¹ Khidetsih, mun ndhi mun khi bal ye mu na pee di nder nyen ndhi mu khi bal ma, yak mu dee a nyen dem kaa sun det. ² Yit nde mun shi khime shikhime mu piyaa bhizung tink thinglee fun mu npe biiwuret, npe dhik ni. ³ Npe ndhi ko a Nda Naan, bhi shin bi ndhi leng enni ma, kat asih bhi shin a bii ndhi mu ran gwe. "Bhilip wubis, ndhi gurum mu bhilip nghi put khi del nni." ⁴ Npe duk bi ndhi get a wu-ri-ran bhi mu ran ape mun kahamdi nbut he, bhi mokkor di, nbut bi bhi karshak nbut khi bhilip Naaan, bhi mu den tukurnung. ⁵ Yit dee Naaan ndhi ni yaa gun shin tongshakap, khi karshak shin nde mbhizung gu de a bi wukhime nder shakk nbut Jesu Kristi. ⁶ Yit di ni shin bisih, dee mbhizung gu ji khishak npe saam sim Naan Nda Jesu Kristi. ⁷ Pe de asih, bhi gu lapshak, khipe ndhi Nda Naan lap gun sih. ⁸ A sat a lihi pun, pee kop zen ndhi ni a mhi Nda Naan, npe man yit bhilip ndhi ni sat nnyen Naan mu get biit mu. ⁹ Asih zak, mhi nyen ndhi mu man Naan ma bhi mu shin plang Naan, npe naa jel khimuk. Khipe ndhi a wurhiran sih, "Npe dhi asih, A shin plang ngun ndhi gu man Naan ma bhi a tam tam khi sim gu." ¹⁰ Shin a sat, alih "bhizung gu piya khi gurum khimuk mu." ¹¹ Shin gu dhik yil nNaan, gun duk duk ndhi gu man Naan ma, duk - duk fhuk gu dhik yil Naan. ¹² Shin Ishaya sat na, "seen Jesse khi wa wul, khi mee dhi khi yakkal dee ni dee a wuyon di khi na gokotshi gurum mu dhi mu man Naan ma. Ndhin muk mhi nyen dhi mu man Naan ma, bhi mu khi den bhizung." ¹³ Khidetsih, yit nde Nda Naan gam bhizung gu khi wuret khi tong shakap nbut khi shin zen npe dee Riin dhi ni a wubang tong mu a wukhime khi gun di. ¹⁴ An shikasan a shin zen ngun enna mu, gun shikasuk gu gam khi bii wuret, gu gam khi man khi bii mu khidhing yakkal a shin zen ndhi gu karshak. ¹⁵ An npe ran bi mhisih bal - bal npee dee ngun gu khik dersuk di, npe wuret ndhi Naan shin nnan. ¹⁶ Zukkum mhisih a npe dee nnan a dee a kwaram mhi Naan nnar gu nyen ndhi gu man Naan ma, khipe gu sat bhilip Naan dee zuhum fhug dee a bii lihlapdi nbut khi Riin ndhi ni a wubang. ¹⁷ Nbut Nda Jesu Kristi, bhi a nahar san, npe shit dhi a shin ni. ¹⁸ An npe mak sat bhilip khi del mu bi ma, a Naan khi gam mun khidhing npe lokhot fhug, gun ndhi gu shin zen ma, gu shin bi sih nbut khi bhilip khi shin shiit. ¹⁹ Nbut khi bi fipwo, khi rin ndhi wubang, de ni ma sat bhilip nnan yakkal Jerusalem wasam Illyricum di duk duk. ²⁰ A nbut yar mhisih, bhi a dem daar npe dee a sat bhilip Naan mhi khipe ndhi mun mhi khiling ma yak bah a dhig khi del shit megwo ndhi she gwe ma. ²¹ Khipe ndhi mu ran muna: "nder nyen ndhi mu sat bhilip khi del muk ma, bhi mu na ni, khi nyen ndhi mu khiling dee mu man di." ²² Npe ndhi asih, bhi mu den an yit bwer npe ji nder gu. ²³ Khidetsih, a kudi npe ya pee wuni har ma, yi bwer bhi an phi dem ji nder gu. ²⁴ An phi dem na gun, kat an phi del yar npe ya Spain, npe de gun bam an di, npe ndhi a khiling khi shang fhug gwe. ²⁵ Khidetsih, bhi an npe del ya Jerusalam, npe bam nyen Naan mu. ²⁶ A bi wuret, nyen Macedonia khi nyen Achaia mu, mu shin thil mebi de mu bam nyen piya mu dhi mu khi tong Jerusalem. Asiwai, a bi wuret del mu bam mu di. ²⁷ Asih, dok apee wuret ndhi mu khi ni npee mu npe ndhi nyen ndhi man Naan ma, mu khat kah nbut bi ndhi ni a mhi rin, bhi yit de nyen ndhi mu man Naan, bhi mu shin pak ba ndhi ni a mhi shi - shik mu di. ²⁸ Npe dhi asih, kat a lat shit mhisih dee a shin mu, bhi man a ya Spain dee a na gun di. ²⁹ A man ndhi kat a ji nder gu, bhi a ji nbut khi Riin khi Naan khi wuret mhi Jesu. ³⁰ Khidetsih, gun emna mu, nbut Nda mu Jesu Kristi, khi dem ndhi mhi Riin, bhi gu daar, awukhime khi an, npe dang Naan npe ni. ³¹ Dang Naan npe dee nan a put sar nyen niyang khiling pee mu nJudea, yakkal shit ndhi a shin Jerusalem nyen Naan mu. ³² Dang Naan, dee nan a ji khi bhizung piya, nbut khi dem ndhi ni a mhi Naan di, dee an khi gun, mu kat lap nok di. ³³ Yit dee Naan gu zuhum bhizung dee a wukhime khi gun. Asiwai.