1 Taa lee khi dangkong ndhi Jesu doghom mwan yaa khi mu dik-dik, nih phi sat bhilip Naan yaghal ling lep bhilip Naan wuret nphe khitingNaan. Nyen shiit Naan wu sar po vhil si mu a wu khime khini, 2 khi pak meh shorop mu ndhi taghat riin wubis khi gok nshi-shik mu: Maryamu ndhi mu phi yong nih a Makdalin, ndhi mu shen riin wu bis mu pokovhil shin pwat nshi-shik muk; 3 khi Yuwana, mat Kuza, ngu yaa-peh khi Hirudus; khi Suzanatu; khi nkwa mu bwer, ndhi mu, nbut bih ndhi mu khi nih, bhi mu shin bih ndhi wen mu. 5 "Meh ngu mar mwan nphe kop sherem fhi ni. Ndhi nih phi kop-kop fe, pak shirem sih fe fuu phi kon khi yar bhi gurum mu tarang khi kwak, yaghal yer mu dighin mu. 6 Pak shirem sih fe fuu khi kaa pang, bhi ndhi bes beh, bhi fii, nphe ndhi kat am ma. 9 Nyen shiit khi muk mu tal bhi ndhi bi-mam fe nih phe kam fe. 10 Sat na, "Man khi bih ndhi a wu biya nmhi khitingnaan mu shin ngun, dang bhi nphe gokshi mu bhi an phi sat bhilip a bi-mam, npeh dhi 'naa-peh bhi mu khi naa ma, yaghal nkhiling peh bhi pak bhi mu khi man warhii ma.' 11 Khiɗetsi, ndhisi a phishii bi-mam fe: ih-sih fe a bhilip Naan. 12 Ih-sih ndhi mu fuu khiyar a nyen ndhi mu khiling, dang bhi duk khi ndhi asi bhi shaarfom wul mang bhilipnaan fe shin baa nbut nook mu, yak mu khi nshinzeen yaghal mu kat bar/bhirip. 13 Ndhi mu fuu khi kaa pang a nyen, ndhi mu khiling bhilip Naan, bhi mu lap nih khi retyit. dang bhi mu wen nnot tsen; mu shin zeen a lee zak det, yaghal par ndhi mu kam tughur mu bhi mu pwalap khiyar. 14 Ih-sih ndhi mu fuu khinaar irr a nyen ndhi mu khiling bhilip fe, dang bhi ndhi mu phi mwan khi yarkaam fut, bhi leng bih-khiyil khi bhilong khi shang-peh khiyil dwat mu, yaghal kaa-sih fe mu nyang nwang. 15 Dang bhi ih-sih ndhi mu fuu khi ka yil wuret, a mu fe, ndhi mu khiling bhilip fe khi zeen khi bhizung wuret, bhi mu yaa a wuret ndhi mak nmu mu beh sherem nbut moghor. 16 Khiɗetsi, meh gwo di ma, ndhi kat bwot wus nmbih naa-peh, bhi oghot kaa fe khi jang ma bhi den nih nbhider gwan/biin peh-ter. Kat asi, bhi khi den nih a khiting, nphe deh ngurum mu duk-duk kat mu rho bhi mu naa wus fe dih. 17 Nphe ndhi meh bih dih ma ndhi a wu-sisok ndhi khi wen nnot man, kot shin meh bih dih ma ndhi a wu-sisok ndhi mu khi wo bhider fe ma shin put khi bang ma. 18 Nphe ndhi asi gu ling kom gu daghat/a wuret, nphe ndhi gwo ndhi nih khi bih, mu khi shin wukwa nnih, dang bhi gwo ndhi wen nnot nbih, bhi nlaa-nih ndhi mang khipe ndhi jin khi nih si bhi mu khi baam nsar muk." 19 Bhi yaghal nighin muk khi emnighin muk mu mu ji nder muk, dang bhi mu kat ji kus khi nih ma nphe ɗu gurum ndhi mu dih. 20 Mu sat nnih, "Nighin ghi khi emnighin