¹ Mwo shin mee dam/kam nan, npee kampee/bii mwo. Mwo sat nan naa, "Ghi yaghal ghi lih naan khi Nda Naan wu yon fe, khi pee wus biizuhum fe zak, yaghal ghi kun gurum ndhi mwo pih dhikyil nNaan ndighin lihnaan fe. ² Ghi nok kam pee ndhi neer dangkong lihnaan fe sih, mpee ndhi mwo shin wuni nnnyen kum mwo gwe (nyen ndhi ba a nyen Yahudawa mwo ma). Mwo wuni fe npee mwan kihkaa yil wubang mpee tar yakgurum vil khi vil. ³ An npee shin bal finih nlangting mwo vil mpee dee mwo sat bilip ndhi Naan pih dem dee mwo sat di ntihim, npee teer dubu kihmee kih dali vil kih teer yakgurum kun, ndhi mwo - ruwan/jwal leewalmuut." ⁴ Nyen lanting ndhi vil sih mwo a tingpaat ndhi mwo vil sih zak, khi fitila mwo vil ndhi mwo khi dar ntihim Nda Naan nyil si. ⁵ Kat mee gurum phi dem shin shwal nmwo, bih wus khi pwat npwo khimwo dee ni shaan sharfom fe mwo di. Duk gwo ndhi phi dem shin shwal nmwo bih mwo khi tih ni a nyarkam wuni fe. ⁶ Nyen ndhi mwo khi bal npee dughur phi pee kihtingnaan yakba fwan khi nwul, ndighin teer ndhi mwo phi satpwo ndhi Naan nih phi dem dee mwo sat bilip ndhi ntihim di. Mwo khi iiko mpee viling am dee nih bwor a lihimm, mwo mak ji khi shwal mwo shini-shini khikaa yil fe, khi duk bii ndhi ret nmwo yit. ⁷ Khidangkong ndhi mwo sat lanting fut mwo, bih mee luu dem wuyon - yon tong dighin tuhun put. Luu dem ndhi si npee bwot liyak thikaa gurum fe mwo, khi si kokhorong khidel mwo bhi yaghal twa mwwo zak. ⁸ Kum nyen wu vil sih mwo khi zan nyil wu nan-nan ndhi sim yil fe a Sadam khi Izhip, yil wu vil si mwo a biikam. Gyet mwo pwas Nda khimwo a yil wu-nan-nan fe. ⁹ Mpee teer kun khi gokhot bih gurum mwo shipee-shipee, khi liis pwo dhik-dhik khi yil mwo npee naa kum gurum fe mwo. Mwo npee dem dee mwo wum mwo di mak. ¹⁰ Nyen ndhi mwo khitong ndighin yil si mwo npee shin retyit npee nyen wu vil sih ndhi mwo dwam. Mwo npee mhirap tam, bih yaghal mwo lep khi biizuhum nshak zak, npee bilipNaan ndhi langting wuvil dok mwo sat. ¹¹ Dangbhi khidangkong teer kun khi gokhot bhi Nda Naan khi shin nohok mhi seen nmwo, bhi mwo khi yihil diram khikwak du mwo, luhut khi tih nyen ndhi mwo naa mwo. ¹² Baga meedighil (oor) khi tong khitingnaan sam sat naa, "Gu kaa si," Mwo khi yighil kaa khitingnaan nbut libhin, shaar fom khimwo phi naa mwo khikaa si. ¹³ Mpee wuni bhi yil khi sikhin bal-baal, khimee nbut wu sar mhi yil wuyon (birni) fe khi pyan, gurum mwo dubu pokhovil mwo khi dwam (murap) ndighin sikhin khi yil fe. Luhut khi yaa gokshii nyen ndhi mwo khi seen, bhi yakhal mwo shin wuyon nda Naan ndhi khitingnaan. ¹⁴ Khidangkong bii si mwo bhi wula wu vil fe del, dangbhi wula/zheel wu kun ni wazhi laa-laa. ¹⁵ Ngulep khi Nda Naan wu pokhovil taa fee wu pokhovil, bhi yaghal a khiling dikhil ndhi bal-bal, mwo gam-gam khitingnaan phi sat naa, "Mulkimhi yil si dee a mulki mhi Nda funu, khi laa khimu zhesu Kiristi, a ni npee shin mulki shin mwan tai-tai. ¹⁶ Nyen nan mwo yaagurum khi feer ndhi mwo khi tong khi peephitong fut mwo ntihim Nda Naan mwo zhin khi yit fut mwo, mwo dhikyil Nda Naan. ¹⁷ Mwo sat mwo naa, "Mu shin plang nghi, Nda Naan wuyon, ndhi khidet si, khi ndhi nshe, npe ndhi ghi mang bal fhik, ghi yaa tong khikaa mulki fhik. ¹⁸ Nyen ndhi mwo man Naan ma, ndihin yil mwo shipee-shipee laa nmwo nbut, npee ndhi tukurnung, khi Nda Naan zhi wul gwe, npee dee ni fuut tukurnung fini nkaa mwo. Pee fee wul gwe, ghi npee tok diyel nyen ndhi gyet mwo dwam, npee dee nghi ghi shin wuret nkwaram fik mwo di. Nyenmnsat bilip fik mwo, khi nyen mak mwo zak, khi nyen ndhi gyet mwo den sim fik a wuyon, nyen wu diyen mwo, khi nyen wu nan mwo zak. Ghi npee tikok khi nyen ndhi mwo tihkok khi yil. ¹⁹ Phi lih Naan ndhi khilingnaan yaghal ep, bhi mwo naa akwati mhi bilip khi Naan shii tihim khi Naan, ni nlih, khi Naan wuyon si. Bhi pee milap bwer, khi dikhil wunan-nan mwo, khi libhin, bhi yil sikhin, bhi ndahar wunan-nan mwo sam dhik khikaa yil.