Ep fe 12

1 Bhi Jesu doghom kam-kam nmu khi sihm-bhilip. Sat nna, "Meh gwo shi kop tihng mu nmar, dik zai neer ni shin-khaat, yaghal ok peh nphe shet mwos jep tihng fe mu. Dik peh shin kah khiting nphe tong ak/naa-peh yaghal shin nniyen naa/dak tihng mu. Bhi del mwan. 2 Mang ndhi bhit wul, bhi lep la-lep nniyen dak/naa tihng fe mu deh nnih lap pak la tihng fe nder mu dih. 3 Dang bhi mu yaa nih, mu bwap/nass nih, yaghal mu shen nih shin waa nnot meh bih. 4 Bhi shin lep khi nkwa la-lep nmu, bhi mu shin-shwal nnih nkha muk yaghal mu shin kakul nnih. 5 Bhi shin lep khi nkwa, bhi mu tih wuni fe. Mu shin khi gokshi mu bwer a si duk, mu bwap/nass pak mu yaghal mu tiyo gokshi mu. 6 Bhi nih khi gurum khime ndhi nih nphe lep khi nih, a la muk ndhi dem. A nih a wulat ndhi lep khi nih nmu. Sat nna, "Mu khi shin yon nla nih." 7 Dang bhi niyen dak tihng fe mu sat nshak mu na, "A ndhisi a nih a ngu kok kop fe. Gu ji, mun mu tih nih, yaghal kop bhilong fe khi deh/bor a nmun." 8 Mu deres nih, mu tih nih, yaghal mu kon nih shin-put nbut mar fe. 9 Nphe ndhi a si, bhi ngu mar khi shin a meh? Khi wul yaghal tihkok khi niyen shiit dak tihng fe mu yaghal shin mar fe nmeh gurum wukwa mu. 10 Gu sham tang ran si ma? 'Pang ndhi niyen dhik-lih mu niyang, a nih bor a pang wuret nphe dhik lih fe. 11 Ndhi si a Nda Naan khi nih, shin a bih wuret nyit mu.'" 12 Mu dar nphe yaa Jesu, dang bhi mu lwaghat du gurum fe mu, nphe ndhi mu man ndhi sat sihm-bhilip si a khi kha du. Nphe ndhi a si bhi mu yit nih yaghal mu del bhut. 13 Bhi mu lep khi pak Farisiyawa fe mu khi niyen Hirudus mu nder muk nphe yaa nih khi bhilip nphimuk. 14 Ndhi mu ji, bhi mu sat nnih mu na, "Ngu kam, mu man ndhi leng meh gwo khi phishi nder ghi ma, shin ghi phi nin waryit khinar gurum mu ma. Ghi phi kam bhilip yar khi Naan a wu zen. A khi yar waar nphe kwat wap Kaisar ah kot hai eh? Mu kwat a kot mu nok eh?" 15 Dang bhi Jesu man taa-naan khi mu yaghal sat nmu nna, "A meh lhi deh gun phi kam an dih eh? Gu ji khi shaghal dinari n'an a naa." 16 Mu ji khi khime nJesu. Sat nmu nna, "A riin khi ran weh khikha fe ye?" Mu na, "A mu Kaisar." 17 Jesu nna, "Gu shin bih ndhi a nmu Kaisar nnih Kaisar, yaghal gu shin bih ndhi a nmu Naan nnih Naan." Bih fe fii-poo nmu. 18 Bhi Sadukiyawa mu, ndhi mu niyang shinzeen nyaghal-ba-bhirip, mu ji nder muk. Mu tal phi muk, mu na, 19 "Ngu kam, Musa gyet ran nmu nna, 'Kat emnighin meh gurum muut yaghal yit mat nih ndangkong, nnot nla, bhi gwo fe khi lap mat emnighin fe, yaghal bhak jep emnighin fe.' 20 Gyet emnighin shak mu pokovol dih; wu-sheh fe lap mat bhi bah muut, nnot nyit jep. 21 Bhi wu-vhil fe lap mat fe bhi muut, nnot nyit jep, yaghal shin wu-kun fe a si duk. 22 Mu pokovol fe mu yit jep ma. Khidangkong fe duk-duk, bhi mat fe muut duk. 23 Par bhit ba-yaghal nmuut, deh kat mu yighil nkwa, bih mat-bih khi kot a mat weh? Nphe ndhi emnighin shak fe mu