ghi mu khi dyam khibang, mu phi ɗem naa ghi." 21 Bhi Jesu yaghal lap phi mu na, "Nighin nih khi emnighin ni mu a nyen ndhi mu khiling bhilip Naan bhi mu shin shiit khi nih." 22 Yaghal par meh biit bhi rhii nbut shii khi nyen shiit fhinin mu, yaghal sat nmu, "Mu thikka khitighin nkwang ndhisi nmhi kong fe." Mu tung shii fe shin ɗel. 23 Dang bhi ndhi mu phi ɗel bhi taa nsaam. Koghom wu bis ɗel khi kaa kong fe, bhi am doghom gam shii khi mu, yaghal bih doghom bis khi mu. 24 Bhi nyen shiit khi Jesu mu mu mwan nder muk yaghal mu mii nih nsaam, bhi mu sat nnih, "Nda! Nda! Yaksi mu ɗwam!" Jesu mii nsaam bhi byal koghom fe khi am ndhi nih phi fyal fe, bhi mu dar git, bhi peh sam lighim. 25 Bhi sat nmu, "Gu ɗen shinzeen fuk a neh?" bhi mu lwagwat. Ndhi mu phi lwaghat bhi mu phi ap-poo duk, yaghal mu tal phi shak, "Bhi kan a we si ye, ndhi khi sat bhilip khi bal nkoghom khi am mu duk, bhi mu khiling nnih eh?" 26 Mu tung shii fe shin ya khi yil Garasinawa (Gerasenes), ndhi khi tighin kat ghi taa kong Galili. 27 Ndhi Jesu ten kwak nin khi yil fe,bhi ka'at khi meh gwo shi khi yil fe ndhi nih khi riin wubis nshishin. Shin la teer vhil ndhi nih phi rughun lee ma, yaghal nih phi teer nlih ma dang bhi a khisher mu. 28 Nhdi naa Jesu, bhi bwot orr yaghal put'taa ntighim muk bhi kaa khi dighil nin na, "Ame ndhi ghi npeh shin khi an eh, Jesu, Laa Nda Naan ndhi Khiting? A dang shi phi-ghi, ghi nok tung an si." 29 Nphe Jesu shen riin wubis fe shin put nshishik gwo fe. Yit bwer bhi bih fe phi dres nih, nphe ndhi ma khi ndhi mu bwaghat nih khi ngwaghar shaghal khi bih wu bal mu yaghal mu den gurum mu phi naa nih, bhi ghirip ngwaghar shaghal fe yaghal riin wubis fe mu khi mang nih taa nbut ɗem. 30 Bhi jesu tal phimuk, "Sim ghi a we eh?" bhi yaghal lap na, "Tuli (legion)'" sar ndhi riin wubis mu bwer mu rho nshishik muk. 31 Mu wet phi dwak phi Jesu deh nnih nok shen dun shin waya nfung sing-sing si dih. 32 Dih bhi alede mu bwer mu phi si-sih shi but pang. Riin wubis fe mu dwak nih (Jesu) deh ndun du rho nshishik alede fe mu dih, bhi shin-peh nmu. 33 Bhi riin wubis fe mu pwat nshishik gwo fe mu rho shishik alede fe mu, bhi alede fe mu duk-duk mu sho simdik khipeh sam mu wakya nkong bhi am mang mu. 34 Ndhi nyen ndhi mu tap alede fe mu naa bih ndhi taa, bhi mu sho del yaghal mu rho mu sat bih ndhi taa khi yil wuyon fe khi jep yil wu dyen mu. 35 Yaghal gurum mu pwat nphe naa pak bih ndhi taa, bhi mu ji kat Jesu yaghal mu kat gwo ndhi riin wubis mu pwat shishik muk. Mu kat nih khi tong ntighim Jesu, khi leeh a wu rwan nshin shin nih nbut nook nin wuret; bhi lughut tyo mu. 36 Bhi nyen ndhi mu naa bih ndhi taa fe mu sat shi ndhi gwo fe dok a riin wubis mu phi shin khi nih ba kat kagham. 