¹ A naa mee dikarda wu shishikhit nsar gwo ndhi tong khipeetong wuyon (mulki) fe, khi ran ntihim khin ndangkong, mwo vughum yit pokhovil khi stam. ² Dangbih yaghal a naa mee laa lep khi nda Naan wuyon nih phi sat bilip bal-bal naa, "a we khi mak fwal stam ndhi mwo pokhovil de ni epp dikarda wushi-shikit sih ye? ³ Dangbhi ba mee gurum khitingnaan, khi khiyil sih khi biider yil sih ndhi khimapee ep dikarda fe ma, mee gurum khi makpee tang dikarda sih ma zak. ⁴ A wal-wal-wal npee ndhi ba mwa kat ngu ep dikarda sih dee ni tang di ma. ⁵ Mee-mee nbut nyen nan fe sat nan naa, "Tap ghi nwal ma. Ghi naa lit khi kan khi Yahuza, khi mih Dauda khi ten sih kokhorong khikaa bii mwo duk-duk gwe. A nih khimee det khimak fwal sitam fe dee nih ep dikarda khi sitam ndhi mwpo pokhovil sih di zak. ⁶ Yaghal a naa mee laatim khi dar khi naar peetong wuyon, khinaar bii mwo feer ndhi mwo khi seen, zak bih khinaar nyen nan mwo. Gwo fe dee khipee kum gurum sih. Ni khi sokhom mwo pokhovil, khi yit mwo pokhovil zak ndhi a Riin khi Naan pokhovil ndhi lep khi ni khiyil duk-duk. ⁷ Laatim fe yaghal mwan kih lap dikarda wo shi-shihit sih nsarsih gwo ndhi khitong khikaa peetong mhi mulki khi Naan. ⁸ Khidangkong ndhi lap dikarda fe, bih bii mwo fee ndhi mwo seen, khi nyen - nan mwo yaagurum khi feer sih mwo pwatdong ntihim laatim fe. Mbut nyen-nan mwo yaagurum khi feer sih mwo bhi ko a wee bhi ni khi ngwenee khi ngwe nee, khi daa - khi daa nsar ndhi mwo dak a khi zinariya, daa fe mwo khi mwoor ndhi dih shang-shang mwoor fe a aduwa kih nyen mwan nder Naan mwo. ⁹ Mwo phi mang tam mwo naa, "A ghi det ghi mak mang dikarda si, dee ghi fwal sitam mpee dee ndikarda fe den a wu-ep di. Gyet mwo tih ghi, a shi tihim fhik bih ghi seet nyen gurum mwo nda Naan shi ni shi ni, liss diik-dhi khi yil mwo shipee-shipee zak. ¹⁰ A ghi, ghi lih dee nmwo dee a daskaham wu nan mwo, bhi yaghal mwo dee a pris dee nmwo shin shiit nda Naan fumu di zak, dee nmwo kot a daskaham mwo khi-kha yil fe di. ¹¹ Bih yaghal a naapee, bih a khiling dihghil zhep lep khi Naan mwo ndhi mwo neer peetong mulki fe khishak khi bii ndhi mwo khi seen, khi nyen nan mwo. Duk-duk bhi mwo a gurum dubu sar khi dubu-dubu nkwa. ¹² Mwo lap khi dihghil wu bal-bal mwo naa, "Laatim sih gyet mwo tih ni, a ni mak lap wuyon, khi long, mkhi seen khi bal zak. Gu yit di dee gurum mwo shin wuyon khimuk nih, yaghal mwo saam sim khi muk zak. ¹³ Dang bhi yaghal a khiling dighil bii mwo ndhi Naan den khiting khi yil, ndhi khider yil, khi ndhi khidel amm, duk-duk mang tam mwo naa, "Nder gwo ndhi a nih khitong khi peetong mulki, khi Laatim, gu yit nmun mu saam khimuk di, dee mu shin wuyon nnih khi bal shin mwan tai-tai. ¹⁴ Khidangkong fe bhi bii ndhi mwo khi seen feer sih mwo sat nnaa, "Amin." Nyen nan fe mwo kurum khi fhirim dumwo dee nmwo dhikyil ngwo ndhi ni khi seen tai-tai.