1 Yong mu wu sar po vhil fe khishak yaghal shin bal khi mbhiman nmu nkaa riin wubis mu khi lat khi shuwal mu. 2 Lep khi mu shin pwat nphe kop/kam bhilip Naan shin khi pwat khi shuwal ngurum mu di. 3 Sat nmu na, "Gu nok mang membhi nphe mwan fe si - nnot dughul, nnot la ɗam shaghal, nnot burodi, nnot shaghal, shin nnot nkwa lee-lep shik. 4 Meh lih ndhi gu rho dih, gu tong dih dangsi deshe par gu yighil dih. 5 Kat meh peh ndhi niyang lap gun, kat gu pwat yar yit yil fe, bhi gu bwap bwoor ndhi nkwak gu nphe bor langting nkaa shi-khiling khimu." 6 Bhi mu t'hik yar, mu rho njep yil mu, mu phi kop/sat bhilip wuret khi lat khi shuwal niyen gok mu duk-duk peh ndhi mu yaa dih. 7 Ndhi Herod ngu yaa yil wuyon-yon khiling bih ndhi phi mwan, bhi fii-poo nnih, nphe ndhi pak gurum mu na a Jon ngu Baptisma yaghal ntukun, 8 bhi muna a Iliya wul gwe, shin pak mu na a nmeh nyen jagham mu/naa peh shi kaa mu ndhi gyet mu yaghal. 9 Herod na, "A gap kaa Jon, bhi sim bhilip wuni fe wa a ne asi eh?" bhi yaghal daar deh nnih naa nih dih. 10 Ndhi shaar shiit khimuk mu ndhi lep mu fe mu wakwul, mu sat bih mu khiding ndhi du shi. Bhi pan mu nder shin, yaghal mu mwan mu biya nmeh yil ndhi mu khi yong nih a Bethsaida. 11 Dang bhi ndhi ɗu gurum mu khiling, mu mwan nder muk. Ka'at mu yaghal lap bhilip nmu khika ting-Naan, yaghal lat khi shuwal nnyen wugok mu. 12 Deh dih bhi puus phi taa, bhi mu wu sar po/ka vhil fe mu ji nder muk yaghal mu na, "Ghi sat ɗu gurum si mu mwan mu yaa jep yil ndhi mu kus kus deh nmu bong peh-teer khi sih dih, nphe ndhi mun a khipeh ndhi jong khi gurum mu." 13 Bhi sat nmu na, "Gu shin membi nmu sih." Mu na, "Mun khi a khi ghil burodi mu paat yaghal dherep mu vhil det- kat ba mun mwan a se'et a sih nmu duk-duk ma." 14 (Daas mu wul yakgurum sar yit paat.) Sat nshaar shiit fin m, "Gu lhi nmu tong nyil shi zuk dhi wul yakgurum vhil khi sar." 15 Bhi mu shin asi, mu lhi ngurum mu tong nyil. 16 Dhi lap ghil burodi mu paat khi sherep mu vhil fe, naa peh khiting, lhiwuret khi kaa fe yaghal terep mu goghot-goghot bhi shin nshaar shiit fi mu kooh ɗu gurum fe mu. 17 Mu sih yaghal mu ighil, yaghal mu shak goghot ndhi mu deh bhi wul nkhishak sar po/ka vhil. 18 Ndhi deh dih bhi Jesu nih phi dangNaan nmheshin, shaar shiit khimuk mu nder muk. Tal phi mu, na, "Ɗu gurum si mu mu na an a we?" 19 Mu piring mu na, "Jon ngu Baptisma. Pak wu kwa mu na Iliya, yaghal nkwa mu na a meh ngujagham/ngu naa nep khi kaa ndhi gyet yaghal ntughun." 20 Bhi sat nmu, "Dang bhi gun muk gu sina an aweh?" Pita (Bitrus) piring na, "Kristi mhi Naan." 21 Bhi ta'at sar nyit mu, na tap yak niyo khi sat meh gwo, 22 sina, "La Gurum khi shu jel/wula bih mu bwer wu nan mu shin daskaham mu khi nyen phitighim nlihnaan khi nyen ran mu khi nyang nih, yaghal mu khi thi nih bhi par puus wu kun bhi khi yaghal." 23 Bhi sat nmu, "Kat meh gwo phi dem ji nder nih, bhi a tiit nnih nyang kaa-shin yaghal mang shep fini bhi mwan nder nih . 24 Meh gwo ndhi phi ɗem bar se'en nih bhi khi kat ma, dang bhi meh gwo ndhi shin se'en nih nphe nih bhi khi kat se'en. 25 A me a wuret ndhi gurum khi kat yil si khiding, bhi lang se'en nih eh? 26 Meh gwo ndhi kaa muk kul nsar nih khi bhilip fhin, bhi kaa La Gurum khi kul nsar muk kat wawul nbut yon fhini khi yon nmhi Nda khi jep lep khi Naan wubang mu. 27 Dang bhi zen a sat ngun, pak gu mu ndhi mu khi dyerem si mu khi naa muut ma deshe mu naa khiting Naan dih." 28 Khidangkong teer pokokun ndhi Jesu sat bhilip si, bhi ihr Pita (Bitrus) khi Jon (Yahaya) khi Jamis (Yakubu) mu delka mpang deh nmu dangNaan dih. 29 Ndhi nih phi dangNaan bhi yit muk viling, yaghal leh khimuk millap a piya. 30 Leh bhi, yaghal gurum mu vhil mu phi lap bhilip khini, Musa khi Iliya, 31 mu nbut pe bang nmhi Naan. Mu lap bhilip khika waa/ɗel khi muk ndhi wulkus nphe lat nJerusalem. 