¹ Ngu lep wu paat taa feer min zak. Yaghal a naa zar khitingnaan sam taa nyil. Mwo shin bii bal phituhun ndhi mwo ko sing-sing nih. ² Ndhi epp phi tuhun fe bih diyel put ntuhun fee kaa, dee khipee diyeel wus ndhi shaan lih sih, diyeel fe paa puus, kihtingnaan, bih pee yaghal rap khibii lihpar sih. ³ diyeel fe bhi sighit mwo sam khiyil, mwo shin bal mwo khibii bal dokhar khiyil sih. ⁴ Mwo sat mwo dee mwo nok tihkok khi dem kih ting ndhi khi yil fe sih,, mwo shin jeel a nyen ndhi ba mwo kih mebii fiipwo npihklin khi mwo ma. ⁵ Mwo shin pee mwo npee two gurum mwo ma, mwo shin pee a mpee lih wula mwo mpee tar paat deh Jeel khi mwo a shwal nkaa shwal ndhi gurum khi kiling khipee daghar ndhi kat tat gurum sih. ⁶ Nbut teer ndhi mwo paat sih bhi gurum mwo khitong nmuut kih yitmwa, bih ba mwo npee kat fee ma. Mwo npee tang yarkam muut, muut khi zhong poo (khi yaa nasihsih). ⁷ Sighil mwo lapsshak khi bizhing npee liyak. Nkaa biikaa ndhi mwo dak kih zinariya zak, bhi yit khi mwo lapshak khi yit gurum mwo. ⁸ Shoopkaa nyen fe mwo kwan-kwan dee khipee mih shirop mwo sih, akhas a khipee mih liit sih. ⁹ Mwo paah tugkur fut mwo khi meebii khipee shakhal, zak bih mwo khi shaap ndhi wal nkyet-nkyet khi kwak bizhing ndhi nih phi dhil keke bizhing npee liyak. ¹⁰ Mwo khi dang zak ndhi khi tat gurum kibii dakhar mwo sih, a shi daag fe bih mwo kat bal npee shin zheel n gurum mwo npee tar paat. ¹¹ Miskaahaam khimwo a nguleep mih tughun ndhi mwo ok jong-jong ndhi dar nbii sih kus ma, sim gwo fe nliispwo mih Yahudawa mwo a, Abaddon, nliistpwo mih Heleniyawa mwo zak bih sim gwo fe a Apolliyon. ¹² Wula ndhi nshe del gwe. Dee a jeel wuyon - yon wuvil npee wawul. ¹³ Ngulep wupeemee taa feer finih, bih yaghal a khiling mee dighil ndhi put khipee wus bii zuhum mih zinariya sih mwo kihdar ntighim Nda Naan. ¹⁴ Mwo sat nguleep wa peemee ndhi nih kih fee sih naa, "Gu fwon nyen lep kih Naan mwo fee ndhi mwo diyan mwo nkong Euffiretus. ¹⁵ Nyen lep wu feer ndhi sih mwo, tong phi tap pee npee pee fee, khi teer, khi tar khi yi mpee dee mwo bwot mwo di, de mwo two gurum mwo di. ¹⁶ Soja ndhi mwo khi ling khidel bizhing fe mwo wul milliyon dali vil (200,000,000). ¹⁷ Bizhing ndhi a naa mwo nbut sukhun kih nyen ndhi mwo khi ling khideel bizhing fe mwo lapshak. Mwo jwal shakhal kaa, khi tukhur fut mwo, ndhi naat - naat khibii wus sih, pak pan a thip khipee khilingnaan sih, kaa bizhing fe lapshak khi kaa liit, wuus khi diyeel khi fwat pwat npwo bizhing fe mwo zak. ¹⁸ Mwo twa wu kun khi gurum fe khi zheel khi diyee khi fwat ndhi pwat npwo bizhing fe mwo. ¹⁹ Bizhing sih mwo khi bal a pwo khi dang, mpee ndhi dang kihmwo a kibii nwoo mwo sih, mwo khi kaa khi goklaa nkaa gurum mwo. ²⁰ Gokshii gurum ndhi mwo two mwo mpee zheel ma, mwo tihwap npee shiit shin mih sar fut wubis ma, mwo nok dhik yil nrhiin wu bis khi kum, khi zinaariya, khi azurfa, khi pangmwo, khi sheep mwo, kih bii mwo ndhi ba mwo kih yit npee naapee ma, ba mwo khi kwak npee mwan-mwan ma. ²¹ Dangbih shin mwo niyang tihwap npee shikbis tihkaa ndhi mwo shin, kih shiitshin ngaa khi wat zak ma.