1 Jesu shin sat njep lep/shar shiit fini mu na, "Gyet meh ngu bihlong dih ndhi kih meh ngu naa long kihmuk, bhi pak gurum mu ji mu sat ngu bihlong fe si na ngwo ndhi nih phi tap khi long khimuk nih phi tihkok khi long fe. 2 Nphe ndhi asi bhi ngu long fe yong peh ngu tap khi long fe bhi sat nnih na, 'A meh ndhi an phi khiling khi kaa ghi ye? Ghi shin phishii shiit fhik n'an, nphe ndhi nghi kudi a meh ngu naa bihlong n'an ma.' 3 Bhi ngu shiit fe shin leng yaghal sat nkashin na, 'An nphe shin a meh, khi ndhi ngu lih fhin shen an shiit naa-peh fhin eh? An khi bal nphe ok-peh ma, shin kaa nih kul nphe dang duk. 4 A man bih ndhi an nphe shin fe, deh kat shen an nshiit naa-peh fhin, bhi gurum mu khi lap an nlih fut mu.' 5 Bhi ngu shiit sih yong peh nnyen ndhi mu khi kaat ngu lih fhin, bhi tal nder ngwo ndhi nshe, 'Ghi khi kaat ngu lih fhin a dang eh?' 6 Bhi sat na, 'Dlang moor paat mu yakgurum paat/dali.' Bhi sat ngu kaat fe na, 'Tong nyil la-la deh ghi mang bih ran ghi ran yagurum vhil khi sar.' 7 Yaghal ngu shiit si shin tal nder gwo nkwa, 'Kaat fhik a dang eh?' Gwo fe sat na, 'A buhu mu yakgurum paat/dali nmhi alkama.' Bhi yaghal sat nnih na, 'Ghi mang hal, ghi ran yakgurum fer.' 8 Bhi ngu lih fe saam ngu shiit wubis fe nphe seen khi muk wubis. Nphe ndhi gurum nmu dighinyil si mu seen nphe bih fut met nyen ndhi mu a nmhi pehbang. 9 Jesu sat nna, an phi sat ngun, gu yak shar khi shagal fuk wubis, deh ndhi par lat, bhi mu khi mak lap ngun ndighin npeh-petong nmhi tai-tai. 10 Gwo ndhi mu khi shinzeen nnih nphe tap khi bih wuleh bhi mu khi mak shinzeen nnih khi ka bih wuyon zak, yaghal kat mu shinzeen meh gwo khi ka bih wuleh ma bhi mu khi mak shinzeen nnih nphe tap khi nih wuyon ma zak. 11 Katdang gurum mu man ndhi gu man tap khi bihlong dighin yil sih ma, bhi a weh khi den long finin nsaar gu ye? 12 Asi zak, kat gu man tap khi bihlong ndhi gurum mu lih nsaar gu ma, bhi a weh khi shin bihlong nmhi kaafuk mu ngun ye? 13 Ba meh kwaram ndhi khi mak nphe shin shiit nnyen lih mu vhil nkyet-nkyet ma, nphe ndhi khi mak nyang meh-me deh wal nmeh-me. Meh gurum mak shin shiit NdaNaan shin dikyil nbihlong ma." 14 Dih bhi nyen Farisiyawa mu, ndhi a nyen dem shaghal bwer mu, ndhi mu khiling bhilip ndhi Jesu sat, bhi mu naa nih shi yit bakpeh. 15 Jesu sat nmu na, "Gu mang kaasuk khipe gurum wuret khi yit gurum mu, dang bhi Naan man bih ndhi ndhighin bhizung gu zak. Bih ndhi gurum mu mang khi phishii, bhi a bih naa-deng nder/nyit Naan. 16 War khi nyen jagham gyet mu dih deshe wul khi Yahaya dih. Yaghal nbiit wu nih shin kam ntihim, bhi mu phi sat bhilip Naan wuret khi kaa yil khi Nda Naan, yaghal gurum mu phi dem del ndighin petong yil khi Naan khi bal. 17 Dang bhi khitingNaan khi yil mu del la-la, bhi meh bih nlani khime nbut war khi Naan khi del ma. 18 Meh gwo ndhi bwot mat nih deh lap wukwa mat bhi shin a ngaa, yaghal gwo ndhi lap mat ndhi mis muk shen/bwot nih bhi shin a ngaa duk. 19 Gyet meh ngu bihlong dih ndhi nih phi lep leh wuret-ret mu bhi yaghal kang kwak khi peh-petong ngu bihlong. 20 Meh ngu dang shi ndhi sim muk a Li'azarus khi tong kus khi pihlih muk, shopshik muk a goklah duk-duk, 21 nih phi dem sih pak sih ndhi pwatdong nkaa teebur nmhi ngu bihlong fe. Ass mu duk mu phi tong bhilim gokla khi muk. 22 Par me puss bhi ngu dang fe muut bhi jep lep khi Naan mu sam mang nih mwan den kus khi Ibirahim. Ngu bihlong yaghal muut duk bhi mu wum nih, 23 bhi wayaa Hades nih phi shuu jeel bhi yaghal epp kaa bhi naa Ibirahim ki deh si sing-sing/jong-jong khi Li'azarus kus khi nih. 24 Bhi ngu bihlong fe wal khi dighil bal-bal na, 'Nda Ibirahim, ghi naa jeel nih deh ghi lep Li'azarus , deh nih lep laa nikong saar nbut amm deh nnih zuhum liss nih dih, nphe ndhi an nbut wula nbut wus si.' 25 Dang bhi Ibirahim lap sat nnih na, 'Lilaa, ghi leng khi ndhi nbut peh-phitonng fhik nmhi yil bhi ghi khiling khi shang, Li'azarus zak shuu wula. Khidetsi nih phi khiling khi shang nbhisih, ghi zak phi khiling khi wula. 26 Zak bhi baga meh tughun dih kninaar mu khi gun, ndhi meh gwo khi mak yaghal ndergu takaa nder mu ma, meh gwo zak khi mak nphe yaghal nder mu deh ta-kaa dih nder gu ma.' 27 Ngu bihlong fe lap sat na, 'Kambok, Nda Ibirahim, ghi lep nih shin yaa lih nda nih- 28 nphe ndhi an khi emnighin mu paat- deh nih gwakjighir mu dih, npeh lughut yakba mu khi nji khipe shuu wula si ma.' 29 Bhi Ibirahim lap sat nnih na, 'Mu khi Musa khi nyen jagham mu; yit deh nmu khiling nmu dih.' 30 Gu bihlong fe yaghal lap na, 'Hai o, Nda Ibirahim, kat a meh gurum yaghal ntuhun muut nder nyen wu duwam mu, bhi mu khi tihwap.' 31 Ibirahim lap sat na, 'Kat mu tep kom mu khiling nMusa khi nyen jagham mu ma, bhi kat gwo fe yaghal a khinaar nyen wu duwam mu bhi mu nphe viling ma.'"