1 Jesu yit peh wuni fe yaghal mwan yaa nkwang yil Judiya shin nkwang peh ndhi del Kong Judiya, bhi du gurum fe mu shin mu ji nder muk. Shin nih phi kam nmu, khipe ndhi tong khi shin gwe si. 2 Bhi Farisiyawa mu ji nphe kam nih yaghal mu tal-tal, "War lap eh deh nmeh mis bwot mat nih dih ah?" 3 Lap nna, "Musa nin a nang ngun eh?" 4 Mu na, "Musa lap eh deh ngulih ran vilipnan gapshak duk bhi shen mat fe shin-waa." 5 "Gyet a nphe tughurkaham fuk deh ran waar si dih ngun," Jesu sat nmu a si. 6 "Dang bhi yaghal nshe khi yil, 'Naan dak/den mu a mis khi mat.' 7 'Nphe ndhi a si bhi mis khi yit nda nih khi nighin nih yaghal bam shi mat nih, 8 yaghal mu vhil si mu khi bor/deh a ghit/luu shishik khime.' Nphe ndhi a si bhi mu kudi a vhil ma, a ghit shishik khime. 9 Nphe ndhi a si bhi bih ndhi Naan khaat mu khishak, tap meh gurum khi seh/teh khinar fe." 10 Ndhi mu wakji khipang, jep kam/shar shiit khi muk mu shin mu tal bhilip wuye si. 11 Sat nmu nna, "Meh gwo ndhi gap tih-dhik khi mat nih deh lap meh mat nkwa bhi shin shikbiss tihleet khi mat fe. 12 Kat nih mat-bih tih-dhik khi mis dih deh dhik nmis nkwa, bhi shin shikbis tihleet." 13 Bhi mu ji khi jep fut wu dyen mu nphe deh nnih bhim/piyer mu dih, bhi jep kam/shar shiit khi muk mu biyal mu. 14 Dang bhi ndhi Jesu naa a si, bhizung muk tihkhok yaghal sat nmu na, "Gu yit njep wu dyen mu ji nder nih, gu nok dhin mu si, nphe ndhi lih khiting Naan a nphe niyen khipe mu si. 15 A sat zen ngun, meh gwo ndhi lap bhilip khiting Naan khipe la la wuleh si ma bhi tiit khi kat peh rhi dih ma." 16 Bhi kok jep fe mu lhi n'akhap nih yaghal lhi wuret khi kha mu khi sar nih ndhi lhing khi-kha mu. 17 Ndhi nih yaghal del mwan fhinih, bhi meh gwo si kha'at phimuk yaghal kurum ntighim muk, bhi yaghal tal, "Ngu kam wuret, a shin a meh deh an a kat se'en wu tai-tai dih eh?" 18 Jesu nna, "A meh lhi deh ghi yong an a wuret dih eh? Meh gwo a wuret ma, kat a Naan det ma. 19 Ghi man waar fe mu duk: 'Tap ghi tih-kha, tap ghi tang mat gurum (shin tihleet), tap ghi shin wat, tap bhi ghi shin langting dung si, tap ghi vohop-peh, ghi shin yon nda ghi khi nighin ghi,'" 20 Gwo fe nna, "Ngu kam, pehgyet an phi loghot khi shin bih si mu duk-duk she nyaghal fhin ndengmar." 21 Jesu naa nih yaghal dem nih. Sat nnih nna, "A bih khime det ndhi wen ghi. A tiit deh ghi se'et khi bih ndhi ghi khi mu khiding yaghal ghi shin nniyen wupiya mu, bhi yaghal ghi kat bihlong zak khiting. Bhi ghi ji, ghi mwan khider-nih." 22 Dang bhi nphe bhilip ndhi sat si bhi nin bhizung tihkhok bhi yaghal del khi tughurnung, nphe ndhi nih khi khisher bihlong. 23 Jesu yighir bhi naa-peh yaghal sat sat jep kam/shar shiit fhinih mu, "Bih khi lah-poo nphe deh nniyen bihlong mu kat peh-rho khiting Naan!" 24 Bhilip fe fii-poo njep kam/shar shiit khi muk mu. Dang bhi Jesu shin sat nmu, "Jep mu, nbhi khi lah-poo peh kat del khitingNaan! 25 Kat deh ndhi ngu bihlong khi kat del/rhi khiting Naan, bhi wak khi bes rakumi del/rhi nfung (nfung gong) nyir-ta'an." 26 Bih fe lhi ap-poo nmu yaghal mu sat nshak, "Bhi a weh nphe kat bar-se'en eh?" 27 Jesu naa mu yaghal nna, "Kat a nder gurum mu bhi khi la-poo, dang bhi a nder Naan ma. Nphe ndhi nder Naan bhi bih mu duk-duk a ya-shin det." 28 Pita yaghal doghom lap bhilip nnih, "Ghi naa, mu yit bih mu duk-duk yaghal mu mwan nder ghi." 29 Jesu sat nna, "A sat zen ngun, meh gwo dih ma ndhi yit lih nin, ma bhi emnighin nih mu, ma bhi emnighin nin wu-mat