¹ A saam yi emnhikhin mu Phoebe, ndhi yi a kwaram ndhi Lih - Naan ndhi Cenchrea, ² npe dee gun gu lap ni nbut Nda Naan. Gu shin nbut khi en ndhi niya mhi nyen Naan mu, yakkal gu shin bam ni npe bii ndhi ni pee dem nder gu, npe ndhi ni shin ba - ga bam ngun khi an duk. ³ Gu tal Priscilla mu khi Aquila, nyen ndhi mun phi shit a wukhime khimu nbut khi Jesu Kristi, ⁴ mwo, dhi shin sen du npe an. A shin plang mu, a an det ma, khi nyen ndhi mu man Naan ma khidhing. ⁵ Tal dhin lee-naan ndhi mu di lee khidhing, tal Epaenetus gwo ndhi a dem. A ni, a la lep ndhi she, nbut Asia, npe Jesu. ⁶ Tal Mary, ndhi shu wula npe gu. ⁷ Tal Andronicus khi Junias, nyen fhin mu, yakkal mu tong lih kwo khimu. Mu a wu mwan nder Jep Lep mu, yakkal dok mu nder Nda Jesu, dee she an di. ⁸ Tal Ampliatus, gwo ndhi a dem dhin Nda Naan. ⁹ Tal Urbanus, gwo ndhi mu shin awukhime nbut Nda Naan khi Stachys, gwo ndhi a dem. ¹⁰ Tal Apelles, wu - dem khi Nda Naan. Tal nyen ndhi mu dhin lih khi Aristobulus. ¹¹ Tal Herodian, gurum fhin. Tal nyen ndhi mu dhin lih Narcissus, mu ndhi a dhin Naan. ¹² Tal Tryphaena khi Tryphosa, nyen ndhi mu shin shiit Naan mu. Tal Persis gu dem fhin, ndhi shin shiit bwer Nda Naan. ¹³ Tal Rufus, wu bil khi Nda Naan, yakkal dhin muk, khi man. ¹⁴ Tal Asyncritus, Phlegon, Hermes, Patrobas, Hermas yakkal emnhikhinmu ndhi mu a wukhime. ¹⁵ Tal Philologus, yakkal Julia, Nereus khi emnhikhini, yakkal Olympas yakkal duk - duk khi nyen Naan mu, ndhi mu a wukhime mu. ¹⁶ Tal shak khi shu-pwo ubang. Duk dhin lih Naan mhi Kristi mu tal gun. ¹⁷ Khidetsih, a sat ngun emna mu, gu diye nten ndhi mu ji khi tee pee, khi gap kwak. Mu npe del khi del bii ndhi mu kam gun. Vhiling dangkong gu mwo. ¹⁸ Npe ndhi gurum a khipe dih sih mu npe dhik yil Nda mu Kristi ma, sih a nbut mwo det. Khipe shak, khi bhilip wuret bhi mu gwam bhizung nyen ndhi mu man mebi ma. ¹⁹ Npe kampee mhi shin lokhot kat gurum mu khi dhing. A shin ret yit, npe gu, dang bhi, a dem dee gu sen npee bi ndhi a wuret khi wu-bis nbut ma. ²⁰ Nda Naan, mhi zuhum bhizung, ni npe teen gu-sokham nla, ap kwak gu gwe, wuret khi Nda Jesu Kristi, wet a wukhime khi gun. ²¹ Timothy, shaar shiit fhini, tal gun, yakkal Lucius, Jason, yakkal Sosipater, gurum fhin. ²² An, Terhus, gwo ndhi ran bi mihsih dem, tal gun nbut Nda Naan. ²³ Gaius, gu lap, an, khi dhin lih Naan khidhing tal gun. Erastus, gu den shakhal dhin yil he, tal gun, khi Quartus emnhikhin muk. ²⁴ Yit dee, wuret khi Nda mu Jesu Kristi dee a wukhime khi gun khidhing. Asi-wai. ²⁵ Khidetsih, nder muk, gwo ndhi ni mak shin bii mu da, wu, shin bal ngun, npe bhilip Naan ndhi niya mhi Nda Jesu Kristi npe bii fipwo, ndhi mun wo-o mu den gwe, a wu-su-su-sok bhi beet si. ²⁶ Bhi khidetsih bhi mu wo-ho dee mu man di khidhing, dhin yil hee, npe sat ndhi niya mhi Nda Naan, npe ji khi shin zen mhi lokhot. ²⁷ Nder Naan ndhi seen ma bi mu da, wu, nbut Jesu Kristi wuyon dee, a mu muk khidhing. Asiwai.