1 Nteer ndhi mu del, bhi du gurum mu wu yon dih, bhi mu khi meh bih nphe sih ma. Jesu yong jep kam/shar shiit fhi nih mu yaghal sat nmu, 2 "An khi najel nphe du gurum si mu, nphe ndhi mu deltighim khi wet nder nih wul teer kun gwe bhi mu kat meh bih nphe sih ma. 3 Kat a shen mu shi wak khipang lih du nnot sih-sih, bhi mu khi dwam khikuyi/pwalap khi yar. Pak mu tong a khipe wu jong/sihng mu wul" 4 Jep kam/shar shiit khi muk mu lap nnih, "Mun nphe kat ghil biredi mu kiye mak-peh a nneh nnaar peh wu jong si ndhi nphe mak kaat kha/ighil niyen si mu eh?" 5 Yaghal nih tal phi mu, "Gun a khi ghil mu dang eh?" Mu na, "Poko vhil." 6 Bhi lhi tiit ndu gurum fe mu tong nyil. Bhi irr ghil biiredi mu poko vhil fe si, shin plang nNaan, yaghal tarap mu. Bhi shin njep kam/nshar shiit fhini mu deh nmu lap shin nmu dih, bhi mu shin ndu gurum fe mu. 7 Mu khi lah sherep nlahnih, yaghal khi dnagkonng ndhi shin plang nphe mu, bhi lhi njep kam/nshar shiit fhinih mu deh nmu shin nmu dih duk. 8 Mu sih bhi mu ighil, yaghal mu dighinn/shak gokshi tihduk fe mu, mu wul khishak wu nan poko vhil. 9 Gurum ndhi mu dih mu wul dubu fer. Bhi sat nmu wak. 10 Dih bhi ndhi rhi nbut shii am a wukhime jep kam/shar shiit fhinih mu, bhi mu mwan ya khi kwang yil Dalmanuta/Dalmanutha. 11 Bhi Farisiyawa fe mu pwat yaghal mu ya baghal khi nih. Mu tal nder muk kot a meh khi bor langting ndhi tong khitingNaan sam, nphe deh dun kam nih dih. 12 Bhi pus nook nriin nih yaghal sat nna, "A meh lhi deh nkaan sherem gurum ndhi khidetsi mu phi tang langting dih ye? Zen, a sat ngun, mu phe shin meh langting nsherem gurum ndhi mu dih khidetsi ma." 13 Bhi yit mu dih, shin rhi nbut shii am, yaghal waya nkwang eskohop ndhi pwon si. 14 Deh dih bhi jep kam khi muk mu mhindersut deh nmu pan biredi ndersut dih. Mu a khi ghil khime datni si det nbut shii am fe. 15 Bhi biyal mu yaghal si na, "Gu tap khi kha gu yaghal tong khi en gu yak nriin mhi Farisiyawa mk khi mu Hirudus khi viling en gu." 16 Jep kam/shar shiit khi muk mu diye a bih wukhime khishak, " A nphe ndhi nih khi biredi ma." 17 Jesu nih khi man khi ndhi si, bhi yaghal sat nmu na, "A meh lhi deh gun phi shin leng khikha biredi ndhi wen gun eh? Gu wen nnot naa fe mhi? Gu wen nnot nman ah? Bhizung gu zughum ah? 18 Gun khi yit, gun phi naa peh ma ah? Gun khi kom, gun phi khiling peh ma ah? Gun phi khikdersuk ma ah? 19 Ndhi dok a tarrap ghil biredi mu paat a koh ngurum mu yakgurum baat tiy sar (5,000), bhi a khishak dang nmhi goghot fe ndhi gu kok eh?" Mu sat nnih, "Sar po vhil." 20 "Ndhi a tarrap ghil biredi mu pokovhil khi nar gurum yakgurum baa yit fer (4,000), bhi khishak mu deh a dang nghiring ndhi gu kok/irr eh?" Mu sat nnih, "Pokovhil." 21 Sat nna, "Gun khi nman ma ah?" 22 Mu wakji khi yil Bethsaida. Gurum ndhi mu dih mu ji khi meh gwo shi wuvughum nnih yaghal mu dang Jesu deh nnih bhim nih dih. 23 Jesu shin sar nih yaa gwo wughum fe , yaghal put khi nih khi la yil fe. Ndhi thi/bwak zel nyit nyit muk yaghal lang sar khi kha muk, bhi tal shi phi muk, "Ghi phi naa membih ah?" 24 Bhi naa peh khiting, yaghal sat nna, "An phi naa gurum mu khi peh tihng mu phi mwan si." 25 Bhi shin den sar nin nyit muk, yaghal gwo fe ep yit nih, yaghal gwo fe ep yit nih, bhi yit mu ep, yaghal naa bih mu duk-duk a wuret. 26 Jesu sat nnih wa yaa lih nin yaghal sat nna, "Ghi nok rhi nnar yil fe si." 27 Jesu put khibang khi jep kam/shar shiit fhini mu deh mu mwan yaa njep yil mhi Caesarea Philipi. Nhdi mu khi yar bhi tal phi jep kam fhini mu, "Gurum mu phi sat mu na an a aweh?" 28 Mu lap nnih mu na, "Jon ngu Baptisma. Pak mu si na, 'Elija,' yaghal pak mu na, 'A meh ngu jagham/ngu naa peh khi kha.'" 29 Bhi tal phi mu, "Dang bhi wu gun phi si na an aweh?" Pita/Bitrus sat nnih, "Ghi a Kristi fe." 30 Jesu dhil kom nmu yak mu khi sat membih khi kha nih nmeh gwo ma. 31 Bhi yaa kam nmu nna a tiit deh nLa Gurum shu jel nkha bih mu bwer dih, yaghal niyen nan mu nphe niyang nih khi niyen shiit Naan wu nan mu khi niyen ran mu, yaghal mu khi thii nih, bhi khi dangkong teer kun bhi khi yaghal. 32 Nih sat mhisi a wuret. Bhi Pita mang nih shin ya shi eskohop yaghal ya biyal nih. 33 Dang bhi Jesu viling yaghal naa jep kam/shar shiit fhini mu bhi yaghal biyal Pita yaghal sat nna, "Ghi bah ndangkong nih, Sharfom! Ghi phi den bhizung ghi khi kha bih ndhi nih a nmhi Naan ma, dang bhi a khi kha bih nmhi gurum mu." 34 Bhi yong du gurum khi jep kam/shar shiit fhini mu ndershak, yaghal sat nmu, "Kat meh gwo nih phi dem mwan nder nih, a tiit deh nnih niyang khashin, mang shep fhini, bhi mwan nder nih. 35 Nphe ndhi meh gwo ndhi nih phi dem sen nih bhi nih nphe lang fe, yaghal meh gwo ndhi lang sen nih nphe nih khi bhilip Naan wuret, bhi nih khi kat. 36 A wuret ndhi neh nphe kat gurum, ndhi kat yil khiding, bhi yaghal lang sen nih eh? 37 A meh a bih ndhi gurum khi shin phikop sen nih eh? 38 Meh gwo ndhi kha mu kul nphe nih khi bhilip fhin nyii nmhi niyen tihleet mu khi niyen shikbis si mu, La Gurum nih nphe kot khi kha kul khi muk kat mwan ya nbut riin nmhi Nda nih khi jep lep wu bang mu."