Ep fe 6

1 A par biit wu pokovol/Sati bhi Jesu nih phi mwan khi nnaar mar sih bhi jep baam nih nshiit khimuk mu phi tihling kaa sih, mu phi kus fe khi sar du, yaghal mu phi ar fe. 2 Bhi pak Farisiyawa fe mu na, "A meh lhi deh gun phi shin bih ndhi waar dang shin par Sati/biit wu pokovol dang ye? 3 Yaghal Jesu lap nmu na, "Gu sham tang bih ndhi Dauda shin ndhi neen laa nnih ma, nih khi gurum ndhi mu nder muk ma a? 4 Nih del nlih Naa, bhi mang brodi/nmorong ndhi mu phi den bhi sih pak, yaghal shin pak nyen ndhi mu nder nin nphe sih, dang bhi waar den a ndhi a nyeen shiit Naan mu det mu khi si." 5 Bhi sat nmu, "La gurum a nih a nNda nmhi biit wu pokovol/Sati" 6 Bhi dih par biit wu pokovol/Sati nkwa bhi mwan yaa nlihNaan bhi kam-kam ngurum ndhi mu dih. Bhi meh gwo shi dih ndhi sar muk a wu mu-muut. 7 Nyen ran khi Farisiyawa mu phi ak nih nyak deh nmu naa kot khi lhi ngu gok fe kat kagham par biit wu pokovol/Sati o, deh nmu kat meh goghol ndhi mu khi yaa nih khi diyel dih. 8 Dang bhi Jesu man bih ndhi mu fe bhi sat ngwo ndhi sar muk a wu mu-muut fe, "Ghi yaghal khiting ghi dar si khinaar gurum mu khiding." Gwo fe yaghal bhi dar dih. 9 Jesu sat nmu na, "A tal phi gu, a nbut waar npe shin wuret ah kot a wubis par biit wu pokovol/Sati eh, nphe bar seen ah kot ghi dughun nih eh?" 10 Ndhi yaghal naa mu shighirkaat bhi sat ngwo fe na, "ghi dhil sar ghi shin-put." Gwo fe shin a si, bhi sar muk kat kagham. 11 Bhi tughurnung yak mu yaghal mu sat bhis bhilip nshak nkaa bih ndhi mu nphe shin nJesu. 12 Mang biit nkwa bhi mwan yaa npang nphe dangNaan. Wet phi dang Naan teer lipar ji biit bang. 13 Ndhi biit bang, bhi yong peh shaar shiit fin mu shin ji nder nin, yaghal kok gurum sar po vhil khinaar mu, ndhi yong mu a nyen shiit Nan mu. 14 Sim nyen shiit khimuk fe mu a Simon (ndhi shin lhi sim nnih a Bitrus) yaghal emnighin muk Andarawus, khi Jamis, Jon (Yahaya), Filibus, Bartalamawus, 15 khi Matiyu, khi Toma, khi Jamis laa Halfa, khi Simon ndhi mu phi yong nih a Zaloti, 16 khi Yahuza laa Jamis, yaghal Yahuza Iskariyoti, ndhi ba viling/shighir dangkong nnih. 17 Bhi Jesu tong sam npang fe khi mu bhi dar khisal nyil khi ɗu gurum ndhi a shaar shiit khimuk mu yaghal gurum mu bwer ndhi mu tong a nJudiya khi Urushalima khi yil Taya khi Sidon ndhi kus phi kong wuyon. 18 Mu wul a nphe khiling nih yaghal deh nmu kat kagham nkaa shuwal fut dih. Nyen ndhi riin wubis phi dampeh nmu mu kat kagham duk. 19 Duk-duk khimu nbut ɗu gurum fe mu daar deh ndun bhim nih nphe ndhi baal nmhi lat khi shuwal phi put nshik muk, bhi yaghal lat khi shuwal khi mu duk-duk. 20 Bhi naa nyen mwan nder hin, bi na, "Wuret khi Naan a muk gun ndhi a nyen shor, nphe ndhi tingNaan a muk. 21 Wuret khi Naan a muk gun ndhi khi neen khidetsi, nphe ndhi gun nphe kat eghil. Wuret khi Naan a muk gun ndhi phi er khidetsi, nphe ndhi gun nphe nshwar. 22 Wuret khi Naan a muk kat gurum mu nyang yit gu yaghal mu shin bunyit ngun shin mu fhilip gun, nphe La khi Gurum. 23 Gu shin retyit par biit wuni fe yaghal gu gos napaar nphe retyit, nphe ndhi a tiit deh ngun gu kat wuret khitingnaan dih, nphe ndhi bhikam khi mu gyet mu shin khi nyen jagham mu a si duk. 24 Dang bhi bis ngun gun nyen bihlong mu, npeh ndhi gu kat petong fuk wuret gwe. 25 Bis ngun ndhi gu aghal khidetsi, nphe ndhi gun npeh shu neen khi dangkong. Bis ngun ndhi gun phi shwar khidetsi, nphe ndhi gun npeh jel yaghal gu er khi dangkong. 