Uhọmọin 8

1 Rẹze ebae larẹ zizobo lẹbọ mai mọẹwain sọna. Ọikin ẹwain si dẹgbọ,ama ihọmẹkẹn isi hiaba'a. 2 Ọlọ ẹ gbe khọẹn ẹ̵̵n emiọso, ọlọya ọẹn emieso. 3 Ama,ọlọmọi họmẹkẹi Sosẹlẹbua, ọkin ọ losẹlẹbua ẹin. 4 Ebae lọkin ebarẹ zobo lẹbọ, maiẹn khẹbọ sọlagbọna ọikin emiọso,bi Osẹlẹbua lukpọ kpa i maiẹn. 5 Akha miẹ kho Sẹlẹbua ọvbe khọri vokhume imi bi okhumọ lagbọna,elabọ lai miẹ ẹbọ lebuin bi ijie lebuin. 6 Ama,rẹzi mai, Osẹlẹboa lera lukpọ kpa lọmọi emi erẹmẹ, bi lọkin oreghe sẹmai, bi Jesu kristi lukpọ kpa, lọ ukpe khọẹn arẹ remi erẹmẹ gbọn, bi rẹkin igbanrẹ sẹ mọagbọn mai. 7 Ọrẹdeina,ọyọso mọi ọlẹwaina. Rẹzọna, eso da gẹbọ,ebe e dakin ebae si zobo rẹzẹbọ. Ọkhọi sẹaẹn dakin eba fijẹ ọẹmẹ. 8 Ama ebae kọ rẹmai ẹn Osẹlẹbua. Mai i khọ ọ lẹ kha khi mai ebae,dai mai i họmọn lẹ kha khi maebae. 9 Ama mọi kuegbeọ rẹzọ losẹlẹbua miẹfan lọi mọahu lukha kin okpokpo rẹza miehọn sọe. 10 Akha kemiẹ khọmọnhe lizọ gaẹre khu ebae larẹ zobo lẹbọ, uwẹ oo khọ kha rọẹmẹ sọe dehia ọvi ebae sẹbọ? 11 Rumudi khemi mu ẹo kuere emi sẹbọ sọlagbọna,uke ọ damiẹ khomiọ li Jesu ragbọn ọvotọ ni, khu gbekhueo. 12 Ukha wọkhọọ zomiọ lọi mọahu elabu wẹ lurẹ kain ọkhọi sọe use, uwọ ọkhọọ rẹzi Jesu kristi. 13 Akha kemiẹ khebae ọdẹmẹ romiọmẹ de, iyẹke rẹ bai ebae likha kin ukọ lọbe rẹ zomiọmẹ rẹde.