Ep fe 14

1 Dih bhi par meh wu pokovol, ndhi mwan lih meh ngu pitighim khi Farisiyawa nphe sih burodi, bhi mu lang yit phi naa nih. 2 Dih nphesi, bhi ntighim muk a meh gurum shi ndhi nih khi gok ndhi sar muk khi kwak muk mu fwak. 3 Jesu shin tal niyen man khi waar khi Yahudawa mu khi Farisiyawa mu, "Nih nbut waar npeh lat khi shuwal npar Bhit wu Pokovol a, kot hai eh?" 4 Bhi mu nok khitik. Bhi Jesu mang nih ngu gok fe, lat khi shuwal nnih, yaghal sat nih del. 5 Sat nmu, "A weh nnar gu ndhi nih khi lah ma bhi nagham ndhi phitah nbut rijiya par Bhit wu Pokovol bhi khi shang nih put khi nih ma eh?" 6 Mu mmak lap tal fe khikah bih si mu ma. 7 Ndhi Jesu naa niyen ndhi mu yong mu bilip petong niyen nan mu, bih sat meh simbhilip, sat mu na, 8 "Kat meh gurum yong ghi khipeh bwahatdiik, ghi nok tong khi petong wu yon si, nphe ndhi pak bih mu khi ten yong meh gurum ndhi met nghi nyon. 9 Kat gwo ndhi yong gun duk vhil fe ji wul, bhi khi sat nghi nna, 'Ghi shin petong fihk ngwo ndhi si,' yaghal nbut kahkul bhi ghi tang meh petong wu leh. 10 Kat mu yong ghi, mwan ghi tong khi petong wu leh, deh kat gwo ndhi yong gun fe wul, pak bhi sat nghi, 'Shar nih, ghi kah si khiting.' Bhi ghi kat yon khi deryit nyen ndhi gu tong khikah petong khi mu. 11 Nphe ndhi meh gurum ndhi man kaa shini a wuyon bhi mu khi sam khi nih, yaghal gurum ndhi sam khi kaa nih nih bhi khi kat yon." 12 Jesu shi sat ngwo ndhi yong nih fe, "Kat ghi yong gurum khi peh pitong sih, bhi ghi nok yong a shar ghi mu ma bhi emnighin ghi mu si ma bhi wumii ghi mu ma bhi tinglih fihk mu ndhi khi bhilong/sar kat si, nphe ndhi mu khi yong ghi zak, deh ghi lap kwat fe dih. 13 Kat ghi yong peh pitong sih-sih, bhi ghi yong a wu piya mu, kunkuut mu, khibhil mu, khi wu vwagham mu, 14 bhi ghi kat wuret, nphe ndhi mu nphe shin kwat ghi ma. Kwat fihk a par puus yaghal khitughun muut nmhi gurum wuret mu. 15 Ndhi me-meh khime ndhi tong khi petong khi Jesu khiling bih si mu, bhi sat nnih, "A gwo wuret khi sih biredi khitingnaan nmhi Nda Naan." 16 Bhi Jesu sat nnih, "A meh gurum dak baga peh pitong sih-sih yaghal yong gurum mu bwer. 17 Ndhi mu dak bih mu duk-duk, bhi lep kwaram fini mu deh nmu mwan sat nyen ndhi mu yong mu fe dih, 'Gu ji, nphe ndhi mu dak bih mu duk-duk gwe.' 18 Mu duk-duk mu doghom nmisih khi ndhi-sih. Gwo wu she sat nnih, 'A se'et mar, a ting/tiit det deh a mwan a naa di. Kambok ghi yit an dih.' 19 Gwo wukwa fe sat na, 'A serap randong mu sar, an nphe mwan kam mu naa. Kambok ghi yit an dih.' 20 Bhi gwo wukwa fe sat nna, 'A lap mat, nphe wuni bhi a kat peh ji ma.' 21 Bhi kwaram/kwerem fe waji sat bih sih mu ngulih fini. Bhi ngulih yaghal khiling khi tughurnung bhi sat nkwaram/nkwerem fini na, 'Ghi put la-la ghi khi yar khi yar, shi kwang-shi kwang yil fe deh ghi waji khi wu-piya mu, kungkuut mu, wu-vwaghaam mu khi khibil mu.' 22 Bhi kwaram/kwerem fe sat na, 'Ngulih, bih ndhi ghi sat bhi lat gwe, dang bhi shin gokshi peh kudi.' 23 Ngulih sat nkwaram/nkwerem fe, 'Put ghi mwan khi yar wu nan-nan khi wu-dyen-dyen deh ghi lhi ting/tiit nmu ji ndhighin, deh nlih fini gam dih. 24 Nphe ndhi a sat ngun, meh gwo khinar gurum ndhi mu yong mu nphe sham sih retyit fini ma.'" 25 Kidetshi bhi du gurum mu bwer mu phi mwan-mwan a wukhime khi nih, bhi yaghal shihiir/viling sat nmu nna, 26 "Kat meh gwo ndhi ji nder nih deh niyang ding nda nih, nighin, mat, jep, emnighin wu daas khi wu shorop, khi se'en muk ma, bhi mak ndhi khi bor a lah-kam fin ma. 27 Meh gwo ndhi khi mang shep pwas fini shi kaa-shin de nnih ji ndangkong nih ma bhi mak bor a lah kam fini ma. 28 A weh nnar gu, ndhi nih phi dem dik baga lih, bhi khi she tong nyil deh nnih kun kot nih khi bih mu duk-duk ndhi khi diik lih kaa khibit ma eh? 29 Yak ba, kat bwot kuur lih bhi lih fe khi dar nbot, duk-duk nyen ndhi mu naa bhi mu khi ya shwar nih, 30 sina, 'Gwo si doghom diik lih bhi ba diik lat ma.' 31 Kot a meh long ndhi neh, ndhi nih nphe mwan kaat khi wukwa long nphe lyak, bhi khi tong deh nnih khiling kar dangsi kot khi mak khi gurum dubu sar nphe kaat nlyak khi long wukwa ndhi nih khi gurum dubu yagurum ye? 32 Kat a si ma bhi, kat shar lyak fe mu kudi jong-jong, bhi khi doghom lep khi pak gurum mu deh nmu tal yarkaam tongshaghap dih. 33 Nphe ndhi asi, gwo ndhi ba khi bih mu ndhi nih khi nih duk-duk ma, bhi khi mak deh nnih deh a lah kam/shar shiit fin ma. 34 Khiin ret, dang bhi kat shan mhi khiin laham, bhi a khiin zak mih? 35 Kudi khi meh baam nmar/nyil ma ma bhi nphe zungtung fiip duk. Mu khi kon shin kam si det. Gwo ndhi nih khi kom nphe khiling, bhi khiling. "