1 Me bhi ben nih dih dhi nih a dhi nshe dang bhi nih khi wa'ar mhi dhik yil khi me peh dhi mu kyen den dih zak. 2 Pe dhi she dih mu kyer den nih khi bih bwot wus mhi na pe, khi pe ran khi peh dhik jep nguk mu dih, ndhi mu yong peh fe ah pe wubang. 3 Pe wu vil feh a peh ndhi mu khi yong a pe wubang met ngokhotshi mu. 4 Ndhikhin peh feh bhi me dha wu kam wu milep/milap nih dih ndhi tong mu phi shan ndhikhin ting dih nih khi takhas wuret dih, yakhal mbih dhik leh mhi bih ben dih, mu dak nih milap-milap/mhel-mhel. Dhikhin feh bhi mu dhik me la dah wuret wu milap dih, khi guk, khi kam khi Haruna dih. 5 Khi kha mbih dhik le fe bhi mu dhik jep yer mu dih ndhi mu nin nah Naan dih, jep yer fe mu ep sshapfut khi kha peh ndhi nih a mu kon khi shikbis, dang bhi ndhisih a peh ndhi yak mu bhilip khi det sih ma. 6 Khidangkong mbi sih mu bhi niyen phithikhim mu khi tong rhi ndhikhin peh ndhi she fe shi bhit-shibit mu dhik yil nNaan dih. 7 Pe wu vil feh a peh ndhi wuyon mhi niyen phithikhim mu tong rhi mhi shini yit khime nyii khi tihim mhi rwang kah shini khi mhi gokshi gurum mu. 8 Riin khi Naan nin nah peh wubang feh mpe ndhi wubang nshe kudi khi da'ar zak. 9 Ndhisih kam nmun nah nbizukhum fun mu khi lhi deh mun mu nah Naan dih ma. 10 Mpe ndhi nbizuhum fun mu a sar khat fun ndhi mu dem shin feh, dang bhi mu a bih ndhi mu khi diyik susun det, mu npe diyik riin fun mah. 11 Khidet sih, Ndah Naan lep khi gwo ndhi nih a gu phithikhim wuret khi gwu diyik yil dhi a gurum dak ma. 12 Nda Naan kon a tikhim fhini yit khime det deh mun mu kat seen wu tai-tai dih, a tikhim fhini a mhi me la ehi mah, ndhi dhel yah npe wuyon yon yit khime. 13 Gurum mu gyet kon tikhim randon khi ehi mu deh mu vwang shikbis gurum mu dih. 14 Ndah Jesu kon a tikhim fhini wubang deh nih vwang shikbis fun mu dih deh mun mu dhikyil Naan dhi a zeen dih. 15 A nhi a gu dar khio narmu, deh niyen ndhi mu yong mu lap kop dhi mu den npe mu; pedhi Jesu mu'ut deh nih vwang mu, deh mu put nbut shikbis dhi nshe dih. 16 Deh she gurum khi kat seen fe bhi ret deh ngwo feh man na eh, a zeen mu mut npe nih. 17 Npe ndhi gurum khi kat seen dang bhi gwo ndhi shin feh kudih nkaham mah, gwo feh khi mu'ut deshe gurum kat seen dih. 18 Mu man khidetsih nah bi zukhum wu gyet khi vwang shikbis mah, a thikhim mhi Jesu. 19 She bhi Musa sat kar dhi nih a wu rhi ran, yakhal mang thikhim mhi randong khi mhi ehi, kal khi am, wat khi kha ran fe khi gurum mu khidhing. 20 Nah, "dihsih a thikhim ndhi buhat khi wa'ar mu dhi Ndah Naan sat ngun deh gun gwu tap nih dih. 21 Asih, Musa wat thikhim khi kha nbi ndhi mu tap mu den npe dhik yil Naan. 22 Asiwai nbhut wa'ar khi mu, bhi a thikhim khi vwang bih mu, a nih khi kon khi shikbis mu zak. 23 A khi bih sih mu bhi nih ret deh mu vwang bih ndhi mu khipe mhi khiting Naan sih, dang bhi zeen mhi bih mhi khiting Naan nih a vwang bizukhum dhi ret met munnhi feh. 24 Pe ndhi Ndah Jesu rhi me pe wubang dhi a gurum dak mah; nin kha nih der Naan npe mu. 25 Shin dihsih a pe deh nih tong shin kha nih shi bit - shi bit khipe ndhi firist tong mwan khi thikhim long mu shi-yii shi-yii mah, Jesu shin kha nih a yit khime det. 26 Ye gyet Ndah Jesu khi shu je-el bwer npe mu nshe khi yil feh, wuni a sih ma yakhal ji binhi dhi yil kus khi lat, yit khime, shin kha nih deh nih mu'ut npe shikbis fun dhi khidhing. 27 Khipe ndhi mu den nah gurum khi mu'ut yit khime dangkong wuni feh bhi a diyel. 28 Bhi Ndah Jesu mu'ut yit khime deh nih vwang shikbis gurum mu dih bwer, par khi wawul wu vil deh nih baam niyen ndhi mu phi tap wawul fhini dih, khi wawul a npe vwang shikbis zak mah.