Ep fe 8

1 1 Eska bhilip fun dhi mun phi sat feh bhi anih dhi mu lhi anih a wuyon khi niyen phithikhim niyen dang Na'an mu, dhi khi tpong khi sar wu sih khi Nda Na'an khithing. 2 Nih dhi nih phi dhik yil Ndah Na'an khi peh dang Naan wubang ndhi a mhi zen-zen dhi a Naan den, a gurum den mah. 3 Niyen wu nan dhi mu phi dang phi Naan tong mu khi lhi mu a peh deh mu shin zukhum Naan shi phimu dih, asih deh ni bor a ting deh nih zak kot khi bih dhi nih khi shin zukhum khi nih shin kah Naan dih. 4 Khidetsih kat yeh nhi kutdi khi dhikin yil sih bhi yeh khi bor gu yah phithikhim niyen mwan der Naan mu mah, dhi Fristoci mu dih dhi mu phi shin zukhum Naan kah yarkam dhi wa'ar den. 5 Shiit dhi mu phi shin feh a pak mhirin ma bhi pak songsohol bih dhi mu phi shin feh khithing. Nih khipe bih dhi gyet tah khi Musa sih dhi gyet nih peh dyik lhi dhi Naan sat nih peh dyik dih. Nah gwar tap ehn gwar deh gwar dyik lhi feh khipe dhi dok mu nin gwar khikah pang sih dih. 6 Khidetsih bhi mu shin shiit firist sih Jesu Kristi dhi ni a wu ma-ma mhi-mu, khipe dhi wa-ar dhi gyet khi na-ar Ndah Naan khi gurum mu gyet a wuret sih, peh dhi gyet den khika bih wuret mu. 7 Khat gyet meh bih ba tah khi bih dhi Naan den khinar nih khi gurum mu mah bhi yeh shin khi wal meh wu vhel mah. 8 Dang bhi Naan khat lakhar khi gurum mu deh sat nah, "Tehr mu phi ji dhi an peh den wa-ar wu-puoh khi niyen Israila mu yakhal niyen Judah mu. 9 Nih peh kot a khipe wa-ar dhi gyet a shin khinar nhi khi bhikaham mu ma dhi gyet a yak mu sahr a pwat khi mu khi yil Masar bhi mu nyang tap wa-ar feh, bhi lap sih a bah khi mu a kon sih. 10 Khidetsi, bhi dhisi a nih a wa-ar dhi an peh den khinar nhi khi gurum Israila mu, but te-er dhi mu phi ji: An peh den wa-ar fhin nnook mu, yakhal a ran a den phizung mu. An peh den a Naan khi mu, yakhal mukhi deh a gurum fhin mu. 11 Meh gurum khi kham meh mhiniye nih gurum mah, shin khi sat me mhiniye nih nah "ghi man Naan mah, peh dhi mu peh man an khidhing, yakhal shi wuleh mwan khi khat wuyon. 12 An peh kon khi shikbis khi mu, yakhal shin a diyeh khi shikbis dhi mu sham shin feh mah. 13 Yong sim wa-ar wu puoh bhi Naan nin dhi wa-ar wu nshe feh sikhir, shin kat bih sikhir gwe bhi nih a phi riyem.