¹ Khidangkong duk-duk bhi emnhikhin nhi mu, gu shin ret yit nsim mhi Jessu. Npee ndhi a ran bii ndhi ssih nkwa ngun pe de ngun gu kat kakham nkaa suk di. ² Gu lih yit gu ndee gu naa nyen wubis muu. Lhi yit guu gu naa nyen shiit wubis. Lhi yit guu khikaa nyen viling bi muu. ³ Npee dee a mun ndhi mu shin zeen - mun ndhi mun phi dhikyil nRiin khi Naan yaghal mu mang yon nsim mhi Jesu Kristi, yaghal mu khi zeen nnan shopshik fut mah. ⁴ Duk khi ndhi assih, an shikaa san yee khikot a naa yon kaasan, kat megwo naa yon kha shishik ni, bhi yee khikot man met asih. ⁵ Mu shin gap dhip nnan nter wu pokkokun nyii mhi Israilawa mu ndhi nkaan khi Banyami, ndhi ni a Bayahude nyar mhi waar khi Farisawa muu. ⁶ Khipe dhi assih, bhi a shin jel nnyen mwan nder Naan mu npee ndhi mu damu akhi waar ndhi ba a dee khikaa fee mah. ⁷ Bii fee muu a wuret nyit nhi, pe dhi assih khidetsih a naa ni a mebii mah npee Jesu Kristi. ⁸ Baa a muu det mah npee ndhi a naa gokhotshi bhi mu baa a mebii mah, npee man ndhi an khi ni npee Jesu Kristi Ndah nhi, npe ni ba'a kon bii mu khiding yaghal a naa kaa san a mebii ma, de nnan a kat wuret khi Naan di. ⁹ Bhi yaghal mu kat an nder muk ba a npee wuret ndhi ni a man det mah nyar mhi waar amma ndhi ni a nyar mhi zeen ndhi nbuut Jesu, wwuret ndhi nder Naan ndhi ni a zeen. ¹⁰ Npee ndhi assih bih, an phi dem man ni khi baal mhi yaghal khimuk nbuut tukkun khi jel khimuk ndhi kat kaa shin nbut fee, ndhi de a khi mhi muk nmut sih, ¹¹ ndee nnan a naa yar yon khimuk di yaghal nbut muut. ¹² Baa wai a riga a kat bii fee muu gwe mah, kot a man bii fee mu khiding oh mah, amma an phi lih kaa nhi npee yaa bi ndhi Ndah Jesu Kristi den nnan. ¹³ Emnhikhin nhi mu, gu nok naa khipe ndhi an a riga akat gwe mah. Amma bii ndhi a shin, baa ndhi an phi mhindersan khi bii ndhi ndangkong yaghal an phi lih yit khikaa bi ndhi ntikhim nhi det. ¹⁴ An phi daar wul npee bii ndhi nthihim nhi fee yaghal a kat wuret fee ndhi Naan yong an npee ni nyar mhi Kristi shin ya seen ndhi khiting. ¹⁵ Khiding fum ndhi mu yon bhilip khi naan reet ndee mun mu shin leng assih duk duk. Kat mebi mu di ndhi gu man maa, bhi Naan ni npee nhin fee nyen daar daar. ¹⁶ A npee ndhi mun npe deltikhim khi zeen ndhi mu ten mu kat gwe. ¹⁷ Emnhikhin nhi mu, khiding fuk gu daar ndeh gu shin bi ndhi an phi shin fee di yaghal gu bi bii ndhi gurum mu shin, bi ndhi mu niin ngun. ¹⁸ Gurum muu bwer mu phi tong khipe ndhi a shaarfom khi Jesu sih. An phi shika sat nmuu khikaa gu, yaghal ni npee lih wal nnan npee sat ngun khikaa mu khidetssih. ¹⁹ Nlat fee bhi mu npee lat khi muu, npe ndhi mu phi shin a bii ndhi shopshik muu phi dem shin fee. Muu phi naa kaa sut a mebi npe wubis ndhi mu phi shin fee, npee ndhi mu phi diye a bii mu ndhi khiyil sih det. ²⁰ Npee dih assih gu man ndhi khipang fhum a khitingnaan, yaghal mun phi tap a phi ngu baam fhun Jesu Kristi, ndhi ni npee tong sam khitingnaan. ²¹ Nbaal khimuk, ni npee naa bii muu khiding, ni npee villing shisun sih yaghal mer khi ni khipe shopshik muk sih.