¹ Emnikhin nhi mu, yad ndhi an phi shaa khi bhizung nhi khime a ndhi yee duk duk khi gurum fhin mu khi bhirip! Yad ndhi an phi dang phi Naan npee mu! ² A makpe satzen ngun a ndhi mu phi shin baal du NNaan; ama shinbaal khi mu a khi yarkaam man mhi zen ma. ³ Npe ndhi mu kaat khi yarkaam mhi man petong wuret ndhi Naan phi shin fee, yakkal mu phi bong a yarkaam mhi den petong wuret nmut, bhi yakkal mu shin kaasut npetong wuret mhi Naan ma. ⁴ Npe ndhi Jesu Kristi ni a ngu ji khi lat khi warr mhi petong wuret npee duk duk khi gurum mu ndhi mu phi shinzen. ⁵ Pe ndhi Musa raanran khikaa petong wuret ndhi a mhi warr: "Gwo ndhi shin petong wuret ndhi amhi warr bhi khi bhirip a khi petong wuret wu ni fee." ⁶ Ama petong wuret ndhi amhi shinzeen sat na asih: "Tap bhi ghi sat nbhizung ghi sih na, 'Awe npe kaa khiting khipe petong Naan wuret eh? (Ndhi asih, de ni sam khi Jesu Kristi); ⁷ yakkal tap bhi ghi sat sih na,, 'Awe npe wassam npetong wubis he?" (Adhi asih, npe yakkal khi Jesu Kristi n'tukkun). ⁸ Ama sat na ame? "Bhilip Naan fee kuss khi ghi, ni phighi yakkal ni nbut nohok ghi." Ani fee a Bhilip shinzen, ndhi mun phi daar nkha'a fee. ⁹ Pe ndhi nin kat a khiphi ghi bhi ghi woo a ndhi Jesu ni a Ndah wuyon, yakkal ghi shinzen nbhizung ghi a ndhi Ndah Naan yakkal khini ntukhun, bhi ghi bhirip. ¹⁰ Pe ndhi a khi bhizung ndhi gurum khi shinzen yakkal kat petong wuret, yakkal khi poo ndhi gurum khi tang kon khini njin bhi khi bhirip. ¹¹ Npe ndhi Bhilip Naan sat ma, "kowane gurum ndhi shinzen mu bhi khi shuu kakul ma." ¹² Pe ndhi me konshak di khina'ar Bayahude (Jew) khi Ba'al'umme (Grik). Pe ndhi Naan ndhi khimee sih a Naan mhi duk duk, yakkal khi shin nkowane gurum ndhi yongpe nni. ¹³ Pe ndhi kowane gurum ndhi yong sihm Naan bhi khi bhirip. ¹⁴ Shinang mu khi yong sihm gurum ndhi mu shin zen ni ma ye? Shinang mu khi shinzen ngurum ndhi mu sham khiling dhihil muk ma ye? Shinang mu khi khiling bhilip ndhi baa ngu shin lep Bhilip Naan fee di ma ye? ¹⁵ Asih fee bhi shinang mu khi shin lep bhilip Naan fee bhi sai mu lep mu? - khipe ndhi khi a wurihran, "A khi yarkaam mhisih bhi kwak nyen ndhi mu okhom lep wuret khi Ndah Naan bhi ndhi khi ret. ¹⁶ Ana ba a duk du khimu mu shin yon nlep Naan wuret fee ma. Npe ndhi Ishaya sat sih na, :Ndah Naan, awe khi shinzen khi kaa bhi ndhi mu shin he?" ¹⁷ Pe ndhi asih, shinzen khi tong put a nder bii ndhi ghi khiling, yakkal khiling fee a Bhilip Naan khi shin. ¹⁸ Ama a sat a lih, "Bhi dok mu khiling ma?" Ee, wuni asih wai. "Dhikil mu mwan kaatpe duk duk khiyil, yakkal bhilip khimu mwan khilang khilang khiyil." ¹⁹ Ban ndhi asih, bhi a lih, "Get Isra'ila mu man mhing mhi?" Wusheshe bhi Musa sat naa, "A shin shiit a khi pee ndhi ame yil ma npe lih ngurum mu shin thilik. A shin shiit akhipee me yil ndhi mu khi man ma de mu lih ngun gu yikhil khi tukhurnung." ²⁰ Ishaya get ni khi tukhurdwan ndhi sat sih na, "A nyen ndhi mu bong kop nhi ma mu kat an. A nin kaasan nnyen ndhi dok mu talkop nih ma" ²¹ Ama mhi Isra'ila bhi naa, "Par biit fee tai bhi a shin sar nhi shinji nnyen ndhi mu khi lokhot ma yakkal mu khi khiling kom ma."