¹ Ghi ran lep shinmwan nder laa lep khi Naan ndhi ni phi tap khi Ekkilisiya khiyil Afisus sihnaa, lep ndhi si a bilip ndhi put npih gwo ndhi ni khi zar mwo pokhovil nsarse fini, ndhi khi mwan khinaar pee lih fitila pokhovil sih mwo ndhi mwo dak khi zinariya. ² A man shiit shin fuk ndhi gu shin gwe, ki jeel fuk, khi mohor fuk zak. Ba gu yaa shaar khi nyen ndhi mwo a wubis ma. Gu kam nyen ndhi sat mwo naa dun a jep lep mih Jesu Kristi khi kana kan asih ma, a dung get-get. ³ Gu mohor khi jeel ndhi gun phi shuu npee sim fini, gu nok baa khidangkong. ⁴ Dangbhi an khi mee bii khimee npee sat khikaa gu. Ba gu kudi gu wal nnan khipee ndhi gyet gu wal nnan ma. ⁵ Gu nok mhinder suk khi pee ndhi gu pal di. Gu tehwap dee gu shin bii ndhi nshee. Kat gu tihwap ma, bih an npee ji ndeer ggu dee nan a mang pee den fitila fe di. ⁶ Gun khi ndhisih zak, Gu ten gu nyang shiitshin mhi Nicolatiyawa mwo, ndhi an a nyang duk. ⁷ Gwo ndhi ni khi kom npee khilingpee, bih khiling bii ndhi Riin ni phi sat fee nEkkilisiya mwo. Gwo ndhi sih kokrong bih a shin pee ni sih -laating mih seen, ndhi ni khitingnaan mih Naan. ⁸ Ghi ran lep shin mwan ngulep khi Nda Naan ndhi ni phi tap khi Lih Naan nyil Simena. Lep ndhisih a lep gwo ndhi dok ni nshee, a ni zak a lat khibii mwo duk-duk, ndhi gyet muut, dangbih nih khi seen khidetsih. ⁹ A man jeel ndhi gu shuu, a man ndhi gun khi biilong ma, dau khin ndhi asih bih gun a nyen biilong mwo, a man wubis mih nyen ndhi mwanan dun a Yahudawa, a zee-zeen, mwo a mee nyen Yahudawa mwo ma, a shetan mwo. ¹⁰ Gu nok lukhat/luhut wula ndhi ntihin. Gu naa dee, ngujuwan ni npee shuar pakgu mwo lih kuwoo dee nih kam gun naa di, gun npee shuu jeel/wula npee teer sar. Gu mohor, gu nok nyang Jesu sih, kat mwo npee two gun, bih mangmohor npee zhesu npee shin zuhum wuyon gun mih seen. ¹¹ Gwo ndhi ni kom bih kiling bii ndhi Riin phi sat fe nEkkilisiya (Nyen mwan nder Naan mwo). Gwo ndhi sih kokrong bih muut wu vil khi bhim ni ma. ¹² Ghi ran ghi shin ngulep khi Nda Naan ndhi nih phi tap khi LihNaan ndhi khiyil Pergamun sihnaa, "Lep ndhi put a sar gwo ndhi nih khi shuk ngwam wu akhas kwang vil. ¹³ A man pee ndhi ghi tong di, a petong wuyon ndhi shetan khi tong di. Duk khi ndha asih bih gu yaa sim fhini bal-bal. Ba gu nyang zeen fihni khibii ndhi gyet mwo tih Antibas ngu langting fihni, ngu zeen, ndhi mwo tih ni khinaar gu, npee ndhi shetan khiting di. ¹⁴ Dang bih an khi bilip nlaani khikaa ghi. Ghi khi pak gurum mwo daar bal-bal khi kaa kam-kam mih Balaam. ndhi kam nBalak de ni den pang-gap kwak nzhep Isarila de mwo sihsih ndhi mwo dihyil nkum khini, khi shiit-shin wu bis khi shin ngaa. ¹⁵ A sih zak, ghi khi pak mwo di ndhi yaa kam-kam khi Nicolaitians bal-bal. ¹⁶ Gu tihwap, mabih an npee zhi (ji) de nan shin lyak di khi gun, khi ngwam ndhi an khini nsaar. ¹⁷ Gwo ndhi nih khi kom mpee kilingpee, bih kiling bii ndhi Riin khini npe sat nyen mwan nder Naan mwo. Gwo ndhi kat kokrong, bih a an pak manna ndhi a wusisok nni, a shin mee pang wupiya khi sim wupwo ndhi mwo ran khidel pang fe, sim ndhi megurum mak man fe ma, a gwo ndhi lap pang fe khi man det. ¹⁸ Ghi ran shin mwan ngu lep khi Naan nThyatira, Ndhi sih a lep nsaar khi Laa Naan ndhi yit khimuk phi lapwus khi bi ndhi nbhilim wus fe sih, kwaakshii khimuk mhilip - mhilip khipe shaghal ndhi mwo dak reet-ret sih. ¹⁹ A man shiitshin fuk: wal fuk, shin zeen fuk, khi bam mwo ndhi gu shin, khi mohor fuk zak, shiit ndhi gun phi shin fe khidet sih met wu gyet gu shin nshee-shee. ²⁰ Dau khi wuni fe bih an khi bilip npee sat khikaa gu, npee ndhi gu tap gu kooh mat ndhi sihm khimuk a Jezebel, ndhi nih phi yong sat a mat sat pwo/bilip Naan. Yar kam-kam khimuk a wubis, a mat sih lih dee nkwaram finih mwo shin shiit shin wubis khipee ngaa bih yaghal mwo sihsih ndhi mwo shin nkuni. ²¹ A shin pong nnih dee nih tihwap di, bih nyang tihwap npee shikbis ngaa. ²² A kon mat sih khikaa kihram gok, mwo ndhi shin ngaa khi ni mwo khi shuujeel, kat ba mwo tihwap ma. ²³ Zhep (Jep) khimuk mwo khi murap/duwam khi shwal, Ekkilisiya mwo duk-duk mwo khi man ndhi a an a gu naa leng khi dihin bizung, kowe khi lap kwat khi shiit fini. ²⁴ Gun gokhotshii gurum mwo nTayatira ndhi gu nyang lap kam khi Jezebel, khi ndhi ba gu man bi wubis ndhi ndihin - ndihin mih shetan ma, bih ba an khi mee lee tihin npee ten gun khi ni ma. ²⁵ Mpee wuni fe bih gu dar bal-bal nbut bii ndhi gu man har parpus wawul fin zak. ²⁶ Nyen ndhi mwo dar bal-bal de mwo sih kokhorong, mwo shin shiitshin wuret, nlat fe bih a shin bal nmwo khikaa yil mwo. ²⁷ Khi de a miskaham khikaa mwo khi laa kam shaghal, a khipe dhilang wan sih, bih khi phiran kwet-kwet. ²⁸ Akhipe ndhi a lap gwe nder Nda, an zak a shin zar phibit ni. ²⁹ Gwo ndhi ni khi kom, bih kiling bii ndhi Riin phi sat (nEkkilisiya) nyen mwan nder Naan mwo.