26 Khi bis khi gun, kat gurum mu duk-duk mu saam gun, nphe ndhi bhikam-bhikam khi mu gyet mu shin khi nyen jagham ndhi a nyen koss dung mu a si. 27 Dang bhi an peh sat ngun ndhi gun phi khiling an, gu dem shaarfom fuk mu yaghal gun shin wuret nnyen ndhi mu nyang gun. 28 Gu sha wuret nnyen ndhi mu lang po ngun yaghal gu dangphinaan npeh nyen ndhi mu shin wubis ngun. 29 Npeh gwo ndhi nung/shit ghi nkwang ghin khime, bhi ghi viling kwang kwa fe ghi shin nnih. Kat meh gwo dwan leh kut fhik, tap ghi nhim nih nleh rughun fhik wu kun ma duk. 30 Meh gurum ndhi dang-bih nder ghi bhi ghi shin nnih. Kat meh gwo mang meh bih fhik, tap ghi sat nnih deh nnih shin bhik nghi dih ma. 31 Khipe ndhi ghi phi dem ngurum mu shin nghi, bhi ghi shin nmu a si zak. 32 Kat ghi phi dem a gurum ndhi mu phi dem ghi zak det, bhi nih nphe shin a meh nghi eh? Nphe ndhi nyen shikbis mu duk phi dem nyen ndhi mu phi dem dun duk. 33 Kat ghi shin ret a nnyen ndhi mu shin ret nghi det, bhi nih nphe shin a meh nghi eh? Nphe ndhi nyen shikbis mu phi shin a si duk. 34 Kat ghi shin ka'at a nyen ndhi ghi phi dem nmu kwat bhik nghi det, bhi nih npeh shin a meh nghi eh? Nyen shikbis mu phi hin ka'at nyen shikbis mu duk, deh nmu mu bwak khi bih mu nmu dih. 35 Dang bhi ghi dem nyen ndhi mu nyang yit ghi yaghal ghi shinret nmu. Ghi shin ka'at khi nook ndhi mu khi kwat ghi ma nphe ndhi wuret fhik khi kot bwer yaghal gu kot a jep Nda ndhi Khiting, nphe ndhi nih duk a ngu shinret nder nyen ndhi mu man plang ma khi nyen wubis mu. 36 Gu najel, khipe ndhi Nda mu phi najel si. 37 Tap ghi naa bis khi gurum ma, bhi mu khi naa bis fhik ma. Tap bhi ghi naa gurum khi wubis ma, bhi ghi duk mu khi naa ghi khi wubis ma. Khi kon khi nih ngurum, yaghal mu khi kon khi nih nghi. 38 Ghi shin zughum, bhi ghi duk mu khi shin zughum nghi. Zughum bwer - ndhi mak'peh, khipe lang ma shin nkaa-nka - nih npeh shin waji nghi. Nphe ndhi bih ndhi ghi kam-peh khini, a nih ndhi mu nphe kam peh khini nghi." 39 Yaghal shin sat bih-mam nmu. "Gwo wu vughum mak ndhi khi kam yar nwuvughum wu kwa a? Kat shin a si, duk-duk khi mu vhil mu khi pwatdik ntughul, kot a si ma eh? 40 Laa kam khi met ngu kam-kam fe ma, dang bhi duk-duk gwo ndhi kat lat kam fhini bhi khi tong a khipe ngu kam-kam fhini si. 41 A meh lhi deh ghi phi naa laa goghot koghom ndhi nih as-yit emnighin ghi, bhi ghi man ndhi ghi khi shep ndhi nih n'as-yit mak ma eh? 42 Shin a nang deh ghi sat n'emnighin ghi, 'Emnaa, ghi yit n'an a mang laa goghot koghom ndhi as-yit ghi,' ndhi ghi shi ka-sak ghi naa shep ndhi as-yit ghi ma eh? Ghi da taanaan! Ghi she mang shep ndhi as-yit ghi dang, bhi yaghal ghi naa peh a wuret nphe mang laa goghot koghom ndhi as-yit emnighin ghi. 43 Nphe ndhi t'hing wuret khi laa-la wu wam ma, kot meh t'hing wu wam ndhi khi laa-la wuret ma. 44 Nphe ndhi mu khi man t'hing a nbut nkaan laa khimuk. Nphe ndhi gurum mu khi tal la-koon nbut t'hing irr ma, kot laa 'thing wurok nbut dem ndhi khi irr ma. 45 Gwo wuret nbut nook bhizung muk wuret khi shin wuret, yaghal gwo wubis nbut nook bhizung muk wubis khi shin wubis. Nphe ndhi a nbut bih ndhi khi dar nook muk a bih ndhi khi bhilip shi phi nin. 46 A meh lhi deh gun phi yong an a 'NdaNaan, NdaNaan,' bhi gun shin bih ndhi a sat ma eh? 47 Duk meh gurum ndhi ji nder nih yaghal khiling bhilip fhin yaghal shin bih ndhi a sat, bih a sat yet ndhi en gwo fe dih. 48 Nih a khipe gwo ndhi phi dhik lih, bhi ok peh fe jong-jong shin sam nyil bhi yaghal bwot kurr lih fe khi del nighin pang. Ndhi am put gam-peh, deh bal am bwap lih fe, bhi tung nih ma, nphe ndhi mu dhik lih fe a wuret. 49 Dang bhi gwo ndhi khiling bhilip fhin bhi nyang shin bih ndhi a sat, bhi nih deh a khi peh gwo ndhi dhik lih khi kaa yil nnot bwot kur. Ndhi bal am del shit lih fe si, bhi lih fe righip khi bih mang nbut fe ma/kwet-kwet."