses, kha gbali ẹsi unu lobia vu gbọka. Ọ lẹsina ko Sẹlẹbua gele gbẹo we? 10 Imai kọ gele tẹmọi sọe? Aviọn rẹzi mai, rumudi ọlọgua, ọigua vebọ miẹ vidao, bi ọlọ hanni kpemi ugbo, ọi hanọi vebọ miẹ hiẹ doare. 11 Mai kha kemi seti rẹzi vba,oke gba gbe limai rẹlie ebadawe vobọ vba? 12 Eliọ kha mọlahu na vegbe vba, mai mọọn lẹaẹn? Ọrẹ deina, mai lo ọlahu. Rẹzọna, mai kuegbeọ vemi emi erẹmẹ lọkha kin egbagan rẹze gbe gbemọi si Jesu kristi. 13 Uche ye ere khele bia voa Sosẹlẹbua miebae sẹaẹn voa Sosẹlẹbua? Uche ye ere khele bia vokhumi kutẹ Sosẹlẹbua ebarẹ ga vokhumi kutẹ? 14 Rẹzọ lukpodẹ na, Osẹlẹbua muọn sẹẹ khele wewe gbe gbemọi khea davọ mie gbe gbemi soreghe. 15 Ama khẹmẹ irẹ khaọn lukpodẹ na. Bi iviọn lebena livba rẹmiebi vba meti rẹu zimẹ. Aimiọ lọmeti sho gbagan rẹzọ li dẹgbọ na rẹzimẹ. 16 l kha wewẹ mọi Sosẹlẹbua, idẹgbọ kọ rẹzimẹ, rumudi obia mẹọn. Ọkin ẹmẹ ekhua kha khi wewẹ mọi Sosẹlẹbua. 17 l kha rudu sẹkẹata biọlobia na, eee ọ rẹzimẹ. Ama kha khi rudu deanre rẹ biọlobia na, ọsisẹ kin obia liọrẹ kẹata bia. 18 Dai eee lọrivọ rẹzimẹ? l kha wewọi, i wewe gbe gbẹmọi lọi wisi haosa bi lọkha kin i loahu mẹ reze gbe gbẹmọi Sosẹlẹbua. 19 Ọkha rẹde khi nifan vemi erẹmẹ, i kin ọviẹ rẹzerẹmẹ, lairẹ miẹ khi she lebuin sikẹ Osẹlẹbua. 20 Rẹze khẹn Jews i dei biaẹn, lobọmẹ rẹ kpo khumu lẹ. Rẹze leri vẹkẹn uhi, i kin ọlọ rivẹkẹn uhi lobọmẹ rẹkpo khumu lẹaẹn. l wọna ọkerẹ de khi ri vẹkẹn uhi. 21 Rẹze leiri vẹkẹn uhi, i kin ọlọiri vẹkẹn uhi, i kha kerẹ kin ọlọ rivuhi Sosẹlẹbua, ama ẹkẹn uhi si Jesu kristi. Ọna kin ebiui lobọmẹ rẹkpo khumu niaẹn. 22 Rẹze khẹ ọlẹ i kin ọlẹ,lobọmẹ rẹkpo khumu niaẹn. l kin emi erẹmẹ rẹzẹ vbo erẹmẹ, lirẹ rọ lukpodẹ na mi eso fan. 23 l wemi erẹme ̣ rẹze gbe gbẹmọi Sosẹlẹbua, lirẹ kẹn vi hiaba sọe. 24 Uche ye ere vẹkẹn ula,erẹmẹ laọi,ama otuọkpa mieee sọ kpodao? Rẹzọna, tulamu lurẹ mieee sọ kpodao. 25 Ọlọla mọin de ẹo re vobia sọe. Ọna kin ebeu leirẹ mieee sọ lagbọna lọ mọin rẹso, ama ula sẹmai khe eee lọi mọin rẹso. 26 Rumudọna i lula sẹhoi, i fiekpa sahoi. 27 Ama, idiegbe re rẹkin ọviẹ lirẹ wewe gbe gbẹmọi Sosẹlẹbua rẹzeliọ li kha kin ọlọ ukhua