¹ Khidangkong bi si mu kiding, a kiling mebi sih khi bi dikil gurum mu buwer kiting si. "Dikil si pi sat na dingkiling, brip, yon, khi baal a mih Naan. ² Diyel khimuk khi zeen a wuret , pee ndhi diyel mat gaa dig maanaa di kaat yil kiding khi shut tileet. Naan kwat ni khi wubis rikop tikim khi kwaram khimuk mu nsar matsi." ³ Shin mu sat mu nah: Dingkiling diyeri yakhal kaa matsi tai-tai. ⁴ Nyen nan yagurum khi feer khi long mu feer mu kurum mu dikyil Naan di ni kaa petong fin wuyon mu phi sat naa "Assih wai dingkiling". ⁵ Me dhikhil put khi petong khi Naan sat naa "Gu dhikyil Naan fun kuram kumuk mu, gondi phi lukaat ni jeep khi nyen nan." ⁶ Shin a kiling dhikhil gurum ndhi mu kaat khi bi am dih phi nasisi kong sih khipe di naan tong khi piram npe sih mu sat naa dingkiling yon khi Naan tong, Naan fun, ndhi met dau. ⁷ Mu shin retyit khi bhizung piya. Mu dikyil nni npe ndhi puus retyit khi la Naan wul mwadmwar dak ka sat gwe. ⁸ Mu shin pong nni npe lep leh di bang-bang . Milip mihe, kih mang yit mhi lilin lep teh ndhissih a mih nyen luubang mih riin khi shin bi ndhi khit-khit. ⁹ La lep khi Naan sat bilip naa a ran wuret kat nyen ndhi mu kat lep peh dik khi laa Naan shin sat neh bilip sih a bilip khi Naan a zeen zeen. ¹⁰ Sam a putaa tihim muk peh dikyil ni bi sat nah a nok dik yil jin sih, rin a shaar dik yil Naan khi emnihin sat bilip khi Naan. Si dik yil Naan peh di langting kaa Jesu a riin npe sat bilip khi Naan. ¹¹ Khitingnaan epp bhi a naa bizing wu piya. Gwo ndhi khi kaa bizing sih gam war khi zeen. Diyel khimuk khi liyak khimuk a zeen kiding. ¹² Yit muk a khi bi wus si. Kaa muk kih zong biwer. Ni ki sim a ran di megurum man ma kat ba a ni mah. ¹³ Ruhun lee di mu lep nbut tihim, sim muk a bilip ki Naan. ¹⁴ Nyen liyak mu ki dermu, kaa bizing wupiya mu, lee lep ki mu a wubang piya-piya. ¹⁵ Bi ndi tong put pi muk a shuk wu ahas di ni, pe tih yil kini, ni pe yaa yil fe khi duhul shawal. ¹⁶ Ni ki sim di mu ran kaa le khi muk yakal pikahal kimuk "Long kaa long mu, wuyon kaa wunan mu. ¹⁷ A naa laa lep khinaan ki puus. Yong yer mu kiting ki biga dihil "Gu ji gu kaat peh kinaan. ¹⁸ Ji gu mwak luu daskahammu, luu kinshongmu luu nyen wunan mu, luu bizingmu, ki nyen rapmu khi luu gurummu kiding nyen ndhi mu diyanmu khi nyen di mu diyanmu ma. Nyen ndhi mu ki pishii ma, pe tong ki mu kong sing. Mu eer pe ndhi mu naa diyel wus di fe shaanmu. Mu dih na a ma yil me khipe yil wuyon di eh. ¹⁹ Baga luu si, ki daskaham yil mu, ki gurum khimu, mu kaat kaa du npe liyak gwo ndhi kaa bizing si ki gurum fin mu. ²⁰ Mu yaa luu si wukhime ki long dung si ndhi shin bi fiipoo ntihim muk, bang nyen ndhi mu lap ran ki luu si, ki nyen ndhi mu dikyil ni. Mu wuvil si, mu kom mu nwus ki seen duk. ²¹ Mu girip gokshi mu ki shuk gwo di nkaa bizing si. Shuk di tong put phimuk, yeer mu pwat mu mwak luu ki mu.