1 Bhi khidangkong bihsi mu, bhi Nda Naan pwan gurum mu yakgurum kun khi sar wu kwa mu, yaghal lep mu vhil-vhil ntighim nih khi yil mu duk-duk ndhi nih khi kashin nphe mwan ya dih. 2 sat mu na, "Diip bwer, dang bhi nyen shiit fe mu nlani/mu kat. Nphe dhi asi gu dang phi Nda Naan ngu diip deh nnih lep khi nyen shiit diip fin mu dih. 3 Gu mwan khi yar nmuk. Gu naa, a lep gun a khipeh t'him mu nnaar lhishim mu si. 4 Gu nok pan ɗam shaghal si, nok mang ɗam mwan si, nnot koghop, yaghal gu nok tal meh gwo khi yar si. 5 Meh lih ndhi gu rho dih bhi gu lhi, 'Mangye tongshaghap a wukhime khi lih si!' 6 Kat meh ngu tongshghap dih, bhi tonghsaghap fe khi khi sam nkaa muk, kat a si ma, bhi khi ba ndergu. 7 Gu tong dih nlih wuni fe, phi sih khi shu duk-duk bih ndhi mu shin ngun, nphe ndhi ngu shiit khi phishi/kwat fi nih. Gu nok mwan rho shi lih-shi lih si. 8 Meh yil ndhi gu rho dih, deh mu lap gun, bhi gu sih meh bih ndhi mu shin ngun, 9 yaghal gu lat khi shuwal nyen gok mu ndhi mu dih. Gu sat mu, 'Wuret khi Naan wulkus khi gun.' 10 Kat gu ya khime yil deh mu lap gun ma, bhi gu pwat khi naar yil khimu gu sina, 11 'A bwor yil fuk ndhi kwak mu bhi mu bwap buk mu yit ngun! Dang bhi gu man bihsi: wul khi tingNaan wulkus.' 12 A sat ngun par diyel khi Naan bhi kot wak yil Sodoma khi yil wuni fe. 13 Rap ngun, Chorazin! Rap ngun, Bethsaida! Katye daskagham shiit ndhi mu shin nphe gu si ye a khi yil Tyre khi Sidon, mangkat khipe gyet mu t'hiwap dih mu tong khi gok leeh mu nbut fwat. 14 Dang bhi Tyre mu khi Sidon nphe kat najel met ngun par puus diyel. 15 Yi, Capernaum, yhi phi leng yi lhi yi kaa khitingnaan ah? Hai, yi sam bih yi waya a nwus. 16 Gwo ndhi khiling ngun bhi khiling a n'an, yaghal gwo ndhi niyang gun bhi niyang a an, yaghal gwo ndhi niyang an bhi niyang a gwo ndhi lep an." 17 Yakgurum kun khi sar fe mu wakwul khi retyit, mu na, "Nda, riin wubis mu duk mu lwaghat nsar mu dighin sim ghi." 18 Jesu sat nmu, "A naa sharfom pit'tah khitingnaan khibih peh-milap si. 19 Guna, a shin bal ngun nphe tereng nwoo mu, khi daghar mu, khi bal khi kaa sharfom, shin membih mak bhim gun ma. 20 Khi ndhi asi, tap yak gu kat retyit nphe wuni det ma, ndhi riin mu kurum ngun, gu shin retyit nphe ndhi gu kat met asi nphe ndhi mu ran sim gu khitingnaan." 