¹ A kiling mhe dhikil wuyon shi ndhi nih phi yong phe dih lhi Naan, jep lep khi Naan ndhi mwo pohovel sih feh nih phi sat mwo nnaa, "Gu pwat gu dak tuhurnung Nda Naan khi dhel yil feh khiding. ² Lha lep ndhi nshe put dhik waang min khidhel yil bhi bwak khi shwal ndhi ret naa maa pwat nshik nyen ndhi mwo khi ran bih wubis sih khi dhel sut khi mwo ndhi mwo phi dhik yil nriin sih. ³ Lha lep wuvil dhik bih ndhi waang min nbut am nyen (teku). Am feh dhe khi phe tikim gwo ndhi muut sih yahal bih ndhi mwo khi sehen nbut am feh mwo dwam. ⁴ Lha lep ukun dhik bih ndhi nlha wang mhi muk nkong mwo khi butbut mwo yahal mwo bring tikim. ⁵ A khiling lha lep khi am nih phi sat nnaa "Ghi a nghi zehen-gwo wushini khi gwo wudhikin, gwo wubang- nphe ndhi ghi tok dyel khidhel bih sih mwo. ⁶ Nphe ndhi mwo dak a tikim nyen mwan nder Naan ndhi mwo khi zehen yahal nyen jakam mwo, ghi shin tikim nmwo shu, mwo khat phishi mhi mwo." ⁷ A kiling phe dhik yil lap nnaa, "Asih wai Nda Naan ndhi khi baal maa dau, dyel ndhi ghi tok khi vhid maa a zehen khiding." ⁸ Lha lep wufeher dhik bih ndhi nbut lha wang mhi muk khidheel puus yahal mu shin pong nnih nphe shan gurum mwo khi wus. ⁹ Shishik mwo kuur khi ehin wubbis yahal mwo sat bilip ndhi khi tihkok khi sim Naan, ndhi nih khi yon khidheel shwaal wubis sih mwo. Mwo tihwap yahal mwo shin yon phe bang khi muk nnih maa. ¹⁰ Bih lha lep wu pahat yahal kon bih ndhi nbut lha wang min khidheel pretong khi bih wubis sih bhi lha yil khimuk kwoo khiding. Mwo arap tahal liis dhu nphe shwal feh. ¹¹ Mwo bak yon khi Nda ndhi khi ting Naan nphe shwal yahal bwak khi mwo yahal shin mwo nyang tihwap nphe simshik fut mwo. ¹² Lha lep wu pheme feh dhik bih ndhi nih dhi lha wang nmhi muk nbut kong Euphratus wuyon sih. Bhi am khimuk fii khiding nphe dak phe (yaar) ndaskaham ndhi mwo nphe tong khisar arkha mwo ji (wul). ¹³ A naa riin wubis mwo kun ndhi mwo dhe a khi phe ndwaar ndhi mwo phi pwat nphi mhe ngyang ghirohom wuyon shi ndhi nbut bih wubis sih yahal ngu jakam ndhi a kwalap. ¹⁴ Nphe ndhi mwo a riin wubis ndhi mwo phi shin bih fii pwo mwo. Mwo phi pwat mwan nder daskaham yil khiding nphe ndhi mwo shak kha mwo nphe lyak par puus wuyon khi Nda Naan ndhi khi baal maa dau. ¹⁵ ("Gu naa ah! An nphe a khi phe wat sih! Wuret a mhi gwo ndhi nih phi tong nphe kaan khaa nih, khi lhe wuret finih nshohopshik muk yak nwam ngum yak mwo nnaa bih ndhi khi shin kakul nnih maa". ¹⁶ Mwo ji khi mwo shishik khi mhe phe ndhi mwo khi yong sim feh a Armagetdon khi liis Yahudawa mwo. ¹⁷ Bhi lha lep wu pohovel feh dhik bih ndhi nbut lha wang mhi muk nbut pyiip. Bih mhe dhikil wu yon shi tong dhi nlhi dhik yil khi phe tong wu yon feh nih phi sat nnaa, "Lat gwe!" ¹⁸ Phe yahal mhilap, phe tihkhil det bhi naan bhee sak yahal yil sihin dheel met nmhe yil sihin ndhi sham shin khi phe ndhi mu den gurum ndhikin yil sih, sihin yil ndhi mwo sham naa maa. ¹⁹ Yil bak khinaar kun yahal jep yil ndhi gurum mwo khi twuhat dih rhap (rahap). Det bhi Naan khik der shin khi yil Baitami wu yon yahal shin nlha yil dhisih jang ndhi nih khi mwos tuhurnung finih. ²⁰ Jep yil ndhi nbut am nyon (teku) mwo ryem yahal shin kutdih mu khi naar pang mwo maa. ²¹ Dahar wunan mwo ndhi mwo nbih khi tihkin mwo tong khitingnaan sam tik khi dheel gurum mwo. Mwo byas (bak) sim Naan nphe daahar ndhi sam byis byis khidheel mwo.