37 Bhi duk-duk gurum khi yil Garasinawa mu sat nJesu yit yil fut dih, nphe ndhi lughut makaa mu. Bhi rhii nbut shii deh nmu mu viling yok dih. 38 Gwo ndhi riin wubis fe mu pwat nshishik muk dang phi Jesu deh njin ji mwan nder muk, dang bhi Jesu shen nih shin ba, sina, 39 " Ghi waya khipang lihghi yaghal ghi sat bih ndhi Naan shin nghi duk-duk." Gwo fe taa khiyar wa fhini, nih phi nin plang Naan shipehshipeh nphe bih ndhi Jesu shin njin. 40 Ndhi Jesu wawul, bhi ɗu gurum mu khaat nih, nphe ndhi mu duk-duk mu phi lang yit nphe wawul khimuk. 41 Dih nphesi bhi meh gwo shi ndhi sim muk a Yayirus, ndhi nih a nmeh khinaar nyen nan ndhi mu nlihnaan, ji put'taa khi shi Jesu, yaghal dang phimuk deh nnih ji khipang fhini dih, 42 nphe ndhi larep muk ndhi a nih khime det, ndhi nih khi yii sar po vhil, nih npeh muut. Ndhi Jesu nih khiyar ji, bhi ɗu gurum mu gam nkaa muk. 43 Bhi khinaar gurum fe mu bhi meh mat ndhi tighim phi ɗel nnih nphe yii sar po vhil shin t'hi shaghal fhit duk-duk, bhi kat gwo ndhi khi lat khi shuwal fhit ma. 44 Mwan ndangkong Jesu yaghal bhim phikaa lee khimuk, bhi dih wai bhi tighim ndhi phi ɗel nnih dar. 45 Jesu sat na, "A we bhim an eh?" Ndhi gurum mu duk-duk mu shi, bhi Pita (Bitrus) na, " Nda mu, ɗu gurum mu gam neer ghi shin mu phi tuss ghi." 46 Dang bhi Jesu sat na, "Meh gwo bhim an, nphe ndhi a man ndhi baal nmhi Naan put nshisan." 47 Ndhi mat fe naa ndhi mu khi man dih, bhi ji nih phi ɗam yaghal pal ntighim muk (Jesu). Bhi sat nnaar gurum mu duk-duk bih ndhi lhi deh dhi bhim nih dih, yaghal khi ndhi dhi kat shuwal fhit lat lala. 48 Bhi Jesu sat nnih, "Larep, shinzeen fhi lat khi shuwal fhi. Yi mwan shaghap." 49 Ndhi kudi phi lap bhilip, bhi meh gwo ndhi tong nlih gwo wuyon nmhi lihNaan ji wul, nih sat na, "Larep ghi muut. Ghi nok lhi wula/jel ngu kam-kam fe si." 50 Ndhi Jesu khiling bhisi, bhi lap phi Yayiru (Jairus), "Ghi nok lughut si; ghi shin a zeen det, bhi shuwal khimuk khi kat lat." 51 Ndhi mwan kam dih khipang fe, bhi yit ndhi meh gwo khi ɗel nder nih ma kat ba a Pita (Bitrus) khi Jon (Yahaya) khi Jamis (Yakubu) khi nda larep fe yaghal nighin larep fe det ma. 52 Duk-duk khi mu phi wal wal muut larep fe, dang bhi Jesu sat na, "Gu nok err; larep fe muut ma nih a phi saam det." 53 Bhi mu shuwar nih, nsar ndhi mu man ndhi muut gwe." 54 Bhi yaghal Jesu mang nih shi sar yaghal yong-peh, na, "Larep, yi yaghal!" 55 Bhi riin muk wawul, bhi yaghal khiting dih nphe-si. Jesu sat nmu mu kat sih nnih lala. 56 Nda khi nighin larep fe mu app-poo, dang bhi Jesu sat mu na tap nyo khi bhilip bih ndhi taa meh gwo ma.