¹ Mbih yahal mu na baga mebi khiting Naan: a me mat leplee khi pus, yahal tar zung de lep nike khi zar mu sar puvel. ² Ni ke gam, ni pe wal mpe shwal laa-laa, ni npe dar mpe la'a laa fe sar shwal. ³ Mbe shin mu naa mebi nkwa khiting Naan, mbe nat a baga ludem a naat khikaa mu pukovel khi shohop phi mu sar, yahal zong pukovel khi de khikaa muk. ⁴ Dang nwoo sih kun zar simu shinsam nyil. Baga wosi dar tikihim mat ndhi ni pe lla sih, katdang lala fe mbe wo si khimang lafe tekohok khi ni. ⁵ Nhi lala fee, la wumiis, nde ni npe kot awuyon khi yil sih ni tap khi yil sih a dam shakahal; mu nuwan la matsih shin ya nder Naan khi yon khi muk. ⁶ Maat sih, sihnah asih. Wuya ndem, Naan yahal dak me pe nni, nde ni mpe tong di, mu khi tap khi ni mpe ter 1,260. ⁷ Mu shin liyak khiting Naan. Micheal mu jep lep finin mu liyak khi baga woo, me woo sih a wukhime khi jep lep fininmu ba liyak mu. ⁸ Wu shi ba ni khi bahal pede ni sih kohorong di ma. Asih de ni khi mepe khitingnaan kashin khi jeplep khimuk mu. ⁹ Baga wusi dee nagiya wu yong diya. Sharfohom de bang deken yilsih - mu betni shinsam khi dhikin yil mu brap jeplep khimuk mu shin sam nder muk. ¹⁰ Mbe a khiling baga dhikhil yahal khiting: " a wul khi (salvation) khi bahal; khi yon khi Naan, khi pe de mhi laa Naan, gwo ndhi ni khi kohot ka emnhikin mu pal, gwo ndhi ni npe sat kotkot kamu pus khi lipar. ¹¹ Mu sih kokorong nkaa muk khi tikim ndhi ni a mhi Jesu, khi liis langting ndhi ni a memu, npee ndhi mu dem seen mu ma har bit muut khi mu. ¹² Npee ndhi assih bhi yi shwam, tingnaan, khi nyen ndhi mu khi tong nbuut muk, ni gam khi tukurnung, ni man ndhi ter finin a lee det. ¹³ Ndhi woo sih waji man ndhi mu bet jin shinsam kidihin yil sih, ni sih khider maat ndhi la lawami si. ¹⁴ Mu shin shap kiling maat si, mu vel ndhi ni yahal ya khipe ndhi mu dak ni den di, a ni a npe dee mu npe tap khini di, pe jep teer khi ter saryak mu khi kaat sharfoom. ¹⁵ Woo sih fuhut am shin put npe ni khi bii amkongsih ndhi ni mang maat sih del khini di. ¹⁶ Yil si bam maat sih yit fe eppo dal kong dee wosih npe fuhut shin put mpe ni sih. ¹⁷ Tokurnung gap nwoosih khi maat eh yahal mwan ka'at liyak khi gushik kaah khimuk mu, nyen ndhi mu npe shin lohot khi war ndhi ni a mhi Naan mu ya bilip ndhi Jesu bilip nmu. ¹⁸ Sharfohom sih yahal dar khider ees nkong.