¹ Bhi ni ngu Yahudawa fee ni a khi kat kyen a kwang ndhi ne? Yakkal bhi a me a kat put nbut gap dhip fe e? ² A wuret nbut ko wane yarkaam. Wusheshe, get a Yahudawa mu ndhi mu shin yarkaam Naan mu. ³ Pe ndhi in kat get pak Yahudawa fee mu khi shinzen ma fa a? Bhi nyang shinzen khi mu khi dhin Naan ndem mu a? ⁴ Kat dhi yak nbaa ma. Pe wuni fee, mangye mu kat Naan fee a wuzen, duk khi ndhi kowane gurum a ngu dung. Yad ndhi khi mu ran, "Mangye mu kat ghi zen nbut bhilip fhik, yakkal ghi sih deltihim in kat ghi rhi khipee dyel mih Naan". ⁵ Ama in kat petong nohot nzen fun nin a petong zen nhi Naan, bhi mu sat ame? Bhi mu sat mu leh Naan ni khi zen ma npe lep khi tukhurnung fini shin sam mun a? (an phi bakkal bakkal mun gurum.) ⁶ Mangye kot a sih ma! Pe ndhi asih, mhi shinang Naan khi tok dyel mun di ye? ⁷ Ama in kat zen khi Naan ndhi put nbut dung fhin den a yon nkaa saam sihm muk, bhi ame lih dee mu phi naa an a ngu shikbis di ye? ⁸ Bhi ame lih de gu sat sihna, khipe ndhi mu phi tikkohok khi sihm mu, yad ndhi sat fee di, yakkal pak mu dem khi ndhi mu sat asih, "mu shin bii wubis, de nwuret put di"? Pe shin biss mu a wuret. ⁹ Ame wukwaa eh? Mun pe shangm kaasun ha? Asih ma. Npe ndhi khi mu shin biss nYahudawa mu khi Griks mu, duk duk khi mu, pee ndhi mu nbut shikbiss. ¹⁰ Mihsih akhi pe ndhi mu ran sih, "Baa megwo ndhi khi zen ma, ko khime. ¹¹ Ba me gurum ko khime ndhi ni a wuman fee man. Ba me gwo ndhi ni phi tang kop Naan. ¹² Duk duk khimu mu villing dangkong. Duk duk khimu mu tong a wubann. Ba meme khinar mu ndhi ni phi shin ret, ko khime." ¹³ "Gwakarak khimu a wukaham tukhun. Liiss khimu gwampe. Nbhider liiss khimu bhi a zeel (enn) mwoo." ¹⁴ Phi mu gam a khi langpoo shi gurum khi bhilip wubis det." ¹⁵ "Kwak mu khi shin ma npe del tihhim. ¹⁶ "Tihkohok khipe khi shujeel a khi yarkaam khi mu. ¹⁷ Nyen sih mu man yarkaam tongshakhap ma." ¹⁸ "Lukhut Naan ni di nyit mu ma." ¹⁹ Khidetsih mu man ndhi ko yee warr fee sat ame, bhi ni phi lap bhilip a khi nyen ndhi warr fee apee mu. Mhi sih ape de kowane poo okhot di, yakkal duk duk khi yil mu khi ran bii ndhi de shin ntikhim Naan. ²⁰ Mhi sih ape dee ba megwo ndhi mu khi naa wuret khi shiit khimuk ndhi kih yarkaam warr fee ntihhim Naan ma. Pe ndhi man khi shikbis put a khi yarkaam warr fee. ²¹ Ama khidetsih, ban dhi warr bhi shinwuret khi Naan khi put gwe. Warr khi Nyen jakham mu khi mu shin langthing gwe, ²² pe asih, shinret khi Naan khi mang a shinzen nJesu Kristi npemduk duk khi gurum ndhi mu shin zen. Nsar ndhi baa mu konshakdi ma. ²³ Npe duk duk fun mu shin shikbiss yakkal mu kat ntihhim Naan, ²⁴ yakkal mu khat baam ndhi Naan khizuhum ndhi ni nbut kon khi ni mhi Jesu Kristi. ²⁵ Pe ndhi Naan lep khi Jesu Kristi npe kon khi shikbiss fun in kat mu shin zen ntikhim khi muk. Lep khi Jesu Kristi de mun mu shin zen nbut shin ret khi muk, npe ndhi kon nkwangkan shikbiss fun wuget, ²⁶ nbut mokhor khimuk. Shin mihsih mu duk duk de mni nin shinzen fini nyit ndhi khidetsih. Shin asih ape de ni nin shinret fini, yakkal pe de ni nin ret khi kowane gurum ndhi shinzen nJesu di. ²⁷ Bhi shin kwarang ni a ne? Mu baa khi ni. Akhi yarkaam warr ndhi ne? Mhi shiit ha? Asih ma, ama a khi yarkaam warr ndhi shinzen. ²⁸ Asih bhi mu den ndhi gurum khi shinret khi yarkaam shinzen ndhi baa sai khi kaat khi shiit mhi warr ma. ²⁹ Kot Naan fee a Naan mhi Yahudawa mu det wo? Kot sih ni a Naan mhi Jentiils mu muwo? Asih, amhi Jentiils mu duk. ³⁰ In kat a sih fee, de Naan ni a khime, bhi khi naa ret nbut gap dhip khi yarkaam sbhinzen, yakkal khi mhi gap dhip ma ndhi mu khi yarkaam mhi shinzen. ³¹ Kat aish bhi mu tih shinba warr fee yarkaam shinzen wo? Mangye kot asih ma. Kat asih bhi mu shin zen nwarr fee.