¹ A naa pee a naa tihim khidar khidel pang Siyona. Ni khi gurum mu 144,000 nder muk. Khi sim Nda muk a wu rirhiran bhikenmu. ² A khiling dhikhil khiting Naan khibi baga am yad ndhi ting Naan khi bhi petokok fwan sih. Dhikhil ndhi a khiling fe deeh khipe bi nyen tam mpe taa bi taah fut sih. ³ Mu shin tam wupoo ntikhim pephitong wuyon, tikhim gurummu khi nyen Naanmu, bah a nyen ndhi mu niyang tam sih a gurum 144,000 det ndhi mu seet mu khi dhiken yil sih. ⁴ A nyen ndhi mu man tilet ma, mu yak kasut a nyen ndhi mpe mwan nder Jesu, nyen ndhi mu pwat khimu niken sih khinar nyen Naan ndhi she-she mpe Jesu. ⁵ Mu sham gap dung khi phidu ma, npe ndhi mu phi shin a bi wuret ntikhim Naan. ⁶ A naa me laalep khi Naan nkwa pelet khibi tayer sih, ni khi bilip Naan ndem mpe kop fe gurum ndhi mu khi yil sih - dhikhin yil khiding, dhikhil, liis yahal gurum mu. ⁷ Yahal yong pe khi dhikhil nhi wuyon naa, "Gu lukkut Naan gu shin yon nni. Npe ndhi puus diyel khimuk wul gwe/shin. Gu dhik yil nni, gwo ndhi dak tingnaan, khi dhikhin yil sih, khi am, yahal khisher am buut buut mu." ⁸ Laa lep khi Naan nkwa - a wu vhil - dhikder ni phi sinnah, "Palgwe, palgwe a yil Babila wuyon, ndhi mu shin jeel nyil mu khiding deeh mu shu am dwang ndhi khi lhi shin shikbis. ⁹ Laa lep khinaan wukwa sat khi dhikhil wu yon-yon, nyen ndhi mu dhikyil baga luudem wubis sih kot a mbi khimuk oh ko lap ran khimuk biken ni kot a sar oh, ¹⁰ Bhi yahal khi shuu am tokorong khi Naan, am ndhi mu dhik nkup tokurnung khi Naan gwo ndhi shu am sih khi shujeel dhikin wus khider yil nyen shin zeen mu khi laa Naan. ¹¹ Diyel jeel khimu sih khi kaa khiting wai wai, mu khi nok mah puus khi lhipar a nyen ndhi mu dhikyil baga luudem sih khot a mireen muk eh, yahal khi lap a ran sim muk eh. ¹² A yong pee nyen mohkor mu, mohkor khi nyen Naan mu, nyen ndhi mu bi war khi Naan shin zeen khimu a Jesu." ¹³ Bhi a khiling dhikhil khiting Naan sat naa, "Ghi ran ndhi sih: Nyen ndhi mukhi wuret a nyen ndhi mu dwam nbut Naan" "Assih," Riin khi Naan sat, "deeh mu lap nok di nyar shujeel, npe ndhi shiit khimu khi mwan nder mu" ¹⁴ A naa pee, yahal a naa libin wupiya. Nbut libin fe, megwo khiting wanee laa Naan, nhi khi zong khimuk yahal nkaa khi jem wu akkas nsar nni. ¹⁵ Laa lep khi Naan nkwa tong dikhin lihnaan put yong pe khi baga dhikhil wuyon shinya ngwo ndhi tong nbut libin sih: "Ghi lap Jem fhik ghi fara lepedi, bit deep wun yil fe mang khi deep." ¹⁶ Bhi gwo ndhi khi tong nbut libin sih kon jem shinsam khiyil sih bhi mu leyil sih. ¹⁷ Laa lep khi Naan nkwa tong put ndhikin liwani khiting, ni femia Jemp wu akkas akkas. ¹⁸ Laa leep khi Naan nkwa put dhikin lhi (incense alter) ni khi baal khi deel wus, yong phe khi dhikhil wu bal ngwo ndhi deeh ni khi Jeem wu akkas fee sih. "Nghi lap jem fhik ghi bi ndhi ghi naa khi dhikin yiis npe ndhi duk-duk mu nong." ¹⁹ Laa lep khi Naan kun jems fhin shinsam khi yil sih bi le bide khiyil fee, kon shinsam mpe tukkurnung khi Naan. ²⁰ Bhi amshang ndhi mu lep shinput khibang nyil sih, yahal tikhim ndhi mu dhik nbut fee har ji wul khiting mhi bhizing wul khipe 1,600 sih.