¹ Yaghal a naa wukwa ngulep wuyon tong khitingnaan sam, libhin paa kaa khimuk kihbii lee lep sih, yit kihmuk kihbii puus, kwakshii zak dee khibii kuur wus wu naat-naat sih. ² Nih khi mee laa dikarda ndhi mwo khiten epp gwe nsar finih. Den kwa dase kihkaa am, kwak dakul khidhin. ³ Dangbih gwo fe yongpee bal-bal dhihil khimuk lapshak khi dhihil liit. Khidangkong ndhi fwa oor bih, piram pee mwo pokhovil mwo pwat khi dhikhil mwo lap zak. ⁴ Khidangkong ndhi wu pokhovil sih mwo lap, bih yaghal an npee ran fe, bih yaghal a kiling mee dikhil khitingnaan sat naa, "Ghi siip (okhot) bii ndhi nbut libhin ndhi mwo yong pee pokhovil mwo sat sih. Ghi nok ran meebii sih. ⁵ Ngu lep khi Naan ndhi a naa kih dar, mee kwakshii nam, memee khidhir (yil) sih, epp sarsih finih shin kaa khitingnaan. ⁶ Gwo fe lap bilip ngighin sim khi Nda Naan shin mwan tai-tai. Naan ndhi den khitingnaan, khi bii mwo duk-duk. A nih den yil khi bii ndhi mwo ndighin yil fe zak, khi teku (am) khi bii ndhi mwo ndikhin am duk-duk. Ngu lep sih yaghal sat naa, "Ba mee wet daar kudi ma, pee shin gwe. ⁷ Dangbih parpuus ndhi nyen lep khi Naan wu pokhovil sih mwo mpee taa feeer fut, bih Nda Naan khi nin bii fiipwo finih, khibii khi ten sat nkwaram finih anabawa mwo. ⁸ Dikhil ndhi a kiling kihtingnaan shin lap bilip khi an naa, "Mwan ghi mang dikarda wu epp fe, nsar khi laalep kih Naan ndhi kih dar nkaa am (teku) khi yil sih. ⁹ Bih yakhal a mwan ndeer laalep fe (ngulep) fe, a sat nih shin laa dikarda fe nnan. Gwo fe sat naa, "Ghi mang laa dikarda fe ghi sih. Khi deet buut nghi, pwo fhik kih rok khipee am nshii sih. ¹⁰ A lap laa dikarda nsar ngulep fe a takhaal. Rok-rok khibii am shii sih npihnih, khidangkong ndhi a taahal laa dikarda fe bih butfiya yaa an. ¹¹ Khidangkong bih mee gwo sat nan naa, "A ting dee ghi shin ghi sat sukhun khidel gurum mwo bwer, khi yil mwo, liispwo mwo shini-shini khi miskaham mwo zak.