¹ Ghi lap gwo ndhi shinzen khimuk kat, khi dyel nbut ma. ² Meeh gurum khi shinzen ndhi khi si bii mu khidhing dang bhi gwo ndhi shinzen khimuk kat, bhi khi si a kompeeh det. ³ Gwo ndhi khi si bii mu khidhing nok naa wubis khi gwo ndhi khi si ma. Asih zak, gwo ndhi khi si bi mu khidhing ma, nok tok dyel ngwo ndhi khi si bii mu khidhing. Npe ndhi Ndah Naan tap ni gweh. ⁴ Ghi aweh ndhi ghi tok dyel nkwaram mhi megwo he? Npee ni pee dar a ntikhim gwo wuyon fini dee khi dar ha, khi pal hee, khi dar, npee ndhi Nda Naan khi mak lih ni dar. ⁵ Meh gurum khi shin wuyon pus khime khi del nkwa, dangbih, megwo khi shin wuyon a duk duk, yit koweh shin bii ndhi bhizung ni mang. ⁶ Gwo ndhi dye pus hee, dye apee Naan. Gwo ndhi khi sih bhi khi sih apee Nda Naan khi shin plang gwo ndhi khi sih ma, bhi nyang sih fee apee Nda Naan khi shin plang. ⁷ Npe ndhi duk duk fun, megwo a mhi kaashin ma megwo muut npe kashin ma. ⁸ Npe ndhi kat mu tong, bhi mu tong ape Nda Naan, mhi mu dwam bhi mu dwam apee Nda Naan, npe ndhi asih bhi mu tong kot mu dwam bhi mun a mhi Nda Naan. ⁹ Apee phishih mhisih fee dee Nda Jesu muut ba yakkal di, de ni dee Ndaa mhi nyen ndhi mu kakham, khi Nda mhi nyen dhi mu dwam di. ¹⁰ Dang bhi, anang wughi ghi tok dyel emnang he? Pe dee wughi zak hee anang ghi bak emnang hee? Npe dhi duk duk fun, mun pe dyram ntikhim Nda Naan pee tok dyel. ¹¹ Npe ndhi a wu riran, " an di, Nda Naan ni sat ndeer ni bhi fhirem gurum mu duk duk npee krum nyil, yakkal lees gurum mu duk duk npe saam sihm Nda Naan. ¹² Npe ndhi asih, bhi mun sih khi me sih khi me, npe sat bii ndhi mu shin Nda Naan. ¹³ Kat asih, bhi mu nok tok dyel shaka nwak mu diye asih. Tap yak megwo nden pang gap kwak ko gwak emnhikhin ni ma. ¹⁴ An a man ndhi nder Nda Naan bhi me bii a wubis shi kashin ma. Kat nder megwo, dee na a wubis, a bhi wubis nder muk. ¹⁵ Kat npe sih, dee emnhikhin ghi kat shang ma, bhi ghi man ndhi ghi nin demshak nni ma. Tap ghi mhi emnhikhin ghi ndhi Nda Jesu muut npee muk, npe bhilip sih. ¹⁶ Npe ndhi asih, bhi ghi nok naa bi ndhi a wuret a khipe wubis sih mah. ¹⁷ Npee ndhi pe wubang khi Nda Naan, a bhilip sih khi am shu ma a bhilip shin wuret, zukhum bhizung, khi retyit nbut khin riin ndhi niya wubang. ¹⁸ Npe gwo ndhi dhikyil Jesu yarkam dhisih, bhi ni a wu-lilap ntikhim Naan khi gurum mu. ¹⁹ Yit di nde mun mu mwan a nder bi dhi khi zukhum bhizung gurum, khi bi ndhi khi dhik shak di. ²⁰ Tap mu thikok khi shiit Naan npe bhilip sih maa, duk duk bi mu a wubang, dangbhi a wubis, dee megurum sih me bii ndhi khi leh dee megwo pal di. ²¹ A bi wuret dhi ghi nok si luu yakkal ghi shu am ko ghi shin mee bi ndhi khi lih emnhikin ghi pal di. ²² Shinzen dhi ghi khi ni, ghi yah khi naar ghi khi Naan. Saam di npe gwo ndhi ntokon khi kaa shin ma, npe bi ndhi dem. ²³ Ni gwo ndhi shin tak tak khi bi ndhi sih nbut khi shinzen ma bi ndhi ghi shin nbut khi shinzen ma, bhi a shikbis.