21 Dih nteer wuni fe bhi khiling khi shang a lhi-le ma ndighin Riin Wubang, bhi sat na, "A plang ghi, Nda Naan nmhi khitingnaan khi yil, nphe ndhi ghi sok bih si mu nsar niyen niyen wuseen mu khi niyen man mu, bhi ghi woh niyen ndhi mu kam ma, khipe jep wu diyen mu si. Asi, Nda, nphe ndhi a bih retyit nder ghi." 22 "Nda nih lhi bih mu duk-duk khi sar nih, meh gwo dih ndhi man kot Laa fe awe oh kat ba a Nda fe ma, shin meh gwo man Nda fe ma kat ba a Laa fe ma khi niyen ndi pwan mu deh nnih woh nmu dih." 23 Bhi viling nder shaar shiit fin mu yghal sat nmu mbiya, "Wuret khi Naan a wukhime khi niyen ndhi mu naa bih ndhi gun gu naa. 24 A sat ngun, niyen jagham mu/niyen naa peh khi kaa mu bwer khi long mu sha naa bih ndhi gun gu naa, bhi mu naa mu ma, yaghal nphe khiling bih ndhi gu khiling, bhi mu khiling ma." 25 Dih bhi, meh ngu kam nmhi waar Yahudawa mu yaghal khiting deh nnih kam nih, sat na, "Ngu kam, a shin a me deh an a kat se'en tai-tai dih ye?" 26 Jesu sat nnih, "Mu ran a meh nbut waar eh? Ghi phi tang nih a nang ye?" 27 Bhi lap nnih na, "Ghi dem Nda Naan khi bhizung ghi duk-duk, khi se'en ghi khiding, khi bal fhik duk-duk, khi leng fhik khiding, yaghal ghi dem ting-lih fhik khibih ka-sak si." 28 Jesu sat nnih, "Ghi piring a wuret. Ghi shin asi, bhi ghi kat se'en." 29 Bhi ngu kam fe, nphe deh nnih kam nih dih, bhi tal phi Jesu, "A we a tinglih fhin ye?" 30 Jesu piring nnih na, "Meh gurum yaghal nJerusalem nphe yaa nJericho. Taa nsar wat mu, mu dwan jep bih ndhi nih khi nih, shin mu bwap nih, yaghal mu yit nih khinaar bar khi muut. 31 Leeh bhi meh ngu shiit Naan del yar wuni fe, bhi ndhi naa nih, bhi del mang yar wu dhik. 32 Shin asi, meh ngu shiit meh Levite (ngu shiit Naan) duk, ndhi ji khipeh fe deh naa nih, bhi mang yar wu dhik. 33 Dang bhi meh mhizep (Samaritan), ndhi nih nmwan, ji khi peh ndhi nih dih. Ndhi naa nih, bhi najel khi muk. 34 Ji kus khi nih yaghal bwaghat gokla nnih, dhik mor khi en khi kaa fe. Mang nih khika bhizing fin, bhi mwan khi nih nlih'en yaghal naa nih a wuret. 35 Dar biit bang bhi shwat kabo vhil, bhi shin ngu lih fe, bhi sat nnih, 'Ghi naa nih a wuret shin kat ghi thi meh shaghal wu kwa, kat a wawul bhi, bhi a kwat ghi.' 36 Khinaar nyen mu kun si, leng fhik, bhi a we a tinglih nder gwo ndhi taa nsar wat si mu ye?" 37 Ngu kam fe na, "Gwo ndhi najel muk si." Jesu sat nnih, "Ghi mwan ghi shin a si duk." 38 Ndhi mu phi del mwan, bhi mu rho khi meh yil, bhi met mat ndhi sim muk a Marta kaat nih shin ji lih-dih. 39 Nih khi meh emnighin ndhi sim muk a Maryamu (Mary), ndhi tong ntighim Nda Jesu phi khiling bhilip khi muk. 40 Shiit mang en Marta ndhi phi shet sih. Waji nder Jesu, na, "Nda, a nang ghi nok khithik emnighin nih tong nder ghi yit an phi shiit meh-san ye? Nphe ndhi a si ghi sat nnih baam an." 41 Bhi Jesu piring nnih na, "Marta, yi khi righit khi bih mu bwer, 42 dang bhi a bih khime det ndhi khi phishi. Maryamu (Mary) mang bih ndhi a wuret ma, ndhi mu khi mak dwan fe nsar muk ma."