1 Jesu rii yaghal nih phi del nnaar Jeriko. 2 Dih bhi, meh gurum dih ndhi mu phi yong nih a Zakiyos. Nih a ngu til shaghal wap wuyon shin nih a ngu bihlong. 3 Nih phi daar ndhe nnih naa kot Jesu a weh oh, bhi kat naa nih ma nphe du gurum mu, nphe ndhi nih a gurum wu khip. 4 Bhi si la-la del tihim gurum fe mu bhi yaghal kaah tihng tuas/dhishim nphe naa nih, nphe ndhi Jesu wulkus nphe del yar wuni fe. 5 Ndhi Jesu bji khipe fe, naa peh shing kaa khiting yaghal sat nnih na, "Zakiyos, ghi samtaa lala, nphe ndhi shini an nphe tong lih ghi." 6 A si bhi samtaa berber/lala yaghal khaat nih khi retyit. 7 Ndhi gurum mu duk-duk mu naa bih si, bhi mu gwakshik, muna, "Rii nphe tal gwo ndhi a ngu shikbis." 8 Zakiyos yaghal dar sat Nda Jesu na, "Ghi naa, Nda, a gap khinaar bihlong fin a shin bot fe nniyen wu piya mu, yaghal kat a voghop meh gwo khi del meh bih bhi a kwat shaghal fe yit fer." 9 Jesu sat nnih na, "Shini bar wul ndighinlih si, nphe ndhi nih duk a la Abraham. 10 Nphe ndhi La Gurum wul a nphe bong yaghal bar kha gurum ndhi mu lighim." 11 Ndhi mu khiling bih si mu, bhi deltighim khi sat sim bhilip nmu, nphe ndhi wulkus khi Ureshelima, yaghal mu mut mu leng muna kot khitingnaan wulkus nphe taa gwe berber/lala. 12 Bhi sat nphe ndhi asi nna, "Meh gurum ndhi a baga gwo wuyon mwan ya khi meh yil jong-jong deh nnih lap long khi peh fe yaghal bhin wawul dih. 13 Yong jep shiit/lep fin mu sar, yaghal shin nini sar nmu, bhi sat nmu na, 'Gu shin glong khi nih dangshe a wawul dih.' 14 Dang bhi niyen yil khi muk mu phi dem nih ma yaghal mu lep khi gurum mu khi der muk, mu na, 'Mun phi dem deh ngwo si tong a long nkaa mu ma.' 15 Bhi taa ndhi ba wawul, khi dangkong ndhi lap long yil fe, bhi lhi nmu yong jep shiit/lep fe mu ndhi dok shin shaghal nmu, deh nnih man langka ndhi kha khidel glong fe dih. 16 Wu sheshe waji ntighim muk, na, 'Nda, a kat langka nini sar khi del nini sar fik ndhi ghi shin an.' 17 Gwo wuyon fe sat nnih na, 'Ho nghi, kwerem/ngu shiit wuret. Nphe ndhi ghi shin en wuret khi bih wu leh, bhi ghi lap long khika yil mu sar.' 18 Wu vhil fe ji, sat nna, 'Nda, shaghal fik, shin kat langka mu paat.' 19 Gwo wuyon fe sat nnih na, 'Ghi lap long nkaa yil mu paat.' 20 Wukwa ji, sat nna, 'Nda, ghi lap nini fik, ndhi a sok nih shakhat nbut leh, 21 nphe ndhi lughut tih an nsar ghi, nphe ndhi ghi a ngu biyal. Tong ghi dwan bih ndhi a mak ma, shin ghi dhiip bih ndhi ghi kop ma.' 22 Gwo wuyon fe sat nnih nna, 'An nphe gap diyel nghi a khi bhilip fik, ghi kwerem/ngu shiit bhutdeet. Ghi man ndhi an a ngu biyal, ndhi a dwan bih ndhi a nman ma, shin a dhiip bih ndhi a kop ma. 23 Kat asi bhi shinang deh ghi den shaghal fin khi peh sok, deh kat a wawul bhi a kat langka khidel fe dih ma eh?' 24 Gwo wuyon fe sat nniyen ndhi mu