32 Deh dih bhi Pita (Bitrus) mu khi das ndhi mu nder muk mu dhik nsaam, dang bhi ndhi mu miya deh yit mu saan, bhi mu naa pebang khi muk khi gurum mu vhil ndhi mu khi diyerem nder muk. 33 Ndhi mu phi yit Jesu dih, bhi Pita (Bitrus) sat nnih na, "Nda, ret ndhi kot mun nmbisih. Ye mu diyak bhit mu kun, meh a mak, meh a nmih Musa, yaghal nmeh a nmih Iliya." (Nih man bhi ndhi nih phi sat fe ma.) 34 Ndhi nih phi sat asi, bhi libhim wasam oghot mu, ndhi mu phi rho nnaar libhin fe bhi mu lwaghat. 35 Mu khiling dighil nnaar libhin fe phi sat na, "Ndhi si a Laa nih, a nih ndhi mu mang; gu khiling nnih." 36 Ndhi dighil fe lat lap bhilip, bhi mu kat Jesu nbhishin. Mu nok khithik shin mu sat bih ndhi du naa nmeh gurum ma. 37 Dhidaar fe, ndhi mu waksam npang, bhi ɗu gurum kat nih. 38 Dih bhi, meh gwo nnaar ɗu gurum fe fwa orr, na, "Ngu kam, kambok ji ghi naa laa fin, nphe ndhi a nih a laa fin n'an det. 39 Ghi naa, meh riin wubis ɗen nih ntighim deh khi gwar a gwar det; nih phi lhi nnih dwam kukui bhi phimuk phi pang dhifil. Nih phii lapoo nphe yit nih dih shin nih phi kwap shin bis bis. 40 A dang phi shaar shiit fhik deh nmu shen riin fe dih bhi makaa mu." 41 Jesu piring na, "Gun nyen shiin shinzeen khi nyen nook wubis ndhi nteer kidetsi mu, gun phi dem deh a wet a tong ndergu det a kot a nang ye? Ghi waji khi laa ghi si." 42 Ndhi laa fe phi waji, bhi riin wubis fe bet nih kon nyil, bhin muut kukui. Bhi Jesu byal riin wubis fe shin pwat khi khi nih nshik laa fe, yaghal baa khini shin nda muk. 43 Bhi fii-poo nmu nphe yon khi Naan. Ndhi mu phi app-poo khi bih ndhi nih phi shin fe, bhi sat nshaar shiit fhinin mu, 44 "Yit deh nbhilip si rho ngun nkom: mu nphe shin Laa Gurum khi sar gurum mu." 45 Bhi mu man naar bhilip fe ma. A wu si-sok khimu, yak mu khi nman phishi bhilip fe ma, shin lughut yak mu nphe shin tal nkaa bhilip si. 46 Dih lee bhi baghal yaghal khinaar mu ndhi kot aweh khi deh a wuyon khi mu oh. 47 Bhi Jesu, ndhi man leng ndhi nbhizung mu, mang laa wule ɗen shighing nih 48 yaghal sat nmu na, "Meh gwo ndhi lap laa si nphe sim nih, bhi lap a an; yaghal meh gwo ndhi lap an, bhi lap a gwo ndhi lep an. Nphe ndhi gwo ndhi a wukat nnaar ngu duk-duk bhi a nih a wuyon." 49 Jon piring na, "Nda, mu naa meh gurum shi phi pwat khi riin wubis mu khi sim ghi bhi mu dang nih nphe ndhi nih phi mwan a wukhime khi mun ma." 50 "gu nok dang nih si," Jesu sat asi, "nphe ndhi meh gurum ndhi nih khi nook wudhik nder gu ma a nmuk." 51 Ndhi teer mu ɗeh kus deh nmu yaa nih, bhi mang yit nih den phe yaa yarkam waya Urushelima/nJerusalem. 52 Lep khi jep lep mu ntighim, yaghal mu mwan mu rho khi yil Samaritan mu deh nmu dak peh nnih dih. 53 Dang bhi gurum ndhi nbhisi mu lap nih ma, nphe ndhi lhi yit nih kiyar Urushelima/Jerusalem. 54 Ndhi shaar shiit khimuk Jamis (Yakubu) khi Jon (Yahaya) mu naa asi, mu na, "Nda, ghi phi dem deh nmun mu yong wus khiting sam shan mu ah?" 55 Shighir yit nih bhi gwakjighir nmu, 56 yaghal mu del yaa khi yil wu kwa. 57 Ndhi mu phi mwan khi yar, meh gurum sat nnioh na, "A mwan nder ghi duk peh ndhi ghi nphe yaa dih." 58 Jesu sat nnih na, "baghal ɗwam mu khi fung fut, shin yer khiting mu khi lih fut, dang bhi Laa gurum nih khi peh ndhi khi ɗen kaa nih dih ma. 59 Bhi sat ngwo nkwa, "Ghi mwan nder nih." Bhi sta na, "Nda, yit nnan a mwan a wum nda nih dang si." 60 Bhi sat nnih na, "Yit nkum mu wam kum fut mu dih. Dang bhi wu ghi, ghi mwan khi bhilip wuret khi Naan shipe-shipe." 61 Bhi meh gwo wu dhik na, "A mwan nder ghi Nda, bhi dang deshe dih bhi yit nnaan a sat dangpmupka'at niyen khipang fhin mu dang." 62 Jesu lap nnih, "Meh gwo ndhi kat yaa shan mar nsar nih deh shin naa-peh ndangkong bhi mak ndhi khi naa tingNaan ma."