1 Jesu sat jep kam fin mu nna, "Khi ben ma ndhi pak jep bih mu khi lhi mun mu shin shikbis dih, dang bhi khi bis ngurum ndhi wul khi shikbis fe! 2 Khi kot khi wak nmu bwaghat nighin pang khi ngwaghar ntok muk yaghal mu kon nih shin sam nbut baga am nighin, met ndhi khi lhi jep wu diyen si mu ghirip kwak du. 3 Gu naa/tap kaa suk. Kat emnighin ghi shin shikbis, bhi ghi byal nih, yaghal kat tihwap, bhi ghi kon khi nih nnih. 4 Kat shin shikbis nghi yit pokovol nbit wu khime, deh shin wawul nder ghi yit pokovol, nna, 'A tihwap', bhi a tiit deh nghi ghi kon khi nih nnih dih!" 5 Shar shiit khimuk mu sat Nda Jesu mu na, "Ghi lhi nmun kat shinzeen wuyon." 6 Nda Jesu na, "Kat ye gun khi shinzeen khi peh iih koon si, ye gu sat nting luun si, 'Mu shang yi khi se'en, yaghal mu kon nbut nbaga am nighin,' bhi khi lap eh ngun. 7 Dang bhi a weh nnaar gu, ndhi nih khi kwerem phi sak mar kot a tap tihm oh, bhi khi sat nnih kat wawul nmar fe na, 'Ghi ji la-la ghi tong nyil ghi sih-sih eh'? 8 Khi sat nnih na, 'Ghi shet meh bih nnan a sih, yaghal ghi jwal leh ghi bwaghat a wuret duk bhi ghi shin sih fe nnan sih khi am shuu . Khi dangkong duk bhi ghi sih yaghal ghi shuu eh'? 9 Bhi khi plang kwerem fe nphe shiit ndhi lhi nih nphe shin fe ma ah? 10 Kat a si gun duk, kat gu shin shiit ndhi mu lhi ngun nphe shin, bhi gu sina, 'Mun a jep lep ndhi mun a meh bih ma. Mun mu shin a shiit ndhi ret deh nmun mu shin dih set.'" 11 Dih bhi del mwan ya nUrishelima, mwan khi yit yil Samaria khi Galili. 12 Ndhi rhi nmeh la yil, dih bhi khat khi gurum mu sar ndhi a tihlohom mu. Mu direm sing-sing khi nih 13 bhi mu ap dighil du bal-bal, mu na, "Nda Jesu, Gwo wu yon, ghi naa jeel nkaa mu." 14 Ndhi naa mu, bhi sat nmu na, "Gu mwan gu nin kasuk niyen shiit khi Nda Naan mu." Ndhi mu yak yar del bhi tihlohom khi mu lat. 15 Ndhi khime nnaar mu kat tihlohom fin lat, bhi shin gap wawul, khi baga dighil phi nin plang nNaan. 16 Ghim nthihim Nda Jesu, nin plang nnih. Nih a ngu Samaritan. 17 Bhi Jesu na, "Yeh a gurum mu sar ndhi mu kat kaham ma a? Wu pokofaar fe mu deh a nne? 18 Yeh gokshi wukwa fe mu wakwul nphe dhikyil nNaan ma, deh a wu-wul/mhizep si det a?" 19 Bih sat nnih na, "Ghi yaghal, ghi waa. Shinzeen fhik lhi kaham nghi." 20 Ndhi Farisiyawa mu tal bhit ndhi yaghal khi yil khi Naan nphe taa/wul, bhi Jesu lap nmu nna, "Yaghal khi yil khi Naan nih nphe wul a khi akpe a wuret ma. 21 Shin ba a meh bih ndhi mu nphe sina, 'Gu naa, nih si! kot, 'Khi deh si!' Kat gu naa, bhi yil khi Naan nih a nbut gu." 22 Sat shar shiit fin mu na, "Bhit/Teer fe mu nphe wul ndhi gun gu lang-en nphe naa nmeh bhit khi La Gurum, dang bhi gu naa bhit fe ma. 23 Bhi mu khi sat ngun muna, 'Gu naa, pwoon si! Gu naa, si!' Dang bhi gu nok pwat si kot gu nok sho khider mu si, 24 nphe ndhi khipe ndhi milap fwan ep peh san-san kat milip nmeh eskohop khiting shin waya nmeh kwang khiting wukwa, bhi La Gurum nphe kot a si par bhit fhin. 25 Dang bhi nshe bhi khi shu wula mu bwer yaghal shin nyen nkaan ndhi nteer wu ni fe mu nphe nyang nih. 26 Khipe ndhi gyet taa nteer nmhi Nuhu, bhi nih nphe taa a si duk nteer nmhi La Gurum. 27 Gyet mu sih, mu shu, mu lap shirop, shin mu shin shirop nphe ndyak, mwan waji wul nbhit ndhi Nuhu rhii nbut shii-yaghal am phut bhi tihkok khi mu khiding. 28 Shin a si duk a khipe ndhi gyet taa nteer nmhi Lot si-gyet mu tong phi sih-sih khi shua am/peh, seet khi serep peh, kop-kop khi dyak lih. 29 Dang bhi par bhit ndhi Lot put yit Sodom dih, bhi fwan wus khi orong wu baan tong khitingnaan sam tihkok khi mu khiding/duk-duk. 30 Nih nphe wakot a si duk par bhit ndhi La Gurum nphe nin kashin. 31 Par bhit wuni fe, nok yit ngwo ndhi kha khiting khi del lih sam-ta nphe irr leh fin nlih shin put ma; yaghal gu nok yit ngwo ndhi mar bhin waji ma. 32 Gu leng/diye khi mat Lot. 33 Meh gwo ndhi phi dem bar seen nih bhi khi wen nih, dang bhi meh gwo ndhi seen muk wen bhi khi bar seen fe. 34 A sat ngun, nlhipar wuni fe bhi gurum mu vhil mu khi kot khi del peh teer. Mu khi mang meh khime, yaghal mu yit wukwa dih. 35 Khi kot shirop mu vhil phi ess-fin khishak. Mu khi mang nmeh, yaghal mu yit wukwa fe." 36 Khi kot gurum mu vhil khi fhil mar; mu khi mang khime yaghal mu yit wukwa. 37 Mu tal phimuk, "A ne eh, Nda Naan?" yaghal sat nmu na, "Peh ndhi dhing shi-shik dih, a peh ndhi kiya mu khi kha'at dih khishak."