1 Nbut yii wu sar po paat ndhi Tiberius Caesar nih nkop-yaghal Pontius Pilate a nhi a long khi yil Judiya, bhi Herod a long wuyon mhi yil mu fer khi yil Galilee, bhi shin emnighin muk Filibus asi duk nkwang yil Ituraea khi Trachonitis, yaghal Lysanias nhi duk a long yil wu nan mu fer khi yil Abilene, 2 wuni fe ɓhi a nteer nyen shiit Naan ndhi sim mu a Annas khi Caiaphas-bhi Nda Naan lap bhilip khi Jon la Zakariya ndhi nhi nbut nnaar nɗem. 3 Bhi mwan khi yil fe mu duk-duk ndhi mu neer yil Jordan, nhi phi sat bhilipnaan nmu baptisma mhi tihwap nphe kon en shikbis. 4 Khi phe ndhi mu ran nvilipnaan nbut dighil khi Ishaya, ngu jagham khi Naan, "Meh dighil meh gwo phi yong peh nbut ɗem sina, 'Gu ɗak yaar Nda Naan, gu ɗak yaar khi muk nnot khi ngon. 5 Duk-duk yil ndhi ntughul nphe gam nhi, yaghal pang mu khi dighir mu nphe sam leh, yaghal yarkaam ndhi nkan/wu grong bih mu nphe dak mu ndari, yaghal peh ndhi mu nkyet ma mu nphe dhig dak yarkaam dhi, 6 yaghal duk-duk nan khi gurum mu nphe naa bar khi Naan." 7 Asi bhi Jon sat nɗu gurum ndhi mu phi ji nphe baptisma nder muk sina, "Gun jep zem mu! A weh kar gun ngun gu sho nsar wubis ndhi nhi nphe ntaa eh? 8 Nphe dhi asi, gu pwat khi jep mu ndhi mu mak tang tahkat fut, yaghal gu nok sat kasuk sina, "Mun khi Ibrahim ndhi nhi a nda mu,' nphe dhi a sat ngun ndhi Naan mak yaghil khi jep npeh Ibrahim nbut pang dhi mu si. 9 Khidetsi sep fe mu dak nhi nphe gap sen ting gwe. Nphe dhi asi meh ting dhi khi la-la wuret ma bhi mu gap nhi shin ba yaghal mu kon nbut wus." 10 Yaghal ɗu gurum fe mu wet phi tal shi phimuk, sina, "Mun nphe shin a meh?" 11 Bhi lap nmu na, "Kat meh gwo nhi khi leh lep mu vol, bhi shin nmeh meh gurum dih wen nnot ni, yaghal gwo ndhi ni khi mhun/gwom bhi shin asi duk." 12 Nyen lap wap mu ji nphe baptisma duk, yaghal mu sat nhi muna, "Ngu kam, mun nphe shin a meh?" 13 Yaghal lap nmu, "Gu nok lap shaghal met ndhi mu na gu lap si." 14 Pak kinshong mu tal phi muk duk sina, "Deh mun eh? Mun nphe shin a meh?" Sat mu na, "Gu nok lap shaghal nder gurum mu nka bal si, yaghal gu nok shin biss meh gwo shi dung si. Gu moghor khi shaghal shiit fuk ndhi mu phi kwat gun." 15 Khidetsi ndhi gurum mu phi lang yit nphe wul khi Kristi, gurum mu phi den bhizung nkaa Jon, ndhi kot a nhi a Kristi fe o. 16 Jon lap mu sina, "Wan man, a shin baptisma a khi am, dang bhi meh gwo nhi nwul ndhi nhi met an nbal, a mak deh an a shang koghop khi muk ma dhi. Nhi nphe shin baptisma ngun khi Riin khi Naan yaghal wus. 17 Nhi khi khitet nsar nhi nphe fii peh dhe nhi kwum lar nphe shang i'si wuret phe den nbut mei fin dhi. Yaghal khi shan koghom fe khi wus dhi tai-tai." 18 Khi khisher kar mu ndhi shin nmu duk, Jon sat bhilip Naan wuret nnyen fe mu. 19 Ndhi Herod, long wuyon nka yil fer ndhi mu filip nhi nphe lap Herodias mat emnighin nin, khi gokshi shik biss ndhi shin, 20 bhi shin lang wuka nkaa fe, yaa Jon bal nlihkwo. 21 Yaghal shin dhi bhi, ndhi mu shin baptisma gurum fe mu khiding, bhi mu shin baptisma Jesu duk, bhi dhi nhi phi dangphinaan, bhi tingnaan ep, 22 yaghal Riin khi Naan sam khipe gurum si khi ka muk khipe bul si, yaghal meh dighil tong khi ting sam na, "Ghi a la nih, ndhi an phe dem fe si. Bhizung nih pya khi ghi." 23 Ndhi Jesu yaa shiit bhilip Naan finin, bhi wulkus khi yii yagurum khi sar. Nhi a la (khipe ndhi mu dye si) mhi Yusufu, la khi Heli, 24 la khi Matthat, la khi Levi, la khi Melchi, la khi Jannai, la khi Yusufu. 25 Yusufu gyet nhi a la khi Mattathias, la khi Amos, la khi Nahum, la khi Esli, la khi Naggai, 26 la khi Maath, la khi Mattathias, la khi Semein, la khi Josech, la khi Joda. 27 Joda gyet nhi a la khi Joana, la khi Rhesa, la khi Zerubbabel, la khi Salathiel, la khi Neri, 28 la khi Melchi, la khi Addi, la khi Cosam, la khi Elmadam, la khi Er, 29 la khi Joshua, la khi Eliezer, la khi Jorim, la khi Matthat, la khi Levi. 30 Levi gyet nhi a la Simeon, la khi Judah, la Yusufu, la khi Jonam, la Eliakim, 31 la khi Melea, la Menna, la khi Mattatha, la khi Nathan, la Davit, 32 la khi Jesse, la khi Obed, la Boaz, la khi Salmon, la Nahshon. 33 Nahson gyet a la Amminadab, la khi Admin, la Arni, la Hezron, la Perez, la khi Judah, 34 la khi Jacob,la Isaac, la khi Ibrahim, la Terah, la khi Nahor, 35 la khi Serug, la Reu, la Peleg, la khi Eber, la Shelah. 36 Shelah gyet a la Cainan, la Arphaxad, la khi Shem, la Nuhu, la khi Lamech, 37 la Methuselah, la khi Enoch, la khi Jared, la khi Mahalaleel, la khi Cainan, 38 la khi Enos, la khi Seth, la khi Adamu, la Nda Naan.