khi direm kus nna, 'Gu lap nini fe nder muk, yaghal gu shin ngwo ndhi nih khi nini mu sar si.' 25 Mu sat nnih muna, 'Nda, gwo fe nih khi nini sar.' 26 'A sat ngun, meh gwo ndhi nih khi bwer shin mu nphe shin wukwa nih khika fe, dang bhi gwo ndhi wen nnot nih, asi bhi shin mu khi lap ndhi nih khi nih shin ba. 27 Dang bhi sharfom fin si mu, niyen ndhi mu phi dem an tong long nkha du ma si, gu wakji khi mu npeh si yaghal gu tiyo mu khi yit nih.'" 28 Ndhi sat bih si mu, bhi del kam ntighim, mwan kam nUrishelima. 29 Deh dih bhi del ji rii kus khi Bethpagi khi Bethany, khipe pang ndhi mu phe yong a Olivet, bhi lep shar shiit/jep kam fin mu vhil, 30 sat nmu nna, "Gu del gu kam la yil ndhi ntighim si. Kat gu rho dih, gu kat la nagham ndhi mu sham rap fe gwe ma. Gu fwon nih gu wakji khini n'an. 31 Kat meh gwo tal phi gu nna, 'A meh lhi deh gun phi fwon fe dih eh?' gu sat gu lhi, 'Nda nih phi dem fe.'" 32 Niyen ndhi lep mu fe mu mwan yaghal mu kat lah nagham fe khipe ndhi Jesu sat si. 33 Ndhi mu phi fwon nagham fe, bhi niyen nagham fe mu sat nmu si na, "A meh lhi deh gun phi fwon nagham fe dih eh?" 34 Mu na, "Nda nih phi dem fe." 35 Mu wakji khi nih nJesu, bhi mu shar leh fut khi del nagham fe yaghal mu lang Jesu khi kha fe. 36 Ndhi nih phi del, bhi mu shar leh fut mu khi yar fe. 37 Bhi ndhi wulkus khi peh ndhi Pang Olives mu ne'ep dih, bhi duk-duk khi vhir du gurum ndhi shar shiit/jep kam khi muk mu ya shin retyit yaghal mu dhikyil/saam Naan khi dighil du bal-bal nphe daskaham shiit ndhi mu naa, 38 mu sat mu na, "Wuretkhinaan nkaa long ndhi wul sim Nda Naan! Tongshaghap khi tingnang shin raam ma hoi!" 39 Pak Farisiyawa nnaar nvhir gurum fe mu sat nnih na, "Ngu kam, ghi biyal shar shiit fik mu." 40 Jesu lap mu nna, "A sat ngun, kat niyen si mu nyang lap bhilip, bhi pang mu khi err khi dighil." 41 Ndhi Jesu wulkus khi yil wuyon fe, bhi wal nphe muk, 42 sat nna, "Kat ye gu man nbhit wu shini, khi gun duk, bih ndhi nphe wul khi tongshaghap ngun! Dang bhi khidetsi mu sok nyit gu. 43 Nphe ndhi bhit nmu wul, ndhi sharfom fuk mu nphe dhik zai oghot gun, yaghal mu ne'er gun, shin mu treng gun shipeh-shipeh. 44 Mu khi rohop gun shin sam nyil khi jep gu mu nder gu. Mu nphe yit pang khime khi del shak ma, nphe ndhi gyet gu man yit fe ma ndhi Naan phi dar bar/bhirip gun." 45 Nda Jesu rii nlihnaan yaghal ya shen niyen ndhi mu phi serep khi bih mu, 46 sat nmu nna, "A wu ri-ran, 'Lih nih khi deh a lih dangphinaan,' dang bhi gu bor khi nih a peh lighim khi wat mu." 47 Asi bhi Jesu wet nkam-kam shi bit-shi bit nbut lihnaan fe. Niyen nan nmhi shiit Naan mu khi niyen ran-ran mu yaghal niyen phitighim khi gurum fe mu phi dem tih nih, 48 dang bhi kat yar nphe shin fe ma, nphe ndhi gurum fe mu duk-duk mu ling kom phi khiling nih.