¹ Khidangkong ndhi bii sih mwo lat bih yaghal a naa zhep kih Naan mwo feer, mwo dar nkwangpee mwo feer mih yil sih, mwo yaa kohom/kut mwo diin nkwangpee ndhi mwo feer sih mwo dar khi ni, yakba kohom/kut khi put nyil, khikaa am teku, ko khikaa ting zak. ² A naa laalep kih Naan wukwa khi zhi nkwang arkaa/puus kaa, ni kih ndihin mih stam ndhi a mih Nda Naan ndhi ni khi seen. Gwo fe yongpee khi dighil bal-bal nzhep - lep mwo feer ndhi mwo khji ten shin pee/iko nmwo dee tihkohok khi yil khi am di-shi dighil wu bal-bal. ³ Gwo fe yaghal sat naa, "Gu nok tihkok khi yil, am khi ting mwo sih. Gu dar dangsih dee mun mu bam stam mih Naan ngun npikhin fuk mwo, khi kwaram khimuk mwo dangsih. ⁴ Bih yaghal a kiling mee gurum mwo gam-gam ndhi mwo bam pihkhin khimwo khi ndighin stam mih Naan, mwo wul dubu dali-kihmee, khi dali feer khi yakgurum feer. Nyen ndhi sih mwo pwat a dighin gurum mih Yahudi mwo. ⁵ Gurum mih Juda dubu sar kaa vil ndhi mwo bam phikhin stam. Gurum kih Ruben ndhi mwo lih alama mwo, mwo wul dubu sar kaa vil. Gurum mih Gad mwo dubu sar kaa vil ndhi mwo lih alama nmwo. ⁶ Nkaan mih Asher a dubu sar kaa vil, Nkaan mih Naptali mwo dubu sar kaa vil, Gurum mih Manasseh mwo wul dubu sar kaa vil zak. ⁷ Mih Simeon mwo dubu sar kaa vil, Levi ni khi gurum dubu sar shikaa vil, Issachar, gurum dubu sar kaa vil. ⁸ Gurum mih Zebulun, dubu sar kaa vil, nkaan mih Yusufu/Joseph mwo a gurum dubu sar kaa vil, bih yaghal nkaan mih Bengamin mwo a gurum dubu kih sar kaa vil zak ndhi mwo lih alamaa mwo. ⁹ Khidangkong bii sih mwo duk-duk bih yaghal a naa pee, bih a naa khisher gurum mwo ndhi ba mee gurum khi mak kun nyen fe mwo ma - mwo pwat shii yill-shiyil, shi nkaan-shinkaan, khi lisspwo khimwo shini-shini, mwo pwat shipee - shipee ndihin yil sih. Mwo der ntihim peetong wuyon (mulki), ntihim Laatim khi Naan. Mwo jwal lee wupiyaa, mwo kih shaa moorbang nsar-nsar zak. ¹⁰ Mwo app dighil du khishak bal-bal naa, "Bam fumu a pih Nda Naan, a nih khitong kihkaa peetong wuyon (mulki) khi laa tim fee zak. ¹¹ Nyen lep mwo duk-duk mwo diram khiting, mwo neer peetong wuyon (mulki), mwo neer ngyennan mwo khi bii ndhi mwo khi seen fee sih zak, bih yaghal mwo zhim kaa du nyil ntihim peephitong wuyon (mulki) fe, dee mwo dhikyil nNaan di. ¹² Mwo sat naa, "Asiwai! Samsim, dhikyil, khi seen khi shinplang, ki wuyon, iko, khi bal mwo amih nda Naan fumu shin mwan tai-tai, Asiwai." ¹³ Memee nbut nyen nan fe tal nder nih naa, "Nyen ndhi mwo ki lee piyaa, khi lee piyaa sih mwo tong a ne mwo zhi ye? ¹⁴ Bih yaghal a sat nnih alih, alih, "Nda, ghi kih man fe," bih sat nnan naa, "Nyen ndhi sih mwo a nyen ndhi mwo pwat nbut baga wula (wula wuyon) mwo vwang lee fut mwo, dee mwo dee a wupiyaa ndihin tihim kih laa tim sih di. ¹⁵ A npee wuni fe dang bih mwo khi dar ntihim peetong wuyon (mulki) mih Nda Naan, mwo pih dikyil Naan nlihnaan lihpar khi puus Gwo ndhi kihtong khikaa peetong mulki fe nih npee tong awukhime kih mwo. ¹⁶ Ba me neen pee laa nmwo ma, amtih khi sham tih mwo ma. Puus khi baan mwo ma. ¹⁷ Mpee ndhi laatim ndhi nih kihnaar mwo khi dee agu tap kih mwo, khi mwan khi mwo nphibut mih am dhi seen tai-tai, Nda Naan khi pwas yitmwa nmwo nyit kwet-kwet.