1 Farisiyawa mu khi pak niyen ran mu ndhi mu tong nUrishalima mu wul mu tong neer nih ka'at. 2 Mu naa ndhi pak shar shiit/jep lep khi muk mu phi sih biredi khi sar wu rap, ndhi, nnot nvang. 3 (Nphe ndhi Farisiyawa mu khi duk-duk yahudawa mu tong mu khi sih sih nnot nvang sar ma, nphe ndhi mu phi yaa mai nmu niyen nan mu. 4 Kat Farisiyawa mu wakwul nlihtuk/nkasuwa, mu khi sih-sih ma kat mu sukwap-sut dang si ma, yaghal mu phi yaa nkwa bih wugyet mu bal-bal, khipe vwang da'a shu am si, wang mu, khi da'a wuret-ret mu, yaghal pehtong sih-sih khi mu.) 5 Farisiyawa mu khi niyen ran mu tal phi Jesu mu na, "A meh lhi deh shar shiit/jep kam fhik mu phi shin bih mu khi yar bih niyen nan fut mu phi shin fe ma eh, nphe ndhi mu phi sih-sih nnot nvang sar du eh?" 6 Bhi sat nmu na, "Ishaya gyet koo's sat gwe a wuret khikha gu niyen tahnan mu. Nih ran nna, 'Niyen si mu phi dhikyil n'an a shi po det, dang bhi bhizung mu jong khi an. 7 Mu phi dhikyil yil a mhi nnot nzen n'an, shin mu phi kam waar khi gurum khipe nmut si.' 8 Gu yit/kon waar khi Naan yaghal gu ya fyar mhi gurum mu." 9 Shin sat nmu nna, "A meh lhi deh gu niyang waar khi Naan deh ngun gu yaa nmuk dih eh! 10 Nphe ndhi Musa gyet sat nna, 'Ghi shin yon nda ghi khi nighin ghi,' yaghal nna, 'Gwo ndhi lap bhilip wubis khi kha nda nih ma bhi nighin nih bhi nih nphe muut.' 11 Dang bhi gu si na, "Kat meh gurum sat nda nih ma bhi nighin nih nna, " Meh baam ndhi ye ghi lap nder nih bhi a Corban," (ndhi nih a, 'Mu Shin Nda Naan')- 12 bhi gu dang nih nphe shin meh bih nda nih kot a nighin nih o. 13 Gun phi dem yit waar khi Naan a wubaan khi bih mai fuk ndhi gu den shin ji. Khi nkan bih mu bwer ndhi gun phi shin fe." 14 Nih yaghal yong peh ndu gurum fe wukwa bhi sat nmu nna, "Gu lhi kom gu, khiding fuk, deh ngun gu man dih. 15 Meh bih dih ma ndhi khi tong khibang rhi nbut ngurum ndhi khi tihkok khi nih. A bih ndhi tong put nbut gwo fe ndhi mak tihkok nih." 16 Kat meh gurum nih khi kom, bhi yit nnih khiling." 17 Khidangkong ndhi Jesu yit du gurum fe mu yaghal del ndhighin lih fe, shar shiit/jep kam khi muk mu tal phishi sihmbhilip fe. 18 Jesu sat nna, "Gu wen nnot nman shin ji rhi khidetsi ah? Gu wen nnot naa ndhi meh bih ndhi tong khibang rhi nbut gurum a nih khi tihkok khi nih ma, 19 nphe ndhi khi rhi nbizung muk ma, dang bhi khi rhi a nbut muk bhi yaghal put nlih ess/nmar ma?" Khi bhilip si bhi Jesu lhi sih mu khiding a wubang/wuret. 20 Sat nna, "A bih ndhi put nbut gurum a nih phi tihkok khi nih. 21 Nphe ndhi a nbut gurum, ndhi put nbhizung fe, ndhi leng wubis phi tong put, tihleet, wat, tihkha, 22 tihleet, demkha, butdeet, gwam/bang-peh, dem-tihkok, tihlik, tihkok khi sihm, dem yon, yoghor. 23 Bih wubis si mu khiding mu tong a nbut, yaghal a mu a bih ndhi mu tihkok khi gurum." 24 Bhi yaghal dih nbhisi bhi mwan waya nmeh peh nkwang yil ndhi mu khi yong nih a Taya khi Sidon. Bhi rhi nmeh lih shi yaghal nih phi dem meh gwo man ndhi jin dih ma, dang bhi lapo nnih nphe laham. 25 Dang dih lala bhi meh mat shi, ndhi larep muk nih khi riin wubis, khiling bhilip khi kha muk, bhi ji, yaghal paal ntighim muk. 26 Mat fe a mat Bahele/Greek, ndhi kuk muk a Basurofinikiya/Syrophoenician. Dang/dwak phi muk deh nnih shen riin wubis fe shin put nbut larep fe dih. 27 Yaghal sat nnih, "Yit nmu shin sih njep fe mu dang si. Nphe ret ndhi mu khi mang biredi-sih nmu jep mu yaghal mu kon ass mu ma." 28 Bhi mat fe lap nnih nna, "Asi wai, Nda, ass mu duk ndhi nmu nbhider ehtong-sih sih mu khi sih ndhi pwatdok nsar jep mu." 29 Nih sat nmat fe, "Nphe ndhi yi sat ndhisi, bhi mu bwot yi deh yi wah dih. Riin wubis fe put nbut larep yi." 30 Bhi mwan wayah khipang fhit bhi kat larep khi teer khi kha peh-saam, bhi riin wubis fe del gwe. 31 Bhi shin put khi yil Taya, bhi del pet nnaar yil Sidon shin ji nKong Galili shin ya khi yil Dikafolis/Decapolis. 32 Mu ji khi meh gurum shi ndhi kom mu dwaghar shin lapoo nnih nphe lap bhilip/phibam, yaghal mu dang deh nnih lang sar nih khi kha muk dih. 33 Bhi mang nih shi eskohop peh nnabiyah nsar du gurum mu, yaghal rwan jirap sar nih mu nkom muk mu, bhi khidangkong ndhi bwak zel, bhi bhim liis muk 34 Naa peh shin kha khitingNaan, bhi pus-nook yaghal sat nnih, "Iffata," ndhi mu khi piring bhi a, "Ep!" 35 Yaghal lala bhi nhikhil muk wawul a wu ep, yaghal tihkok khi bih ndhi dang liis muk nphe lap bhilip bhi ya lap bhilip a wuret. 36 Jesu dang mu yak mu khi sat fe meh gwo si. Dang bhi kat dhin mu, bhi shin mu phi sighit sat bhilip khi kha fe. 37 Bih fe fiipoo nmu bwer, mu phi si na, "Shin bih mu khiding a wuret. Lhi nkomdwaghar khiling-peh yaghal nphi-bam lap bhilip."