¹ Dhet bih shin a naa mhe bih khiting naan ndhi awu maa shin a bih fiipwo. Jep lep khi Naan mwo pohovel mu khi mhe nkhan shwal mu pohovel ndhi a sihit pwo khi shwal ndhi a nbuut sihit pwo wulhat khi Nda Naan. ² A naa mhe bih shi a khi phe am nyen (teku) ndhi mwo ryep nih khi 'glas' yahal wus shikohopam nyen (teku) fee bih nyen ndhi mwo sih kohorong khi deel long wubis khi riin khimuk yahal bih tong ndhi nih phi kaam siim muk. Mwo phi yak bih tam ndhi Nda Naan shin mwo. ³ Mwo phi mang tam Musa, kwaram khi Naan yahal tam mhi lahtim: "Bih wu yon khi bih fiih pwo a simshik fik. Nda Naan ndhi khi baal maa dau, wuret khi zehen a simshik fik. Long yil khiding. ⁴ Aweh khi luhut ghi maa yeh Nda, yahal shin yon nsim ghi maa yeh? Nphe ndhi a ghi a wubang det. Yil mwo khiding mu khi ji, yahal dhik yil nghi, nphe ndhi simshik wuret fik put puus" ⁵ Khidangkong ndhi sih bhi a naa phe bhi a khot lhi dhik yil nghi khi phe dhik yil nghi a wu ep khi ting Naan. ⁶ Nbut lhi dhik yil nghi bhi jep lep fik ndhi mwo pohovel sih mwo pwat khi shwal wubis ndhi mwo pohovel sih. Mwo lihit mwo khi bih wubang ndhi nih khi mang yit shin mwo khi pang mhiwong (mhi nbhim) shi bihzuk du. ⁷ Mhe mhe nbut bih ndhi mwo feheer khi sehen mwo shin njep lep khi Naan ndhi mwo pohovel sih mwo shin jep wang mwo pohovel ndhi mwo dak mwo khi pang mhiwong (mhi bhim) ah wu gam khi tuhurnung khi Nda Naan ndhi nih khi sehen tai tai. ⁸ Lhi Naan sih gam khi dyel mhi wuret khi Nda Naan yahal yon khi muk. Mhe gurum mak phe del ndhikhin lhi feh maa khat shwal wubis sih khi jep lep ndhi mwo pohovel sih wak ryo maa.