Ep fe 2

1 Ndhi tong wawul khi yil Kafarnahum khidangkong jep teer mu, bhi mu khiling ndhi nih khipang. 2 Gurum mu bwer mu khaat dih ndhi lhi peh dar wen, khi philih fe duk, yaghal Jesu kam bhilip Naan nmu. 3 Bhi pak meh daas mu ji nder muk khi meh gwo ndhi a kuut; gurum mu feer mu phi mang nih. 4 Ndhi mu kat peh wulkus khi nih ma nphe du gurum mu, bhi mu shang shep shi-gak lih ndhi nkha Jesu, yaghal ndhi mu epp fung/pong, bhi mu den peh-teer ndhi ngwo wukuut fe khi kha fe shin sam. 5 Ndhi naa shinzen khi mu, Jesu sat ngwo wu kut fe na, "Lah nih, shikbis fik a wu kon." 6 Dih bhi pak niyen ran mu khi tong dih, bhi mu leng nbhizung du, 7 "Shin anang deh gwo si khi sat a si eh? Nih phi tihkok khi sim Naan! A weh mak kon khi shikbis kat a Naan det ma eh? 8 La-la bhi Jesu man nno'ok nih bih ndhi mu phi leng fe khinar sut. Sat nmu na, "A meh lhi deh gun phi leng bih si nbhizung gu dih ye? 9 A meh ndhi ne bess sat ngwo wu kut ye, 'Shikbis fik mu a wu kon' a kot a nphe si na, "Ghi yaghal khiting, ghi mang peh-teer fik, yaghal ghi mwan-mwan'? 10 Dang bhi deh ngun gu man ndhi La Gurum khi bal khi dighinyil si nphe kon khi shikbis dih," bhi sat ngwo wu kut fe na, 11 "A sat nghi, ghi yaghal khiting, ghi mang karam fik, yaghal ghi wa ya lih ghi." 12 Bhi yaghal khiting lala mang karram fe, bhi put nlih fe khi yit gurum mu duk-duk, ndhi lhi app-poo nmu duk-duk yaghal mu saam sihm Naan, bhi mu sat mu na, "Mu sham naa meh bih a si ma." 13 Shin put nkwa mwan ya phi kong, bhi du gurum mu khiding mu ji nder muk, yaghal kam-kam nmu. 14 Ndhi nih phi del, bhi naa Lawi lah Halfa khi tong phi lih ngu shak wap bhi sat nnih nna, "Ghi mwan nder nih." Yaghal khiting bhi mwan nder muk. 15 Jesu nih phi sih-sih lih Lawi bhi niyen shak wap mu bwer khi niyen shikbis mu phi sih-sih a wu khime khi nih khi shar shiit/jep kam khi muk mu, nphe ndhi gurum mu bwer dih yaghal mu mwan nder muk. 16 Ndhi niyen ran mu, ndhi mu a Farisiyawa, mu naa ndhi Jesu phi sih-sih khi niyen shikbis mu yaghal niyen shak wap mu, bhi mu sat nshar shiit khi muk mu, mu na, "A meh lhi deh nih phi sih-sih a wukime khi niyen shak wap mu yagahl niyen shikbis mu eh?" 17 Ndhi Jesu khiling bih si bhi sat nmu nna, "Niyen ndhi mu khi bal nshisut mu khi wal ngu shin en ma; a niyen ndhi mu a wu gok mu phi wal ngu shin en. A wul a nphe yong-peh nniyen zen mu ma, dang bhi a nphe niyen shikbis mu." 18 Dih bhi shar shiit khi Jon/Yahaya mu khi Farisiyawa mu phi tong khi ne'en nmhi bhilip Naan. Pak gurum mu ji yaghal mu sat nnih mu na, "A meh lhi deh shar shiit khi Jon/Yahaya mu khi shar shiit khi Farisiyawa mu phi tong khi ne'en nphe bhilip Naan, dang bhi shar shiit nmak mu phi shin fe ma eh?" 19 Jesu sat nmu nna, "Niyen shiit khipe bwaghatdik mu khi mak nphe tong khi ne'en bhi ngu bwaghatdik fe kudi nder mu eh? Kat ngu bwaghatdik fe kudi nder mu, mu khi tong khi ne'en nmhi bhilip Naan ma. 20 Dang bhi bhit fe mu nwul ndhi mu nphe mang ngu bwaghatdik fe shin baa nder mu, bhi nbhit wu ni fe mu, mu khi tong khi ne'en nphe Naan. 21 Meh gwo khi taan leh wu poo khi ka wu sikhir ma, asi ma bhi gokhot leh fe khi teeh baa, wu poo fe khi put nbut wusikhir fe, yaghal peh wu teeh fe khi ma wu dok. 22 Meh gwo dih ndhi khi dik mwos wu poo nbut tuu shim wusikhir ma, ma bhi mwos fe khi teeh shim fe bhi mwos fe khi tuu shim khi mwos fe mu khi tihkok nbaan. Wak bhi, mu dik mwos wu poo nbut tuu shim wu poo." 23 Par Bhit Dhin Shiit (Shi Wu Pokovol) bhi Jesu put mwan nbut marr sih, bhi shar shiit khi muk mu doghom tihling kaa sih mu. 24 Farisiyawa mu sat nnih, "Ghi naa, a meh lhi deh mu phi shin bih ndhi a khi yar waar ma par Bhit dhin Shiit eh?" 25 Sat nmu na, "Gu sham tang bih ndhi Dauda shin ndhi bih wen nih shin ne'en lah nih ma-nih khi niyen ndhi nder muk mu- 26 khi ndhi mwan rhi nlih Naan ndhi Abijata (Abiathar) nih a ngu shiit Naan wuyon, yaghal sih biredi ndhi tong mu khi den dhik, ndhi mu waar nphe sih fe ngokshi gurum mu kat a niyen shiit Naan mu ma, bhi shin pak niyen ndhi mu nder nih mu sih ma?" 27 Jesu sat nna, "Mu den Par Bhit Lapnok/Shii Wu Pokovol a nphe gurum, mu den a gurum nphe Shii Wu Pokovol fe ma." 28 Nphe ndhi a si, La Gurum a Nda Naan, duk-duk khi del Bhit Wu Pokovol fe."