1 Khidangkong ndhi Laatim fe fwal ndihin stam mu pokholvil, bih ba mee gurum lap bilip kihting - Naan ma, wul kus kih gohot awa. 2 Dangbih yaghal a naa zhep (jep) lep kih Naan mwo pokhovil, mwo khi dyaram ntihim Nda Naan khi feer mwo pokhovil zak. 3 Laa lep kih Naan ji dar kus kih wus shan biizuhum, nih kih mee daa wus biizuhum fe, ndhi mwo dak khi zinariya. Mwo shin muwoor wu dih shang-shang nnih dee nih shin biizuhum kih dang Naan mih nyen mwan nder Naan wubang mwo kihkaa peewus ndhi mwo dak kih zinariya, ndhi nih ntihim - peephitong wuyon (mulki) sih di. 4 Bih yaghal diyeel mwoor biizuhum ndhi dih shang - shang kih dang Naan mih nyen Naan wu bang mwo, ndhi nih nsar laa lep kih Naan, diyeel fe kaa khiting nder Nda Naan. 5 Dang bih laalep fe mang daa biizuhum fe, gam daa fe kih wus ndhi kihkaa peewus biizuhum fe bih yaghal kon nyil, ndhi kon wus sih nyil, bih libhin khi dighil gurum mwo, khi milap kih pee yon-gon, bih yil sighin (yokhon) zak. 6 Khidangkong wuni, bih nyenlep Nda Naan mwo pokhovil ndhi mwo kih feer pokhovil sih, mwo yaghal dak sut dee mwo zhim npee taa feer di. 7 Ngulep khi Naan ndhi nshe taa feer finih, bih ndakhar kih wus riyeep khi tihim, mwo sam kon nyil, khimee kihkaa kun mih yil fe shaan, khimee nkaa, mih ting mwo shaan zak, dangbih dem wu milap-milap zak. 8 Ngu lep Nda Naan wu vil taa feer, meebii khipee pang wu yon - yon sih shaan khi wus sam taa nam (teku). Wu kun nkaa am (teku) viling a tihim. 9 Wu kun mih bii ndhi seen nbut am (teku) mwo dwam duk-duk. Kihmee nkaa kun mih girgi mwo tihkok. 10 Ngulep wu kun taa feer finih zak, bih zar wuyon tong khitingnaan sam taa kih liss wus khibii zarr wus, nkaa wukun mih kong am mwo, kih phibut am mwo zak. 11 Sim zar fe a "wudeet. Wu kun nbut am fe bor a wudeet duk, dang bih gurum mwo bwer mwo dwam npee am ndhi deet fe. 12 Ngu lep kih Naan wufeer taa feer finih, bih yaghal mwo shit khimee nbut wu kun, mih puus, kih khimee nbut wu kun, mih tar, kih khimee nbut wu kun mih zar mwo zak. Mpee wuni bih kihmee nbut wu kun mih pee - bang sih mwo, ba mwo kudi khi peebang zak ma, kihmee nbut wu kun mih lihpar, ba shin kot khi pee wubang zak ma. 13 A naa pee, bih yaghal a kiling dighil puul nih phi yongpee kih dighil bal-bal naa, "wula! wula! wula, npee nyen ndhi mwo ndihin yil sih, npee ndhi nyen lep khi Naan mwo kudi kun, mwo npee taa feer mut zak.