mu, ma bhi fhil-mar fhin mu, nphe nih, yaghal nphe bhilip Naan wuret, 30 ndhi khi wen nnot lap phishi fe yit yakgurum pa'at yit bwer ndhighinyil si: lih mu, emnighin daas mu khi jirap mu, yaghal khi nighin mu, khi jep mu, khi fhil-mar mu, khi shuw-jel mu, yaghal nbut yil viling ndhi nwawul, se'en nmhi tai-tai. 31 Dang bhi mu bwer ndhi mu a sheh dang a mu ba mu khi deh ndangkong, yaghal niyen ndhi a mu ndangkong a mu khi kot a wu sheh." 32 Mu phi mwan khi yarkaam, nphe yaa nUrishalima, bhi Jesu taa ntighim dehkha mu. Bih fe fi-poo nJep kam/shar shiit khimuk mu, yaghal niyen ndhi mu phi mwan ndangkong lukhut yaa mu. Bhi Jesu kok wu sar-po-vhil si mu bhi shin kat eskohop-peh bhi doghom sat bih ndhi nih nphe yaksi tah khi jin. 33 "Gu naa, mun nphe del-kaa nUrishalima, dih bhi mu nphe shin der La Gurum nniyen Naan wu nan mu khi niyen man ran mu. Mu nphe gap diyel nphe tih nih yaghal mu nih nNiyen ndhi mu man Naan ma. 34 Mu nphe tet nih, bwak zeel khi kha muk, bwap/saram nih khi ngaram, yaghal mu tih nih. Dang bhi khi dangkong teer kun bhi khi yaghal." 35 Jamis mu khi Jon, jep Zebedi, mu ter kah nder muk mu na, "Ngu kam, mun phi dem nghi shin meh bih ndhi mu sat nghi." 36 Sat nmu, "Gun phi dem an a shin a meh ngun eh?" 37 Mu na, "Yit mun mu tong a wukhime khi ghi khi-peh fhik wuyon, ngu khime khi sar mu sih yaghal nkwa khi sar wu kul." 38 Dang bhi Jesu lap nmu nna, "Gu man bih ndhi gun phi tal fe ma. Gun a wu mak shu bih nbut la-ɗaa ndhi an nphe shu fe a kot gun a wu wet moghor khi baptisma ndhi mu nphe shin an ah?" 39 Mu sat nnih, "Mu mak." Jesu sat nmu, "La-ɗaa ndhi an nphe shu, gu nphe shu, yaghal baptisma ndhi mu nphe shin n'an, mu khi shin a baptisma wuni ngun duk. 40 Dang bhi kot a weh khi tong khisar nih wu-sih ma bhi sar wu kul a nman nphe shin ma, a nphe nniyen ndhi mu dak nih nphe mu." 41 Ndhi gokshi wu sar khi jep kam/shar shiit khimuk mu khiling bih si, bhi mu doghom khiling khi tughurnung nder Jamis khi Jon. 42 Jesu yong mu shin ji nder shin yaghal sat nna, "Gu man niyen ndhi mu a niyen phitighim niyen ndhi mu man Naan ma mu tarang mu, yaghal niyen nan khi mu mu tong nkha mu. 43 Dang bhi wu gun muk par khi kot a si ma khinar gu. Meh gwo ndhi phi dem kot a wuyon khinar gu a tiit deh nih kot a lalep fuk dih, 44 yaghal meh gwo ndhi nih phi dem kot a wu-sheh khinar gu a tiit deh nnih deh a kwerem/kwaram mhi duk-duk dih. 45 Nphe ndhi La Gurum wul a nphe deh mu shin den nnih ma, dang bhi a peh deh nih shin den ngurum mu dih, yaghal nphe deh nnih shin se'en nih nphe bar gurum mu bwer." 46 Ji mu rho nJeriko. Ndhi mu yit Jeriko dih mu khi jep kam/shar shiit fhini mu khi du gurum wuyon mu, bhi la Timaus, Batimus, meh wu-vughum ngu dang, tong phikom yar. 47 Ndhi khiling a Jesu ngu Nazaret, bhi doghom fwa orr phi sina, "Jesu, La Davit/Dauda, ghi nah jel nkha nih!" 48 Gurum mu bwer mu biyal wu-vughum fe, mu na gwar nok kot. Dang bhi gumbih kah khi orr fe met, "La Davit/Dauda, ghi nah jel nkha nih!" 49 Jesu dar bhi lhi nmu yong-peh nnih. Mu yong-peh nwu-vughum fe, mu na, "Bwaghat bhizung ghi! Yaghal khiting! Nih phi yong-peh nghi." 50 Kon leh-lep fhini shin kam si, par kha khiting, bhi yaghal ji nder Jesu. 51 Jesu lap nnih nna, "Ghi phi dem an a shin a meh nghi eh?" Wu-vughum fe sat nna, "Ngu kam, an phi dem shin naa-peh." 52 Bhi Jesu sat nnih nna, "Ghi mwan. Shinzen fhik dak ghi." La-la wai bhi ngumbih shin doghom naa-peh, yaghal mwan nder muk khi yar fe.