¹ Emnhikhin nhi muu, an phi dem gun yaghal an npe dem naa gun. Ret yit fhin khi rawani dar dam dam nsim mhi Ndah khipe ndhi a sat ngun sih. ² Ah dang shiphi Euodia khi Syntyche de muu dem riin wukhime nsim mhi Jesu. ³ Assih, ah tal gun nyen ndhi a shar nhi muu ndee gun gu baam shorop sih mu npee dee mu lap eh npee shiit bhilip naan, awukhime khi Clement yaghal gokotshi nyen shar shiit fhin muu ndhi sim khimu awurhiran nbuut takarda mhi seen wuret. ⁴ Guu shin ret nyit ndhi ni a mhi sim khi Jesu bit shi bit, bhi shin ah tikyit sat fee, gu shin retyit! ⁵ Guu yit ndee gurum muu naa ndhi gun a wu lokhot khinar gurum mu khiding, npee ndhi wawul khi Ndah wul kus. ⁶ Gu nok lhi yit gu khikaa bii mu bwer sih, amma duk yad-ndhi mu kat kaa sun di bhi mu shin plang nnaan, npee Ndah Naan ni npee khiling fee. ⁷ Yaghal wuret khi Naan ndhi ba muu man mah ni npee sam nkaa gu bwer nsim ndhi ni a mhi Jesu Kristi. ⁸ Emnhikhin nhi muu, bii ndhi kot a zeen, bii ndhi kot a wuret, bii ndhi kot a wu san pee, bii ndhi kot retnaa, bii ndhi kot mu khi shin yon nhi, bii ndhi yee mu khi sam ni, yit di nde mun mu shin leng khikaa fee di. ⁹ Gu shin bi ndhi gu kam, bii ndhi lap nder nhi, bii ndhi at sat ngun, khi bii ndhi gu naa a shin, yaghal khi bii ndhi Naan shin ngun awuret khiding. ¹⁰ Ret nyit nhi nsim mhi Ndah ndhi gu nin dem fuk nnan shizak. Gu deltikhim khi naa an, amma ba mee pee di mah ndhi de ngun gu nin nnan di. ¹¹ An baa phi sat ndhissih npe de nnan a kat mebi nder gu di mah. Bii ndhi an khi ni dar an assih khi duk bii ndhi ta. ¹² An khi man yad-ndhi an npee tong di kat an khi mebi ma, yaghal an khi man yad-ndhi a tong di kat an khi mebi bwer. Ah kam bi ndhi a shin ret yit ko a pennang eh ndhi kat mebi kat an, kat an khi ni bwer npee sih ndhi kat neen laa nnan, bhi khi kot an khi ni bwer ndhi an phi dem. ¹³ Ah mak shin bi muu bwer nsim mhi Jesu Kristi, npee ndhi ni shin baal nnan. ¹⁴ Bhi a bii wuret ndhi gu baam an npuus ndhi an phi dem fee. ¹⁵ Gun Filibiyawa muu, gu man ndhi tun nshe she khi bhilip sih, ndhi ba a me lih naan baam an khi mebi ma sai dai agun. ¹⁶ Duk khi ndhi an a dee nTasalonika bhi gu lep khi bii muu nnan met nyit khime. ¹⁷ Baa a npee ndhi an phi tang put-kaa ndhi ni npee lihwuret nkwa ngun. ¹⁸ Ah lap bii muu khiding gwe ngam har maa met. Mu ten shin muu nnan bwer har khi ndhi a lap nder Epaphroditus bhi ndhi gu lep khini. A bii wuret nmu ndhi mu khi takas wuret ndhi lang-en Ndah Naan. ¹⁹ Ndah Naan fhin ni npee kwat bii khiding wuret ngun yad-ndhi ni npee dem ndhi nsim mhi Jesu Kristi. ²⁰ Khi detssih, nsim ndhi ni a mhi Ndah Naan, yit di ndee wuret khimuk mwan tai tai di, asih wai. ²¹ Guu tal nyen mwan nder Naan muu khiding nsim ndhi ni a mhi Jesu Kristi. Emnhikhin nhi muu ndhi mu nder ni muu phi tal gun. ²² Khiding nyen mwan nder Naan muu ndhi muu a wukhime khi an, muu phi tal gun, tun ba a mu ndhi mu dhikhin lih mhi Caesar mah. ²³ Yit di de nriin wuret khi Ndah Jesu kot awukhime khi gun khiding.