¹ Nlat khi bi si mu duk-duk, bih a naah malaika khi Naan, pih tong sam khiting. Ni khi baal dih mah. Yil piya duk-duk kih yon khi muk. Waal khi bigah dhikhil, sat nah, paal, paal khi Babylon dih met. ² Ni dee a peh mhimiling mu, pee laham khi riin wubis, pee lihim khi yer wubis. ³ Yil shipe-shipe mu shwar am khipe mu si. Daskaham yil mu, mu shinshit wubaan khini. Nyen glong mhi yil mu, mu dee nyen bilong pee baal khi pee tong khimu. ⁴ Shin a khiling dhikhil nkwa tong khiting sat nah, "Gu pwat gu yit ni di gurum fhin mu, yak ba gu de a nyen shikbis khibi ni si. Yak ba gu lap pak kwat khi shikbis khimuk. ⁵ Shikbis khimuk dik kaa har khiting Naan. Yakhal Naan diye khi sim ghik khimuk wubis. Gu kwat ni khipee dih kwat pak gurum sih. ⁶ Mu khi kwat nih, shin mu kwat nih pee shinshik khimuk. Dihin daa di reep, mu reep ni yit vil. ⁷ Yat dih shin yoon khasat yahal tong peeting bilong. Ghi shin bi dih mak wulaa khi jeel ni. Pee di sat bizung dih na di tong petong maat miskaham ba a maat khaa mak dih a walwal muut. ⁸ Puus khimee, kwat khi shikbis khimuk khi ji, muut, walmuut, khi neen, kus khi shaan ni. Pe dih Naan ni khi baal mah dau a ni a gu tokdiyel ni. ⁹ Long yil mu di mu shin gaah khini, mu shin shiit dik kan pehmuk, mu khi eer ba mu shang kat mu na iyel wus dih pih shaan ni. ¹⁰ Mu peh diyam jong-jong nbuut khi luhut khi bi dih kat ni. Mu peh sat naa "Jeel, jeel kat yil wu mamah, Babila yil wuyon, prat bi wulaa kat ni." ¹¹ Nyen glong mhi yil mu, mu eer peemuk pee di ba gu seet mebi nder mu khi des sih. ¹² Nyen glong mhi zinariya khi azurfa, khi pang wu milip milip, luu luu, fine linen purple silk, scarlet, khi sheep dih khi takas, khi shopshik shi niih, shi niih, dih khi takas, shep wu shang shini shini, khi shopshik nii shini shini. Lee dhi mu dak khi shep, khi shakahal wus! Khi pang wu milap." ¹³ Khi kirfa khi lee yaji, khi takaas wus khi mur khi lubban am laating khi mwar khi as alkama khi alkama, khi randong, khi tim, khi dawaki, khi keke bizing seen gurum. ¹⁴ Wuret ndhi yi den bhizung yi npe kat fee dee put sar yi lee kiling khi shang fee khi lee ngat fi mu yit yi di mu shin nan mu ma har tai tai. ¹⁵ Nyen bilong shipe-shipe ndhi mu kat bilong nder muk, mu npe diyam sing sing sar luhut bi ndhi kat ni. Mu phi eer mu phi sat naa, ¹⁶ "Jeel kat yi, jeel kat yi, bagaa yil wuyon. Ni ndhi jwal lee ngat shini shini khi liip wunaat, gwo ndhi ghi ngat khi lee zinariya. ¹⁷ Npe ndhi puus khime bi bilong si duk duk bi lap kaam. Ni shin mu khi nyen tukun fe khi nyen mwan mu, jeepikong mu khi nyen ndhi mu lohot khi phikong mu diyam jong jong. ¹⁸ Mu fwa ruru ndhi mu naa diyel wus ndhi phi shaan mu. Mu phi sat naa mu npe kam yil si a khi yil pee neh? ¹⁹ Mu dhik yil kaa du, mu phi eer npe buzung tihkook khi rurru, mu phi ngat naa jeel jeel kat bagaa yi si dih nyen pikongmu kat bilong pemuk. Puus khime bi ghaam khi dhing. ²⁰ Retyit katyi kiting pe ndhi mu shin ni asih. Gu shin retyit gurum khi naan wubang mu nyen sat bilip naan mu npe ndhi mu phi laap a kwat khi bi ndhi mu shin ngun. ²¹ Me laa lep khi Naan wuyon mang bagaa pang kit mhi esfhin kom baga am, sat naa, "Mu npee kon baga yii si Babila khi baal a sih. Shin mukhi naa ni zak ma har tai tai." ²² Shin mu pe kiling dhikhil tam. ko ngyanee, khi feer, khi yil si naa, "shin mu pe naa nyen bi maan, khi nyen shit sar shin shini zak ma. Shin mu pe kiling dhikhil nyen esfhin ma. ²³ Wus pe shin piya pe khi yil sih ma. Mu pe shin kiling dhikhil mis mu khi mwat. Mwar fin khi yii fee ma, pe ndhi nyen bilong fi mu a bakal mi yil si. Mu bang gurum mu dhikin yil si a dem fi. ²⁴ Mu kat dikihin, nyen sat bilip Naan mu, khi gurum wubang khi Naan mu tokyi khi nyen ndhi mu two mu yil si khiding.