Uhọmọin 10

1 l fẹẹ livba rẹẹn imiọmẹ, era mai lekhian vẹgege ukhumu bi ekhian gberai okpẹda. 2 Erẹmẹ mọin isamẹ si Moses vokhumu bi okpẹda, 3 bi aẹn erẹmẹ gbo ebae seti. 4 Aẹn erẹmẹ gbo anmẹ ọkpa seti. E anmẹ seti sudo lọrẹ khaẹn, bi ọludo ikhi Jesu kristi. 5 Ama Osẹlẹbua zẹkẹn ekhọn khọn rẹ zeaẹn erẹmẹ, bi ada gbeaẹn khueo vẹkẹn ukato. 6 Ena erẹmẹ gbei ekin arẹma rẹzi mai, limai rẹkhua egbe vemiebe re. 7 Vba kha kin ele gẹbọ ebieso vuse aẹn ri. lna ikhi ebai viọn, ele vbo da dehia rẹ ebae bi edẹyọn, bi e akhọre rẹli yẹmi. 8 Vakha duan kin ele gbokhẹẹ ebi eso vuse aẹn ri. vukpẹẹ ọkpa, ẹgbẹẹn egbọea sẹvbo agbe khueo. 9 Vakha duan dehia ri Jesu ọvedami, elabe lebuin vuse aẹn regbe lẹyẹi da gbe aẹn khueo. 10 Vakha duan moo, elabe eso lebuin vuse aẹn regbe lukọ suu Sosẹlẹbua da gbe aẹn khueo. 11 Vina ena sunu rẹzi aẹn lọirẹ mumai ẹo kuere. Ena kin ebavin rẹgbuhi mamai, i mai lekin ikpehimi seba kiọ chemiẹ. 12 Rumudọna, ọlọ ẹ gbe khọ muzan ọi mọẹwain lọ kha chede. 13 l damighe ọi rivbọ lọde ẹ egbe re lọyọ vbe sẹ miẹghe. Ẹkẹata Sosẹlẹbua ikhi ẹmuata. Ọ kha duan damẹ gberai ahusẹ re. Vẹkẹn ọle dami na, ọẹke rukpodẹ sa nifan na, lurẹ mọin iziegbe sọe. 14 Rumudọna, eli họmẹkẹn aẹn, vba lakhua egbe vẹbọ laga. 15 ltọna rẹzi vba ẹvbo leguẹ o udu, lurẹ zọi vioo ebi tama vba. 16 Uko si hiaba limai lerọmọọn, ọkin ebakẹi vesagẹn si Jesu kristi? lbuẹdi limai bẹlọi ọkin ebakẹi vegbe si Jesu kristi? 17 Rumudi udi buẹdi ọkpa, mai lekin elebuin mai dakin ukpọ kpa segbe. Mai da kudi buẹdi ọkpa rẹ zegbe. 18 Kaowẹ ẹvbo si lsrael: ele ebae si kutẹ, kebia vi kutẹ? 19 Emikeọ tama vba? khẹbọ khọ kin emiọso? Dai ebae si zobo sẹbọ ọkin emiọso? 20 Ama itaọi rẹzi emi lekhẹn Gentiles lei ẹn Osẹlẹbua ẹhẹ, ere lemina zobo rẹze esun lọi wo Sẹlẹbua. l fẹẹ livba rẹa deba esun wemi kugbe. 21 Ukha meti anmẹ vuko Sosẹlẹbua, ugbo anmẹ vuko se esun. Ukha rẹ sikoko vu kpọkọ Sosẹlẹbua ugbo sikoko vu kpọkọ se esun. 22 Uke fẹẹ lairẹ shọkhọọ vẹkẹi zo Sẹlẹbua? Dai mai ke ohia lẹ Osẹlẹbua? 23 Emi erẹmẹ ọkin uhi rẹzi mẹ, ama, emi erẹmẹ kọ mọi ọhọmọn rẹzi mẹ. Emi erẹmẹ ọkin uhi, ama emi erẹmẹ kọ mọi irẹkpa rẹzẹvbo. 24 Vba duan miẹ ebe họmọn ọkpa ka fẹẹ rẹ zegbe. Dọi kin afẹi ebe họmọn rẹzọ zevba mai. 25 Wọ meti ebakhiẹ veki, kha khu miẹmọi rẹzọ khọisẹ. 26 Ọlotọ na, ọkin Sosẹlẹbua bi ivuọmi sọe. 27 Akha miẹ khọlọi miẹhọn echeẹ vebae lae, bi ọkhọẹn lurẹ rẹ lodẹ ọ gare, ebae lairẹ na, kha khu rẹ ọ lebae, kha miẹmọi rumudi ọkhoị sudu sẹ. 28 Ama ọya kha tama'a khọ lebae isi zobo sẹbọ khọẹ ọn, duan miẹ khu ọ lebae. Ọnai khi rumudi ọya tama'a bi rẹzi ọkhọi sudu sẹ. 29 Ebi tai khi ọkhọi sudu ọkpa kọ, ama isọ zevbba. Emie kiọ zẹ amiefan sẹmẹ ọkin ẹzọ rẹzi ọkhọi sọyọve? 30 Akha miẹ khi ọ lebae vẹkẹn ekhọkhọn, emiekeọ kin ehọhọ rẹze bida khuẹmẹ? 31 Akha miẹ khu ebae dai u anmẹ, bi emi khemi lurẹ hẹhẹn, duan miẹ khu wọi rẹ zọkhai Sosẹlẹbua. 32 Kha ri hoeta rẹzi Jews bi Greeks, bi ọsẹ Sosẹlẹbua. 33 l rẹkhain ẹvbo erẹmẹ bi emi erẹmẹ lirẹ mọin irẹkpa rẹzi aẹn. l fẹi eee segbe mẹ, ama isẹvbo lebuin. Ọna kin ebi hẹhẹin lairẹ miẹ khe nifan.