duk-duk pokovol fe gyet nih a mat mu." 24 Jesu sat nna, "A nphe ndhi a si deh gu shin laghar dih ma, nphe ndhi gu man bal khi bhlipNaan ma kot a bal khi Naan ma oh? 25 Nphe ndhi kat mu yighil khinar niyen wu dyuwam mu, mu nphe lap shirop ma shin mu nphe shin mu diyak ma, dang bhi mu deh a khipe jep lep nbut khitingnaan mu si. 26 Danng bhi nphe niyen ndhi a wu-dyuwam ndhi mu nphe yighil khi mu si, gu tang nbut Vilipnaan-ran khi Musa, nbut fiyar nmhi dem, ndhi Naan lap bhilip yaghal sat nna, 'A an a Naan khi Ibrahim khi Naan mhi Izik/Ishaku yaghal Naan nmhi Yakubu'? 27 Nih a Naan mhi niyen wu dyuwam mu ma, nih a nmhi niyen wu kaham mu. Gu shin laghar." 28 Nmeh niyen man ran fe mu ji bhi khiling bhilip ndhi mu shipo fe; bhi naa ndhi Jesu lap nmu a wuret. tal phimuk nna, "A waar khi Naan ndhi ne ndhi a nih khi phishi mah eh?" 29 Jesu lap nna, "Ndhi khi phishi mah nih a, 'Ghi khiling, Israila, Nda mu Naan, Nda a nih khime. 30 A tiit deh nghi ghi dem Nda ghi Naan khi bhizung ghi khiding, khi se'en ghi khiding, khi nhok ghi khiding, yaghal khi bal fhik khiding.' 31 Wu vhil khi waar nih a, 'A tiit ghi dem tihng-lih fhik khipe khasak si.' Meh waar met ndhi si mu ma." 32 Ngu man ran fe nna, "Bhi khi ret, Ngu Kam! Ghi sat zen ndhi naan a khime, shin ndhi meh gwo dih ma khipe nih si. 33 Dem nih khi bhizung khiding yaghal khi man duk-duk khi bal khiding, yaghal nphe dem tihng-lih khi gurum khipe kha-shin si, yon ma shan hadaya mu khi zughum mu." 34 Ndhi Jesu naa ndhi piring bhilip wuret, bhi sat nnih nna, "Ghi sihng-peh khi peh-tong khi Naan ma." Khidangkong wuni fe, bhi meh gwo kiye shin meh tal nJesu ma. 35 Jesu piring bhilip, ndhi nih phi kam nbut lihnaan; sat nna, "Shin a nang niyen man ran mu na Kristi a La Davit/Dauda dih eh? 36 Davit/Dauda shi kha-shin, ndhi nih nbut Riin Wubang, nna, 'Nda Naan sat to Nda nih, ghi tong khi sar nih wu-sih, deh an a bor khi sharfom fhik mu a tagham-den shii ghi dih.' 37 Davit/Dauda shi kha-shin yong nih a 'Nda,' bhi shin a nang Kristi khi bor a la Davit/dauda di eh?" Du gurum fe mu khiling nnih khi bhizung-piya. 38 Nbut kam fhin bhi jesu sat nna, "Gu tap niyen man ran mu, ndhi mu phi dem mwan khi leh wu-kun-kun mu shin mu phi dem tal ndhi mu phi tal dun nnar lihtuk 39 yaghal mu phi dem tong ntighim nbut lihnaan khi peh sih-peh mu. 40 Shin mu khi wet a lih shirop-kha mu det, yaghal mu phi dangphinaan nnot lat deh ngurum mu naa dih. A niyen si mu ndhi mu nphe kat biyal yang-yang." 41 Bhi Jesu yaa pehtong shi eskohop peh akwati ndhi mu phi shak shaghal nlihnaan; nih phi akk gurum mu shi phi ndhi mu phi dhik shaghal nbut akwati fe. Niyen bihlong mu bwer mu lhi shaghal bwer. 42 Bhi meh mat-kha shi wu-piya ji yaghal den bot kabo vhil, ndhi wulkus kabo si. 44 Nphe ndhi duk-duk khi mu shin nbut bwer ndhi dun khi nih. Dang bhi nih mat-kha si, nbut piya khimuk, den shaghal fhit khiding ndhi dih khi nih."