¹ A naa Laatim fwal ndhihin stam fe ndhi nshee. Yaghal a kiling dihil memee nbut bii mwo feer ndhi mwo khi seen. Gwo fe yong pee bal-bal nbut libin naa, "Ghi zih." ² Ndhi a naapee, bih yaghal a naa mee bhizing wupiya sak-sak kih zih (ji). Gwo ndhi khi lang khidel bizing fe ni khi nree, mwo shin biikaa kokhorong - ni. Ni khi bal kpokhorong npee ni sih kokhorong di. ³ Ndhi Laatim sih fwall ndihin stam wu kun, bih a kiling bii ndhi khi seen wu vil sat naa, "Ghi zih!" ⁴ Bhizing wukwa yaghal put, a bang kyer-kyer. Mwo shin pee ngu lang bizing fe de ni mang - tongshahap shin ba kih yil di, dee ngurum mwo tuwo shak di, yaghal mwo shin mee ngwam wuyon ni zak. ⁵ Laatim sih shin fwall ndihin mih stam wu kun, bih yaghal a kiling mee dighil nbut bii mwo feer ndhi mwo khi seen sih, yongpee sat naa, "Ghi zih!" Ndhi a yaghal a naa pee zaak, bih a naaa a bizing wu tiip, nimkhi daa npee kam bii mwo khipee kuyengye sih nsar fini. ⁶ A kiling dighil khinaar bii mwo feer ndhi mwo khi seen sat naa, "Gurum khi mang shakhal shiit fini mih puus khimee dee ni seet muudu mi alkama - kihmee di zak, gurum khi mak mang shakhal shiit mih puus kihmee dee ni seet muudu shuu mwo kun di. Daangbhi ghi nok tikhot khi mwoor fe khi am aanab fe sih. ⁷ Khidangkong ndhi Laatim fe fwall ndihin stam wu feer sih, bih yaghal a kiling dighil wu feer zak mih bii mwo feer ndhi mwo kih seen pih sat naa, "Ghi zih!" ⁸ Yaghal a naa bizing ndhi wel-wel. Sim gwo ndhi khi lang kihkaa bizing fe a muut, bih Hades ndangkong muk. Mwo shin bal nmwo kihkaa ki mee nbut wu feer ndhi mwo kih yil fe, dee mwo twa gurum mwo ki ngwam di, kih neen, kih shwal, kih ludem wu biyal-biyal zak. ⁹ Shin laatim sih fwal ndihin stam wu paat, bi a naa seen kih gurum mwo ndhi mwo twa mwo npee sat bilip kih Naan khi langting kih mwo ndhi mwo kih ni. ¹⁰ Mwo yongpee dighil bal-bal, naa "Nda Naan, ndaa wuyon, wubang, ghi a ngu zeen, ghi npee nok tok diyel nyen yil sih mwo a peenang ye? Nyen wu gyet mwo two mun si, npee mwo lap kwat fut di ye? ¹¹ Bhi yaghal mwo shin lee wupiya mwo jwal, yagahaal mwo sat nmwo naa, "Gu mohor lee dangsih, gu tap phi shaar shiit fuk mwo, khi emnihin fuk ndhi mwo npee twa mwo, khibii ndhi mwo npee twa gun sih dangsih. ¹² Ndhi laatim sih fwall nddihin stam stam wu pemee, bih yaghal a naa yil sighin/yoghon. Puus shihir/bor a tiip khibii lee wu tiip wuluk-wuluk sih, bhi tar shihir a tihim. ¹³ Zar mwo khitingnaan mwo pwadong nyil, kihpee laa ting kon ndhi kohom khi wun shin sam nyil sih. ¹⁴ Khitingnaan yaaghal laham khibii ngu shikhit karam sih. Pang mwo khi am mwo ter bwak khipetong fut zak. ¹⁵ Dangbhi daskaham kih yil fe mwo, khi nyen ndhi mwo a nyen mulki, khi nyen wu nan-nan mih Sozhozhi mwo, khi nyen - biilong mwo, nyen wu bal-bal (iko) yaghal gokshii gurum mwo duk-duk, kwram mwo, khi zhep lih mwo shoo lihim ngohot pang khi pak fung pang wukwa mwo zak. ¹⁶ Mwo dang phi pang, mwo naa, "Gu zhi gu pwadik khidel mu sar yakba nmun naa yit gwo ndhi khitong kihpee tong wuyon (mulki) si di, yakba tukurnung diyel mih laatim kat mun. ¹⁷ Mpee ndhi puus tukhurnung kihmwo wuyon zhi wul. A we khimak bam kaa shini npuus wuni fe ye?"