Ep fe 3

1 Shin Jesu mwan rhi nlih Naan bhi sihkang khi meh gwo shi ndhi saar muk a bot/waa lat. 2 Pak gurum mu phi ak nih shaghat deh mu naa kot khi lat khi shuwal Par Shii Wu Pokovol dih oh deh nmu kat bih gohol dih. 3 Jesu sat ngu bot sar/sar wu waa fe, "Ghi yaghal khi ting bhi ghi dar si khi naar gurum mu duk-duk." 4 Bhi sat nniyen fe mu na, "Ret khi yar waar ndhi gurum khi shin wuret Par Shii Wu Pokovol a kot shin wubis eh; nphe bhirip se'en gurum a, kot a nphe tih gurum eh?" Dang bhi mu nok khitik. 5 Bhi yaghal naa mu shighirkaat khi tughurnung, bhi bih fe laa nnih nphe bhizung-bal khi mu, bhi yaghal sat ngwo fe na, "Ghi del sar ghi." Yaghal del sar fe shin put, bhi sar muk kaham. 6 Farisiyawa mu pwat bhi lala mu yaa ben-poo a wu khime khi niyen Hiridus mu deh nmu mu kat yar ndhi du tih nih dih. 7 Bhi Jesu, khi shar shiit fini mu, mu mwan yaa phi kong wuyon/teku, yaghal ɗu gurum mu bwer mu mwan nder muk yaghal nGalili shin khi yil Yahudiya/Judiya 8 shin yaghal khi yil Urushalima khi yil Edom yaghal kat mu del phi Jordan shin khi kwang Taya khi Sidon. Ndhi mu khiling bih mu ndhi nih phi shin fe, bhi ɗu gurum mu ji mu kat nih. 9 Sat shar shiit finin nmu kat la shii am wu lee den njin nsar du gurum mu, yak mu khi tarang nih. 10 Nphe ndhi lat khi shuwal khi gurum mu bwer, ndhi lhi duk-duk gurum ndhi mu khi shuwal mu phi daar nphe bhim nih. 11 Ndhi kat riin wubis fe mu naa nih, bhi nu pwadhik nyil ntighim muk yaghal mu fwa orr, bhi mu na, "Ghi a La Naan." 12 Bhi sat bhilip nmu bal-bal deh tap-bhi gurum mu khi man jin ma dih. 13 Mwan kaa npang, yaghal yong peh ngurum ndhi nih phi dem, bhi mu mwan mu kat nih. 14 Taghat gurum mu sar po/ka vhil (ndhi yong mu a shar shiit mu), deh nmu mu kot khi jin dih yaghal nih khi lep mu nphe mwan khi lep bhilip Naan dih, 15 yaghal mu khi kat bal nphe taghat mhikwarkum mu. 16 Bhi taghat gurum mu sar po/ka vhil fe mu a si: Siman, ndhi shin sihm nnih a Bitrus/Pita; 17 Jamis/Yakubu la Zabadi, yaghal Yohana/Jon emnighin Jamis/Yakubu, ndhi shin sihm nnih a Buwanarjis, ndhi a, jep tighil-fwan; 18 yaghal Andarawus, khi Filibus, khi Bartalamawus, khi Matiyu, khi Toma, khi Jamis/Yakubu la Halfa, khi Tadawus, khi Siman Bakariane, 19 yaghal Yahuza Iskariyoti, ndhi a nih nphe ji shighir dangkong nnih. 20 Bhi wa yaa khipang, yaghal du gurum fe shin mu ji khishak, ndhi sih biredi ma mu. 21 Ndhi wumi muk mu khiling bih si, bhi mu pwat nphe yaa nih, nphe ndhi mu na, "Kudi nno'ok/n'en nih ma." 22 Niyen ran ndhi mu tong khi yil Urishalima mu sam mu na, "Mhikwarkum Ba'alzabul ka khi kaa muk," shin, "A khi bal mhikwarkum fe mu ndhi nih phi shen mhikwarkum fe mu." 23 Jesu yong peh nmu shin ji nder nih yaghal sat simbhilip nmu, "Shin anang Sharfom/Shetan khi shen Sharfom/Shetan dih ye? 24 Kat meh yil koo kasat, bhi yil fe khi dar ma. 25 Kat meh fungbong/lih koo kasat, bhi fungbong/lih fe khi mak dar ma. 26 Kat Sharfom/Shetan yaghal liyak shin yaghal phi muk a wu khime ma, bhi mak dar ma, bhi a lat khi muk a si. 27 Dang bhi meh gwo mak nphe rhi nlih gwo wu bal nphe wat nno'ot khi bwaghat gwo wu bal fe dang si ma, dang deshe kok bih khi muk mu dih. 28 A sat zen ngun, mu khi kon khi duk-duk shikbis khi jep gurum mu, khi tihkok khi sihm Naan ndhi mu bhilip, 29 dang bhi meh gwo ndhi tihkok khi sim Riin Wuret/Wubang bhi mu nphe sham kon khi nih nnih ma, bhi shikbis khi muk khi kot a wai-wai." 30 Jesu sat ndhi si a nphe ndhi mu phi sat si na, "Nih khi riin wu bang ma." 31 Bhi nighin muk khi emnighin muk mu ji mu dyam khibang. Mu lang-lep nnih, deh nnih put dih. 32 Ɗu gurum mu nerr nih tong khi nih bhi yaghal mu sat nnih, "Nighin ghi khi emnighin ghi mu khibang, mu phi tang ghi." 33 Pring nmu na, "A weh mu a nighin nih khi emnighin nih mu ye?" 34 Bhi yaghal naa peh shighir-kaat nphe naa niyen ndhi mu nerr nih bhi nna, "Gu na a, nighin nih khi emnighin nih mu si! 35 Nphe ndhi meh gwo ndhi shin bih ndhi Naan nih phi dem fe, bhi gwo wuni fe a emnighin nih wu miss, shin a emnighin nih wu mat, yaghal a nighin nih."