1 Kat a si, bhi mu dar khikha kam mhi yarkaam bih-man ndhi a mhi Kristi deh nmun deltighim nphe kat yong dih. Tap mu deh nrukhun kuk tang tihwap nphe sihmshik wu sighir khi shinzen Naan ma, 2 ma bhi kuk kam khikha baptisma mu, khi mhi lhi-sar, khi mhi yighil khi wu-murrap mu, yaghal khi tok diyel ndhi khi peh-lang ma. 3 Mun nphe shin ndhisi duk kat Naan dem. 4 Nphe ndhi khi lapoh nniyen ndhi mu sham man bhilipnaan, ndhi mu sham zughum mhi khitingnaan, mu ndhi mu sham Riin Wubang, 5 shin mu sham bhilipnaan wuret yaghal bal mhi teer mu dnhi nwul, 6 dang bhi katba mu phidhik khi yar-khi lapoh deh mu shin mu bwak kat yar tihwap dih. Ndhisi a nphe ndhi mu phi shin kaa nih La Naan nphe khasut wukwa, yaghal shin mu phi piya nih khi tihleng. 7 Nphe ndhi yil ndhi shu am-fwan ndhi phi wet sam khikha muk, shin nih phi lhi nkom-dem mu beh ndhi mu khi shin-baam nniyen ndhi mu phi sak mar nphe mu-ndhisi a yil ndhi khi kat wuret nder Naan. 8 Dang bhi kat a dem khi irr mu pwat dih, bhi nih khi wuret ma shin wul ndhi mu khi lang-poo nnih. Lat khimuk a shan nwus. 9 Dang bhi gun ndhi mu phi dem, bhizung mu mang nphe bih wuret ndhi mu nkha gu, bih mu ndhi a kha'at khi bar-se'en, ma khi ndhi mun phi lap bhilip a si. 10 Nphe ndhi Naan khi enyin ndhi en muk khi mhin khi shiit fuk khi dem ndhi gu nin nphe sihm muk ma, nphe ndhi gu shin shiit nniyen shinzen mu shin gun dih shi-poo fe. 11 Mun phi dem khiding fuk gu kot khi daar nphe shiit a si duk ji wul npehlang fe nphe den bhizung mhi zen. 12 Ndhi si a nphe deh yak gu deh a niyen loghom mu, dang bhi a niyen ding niyen ndhi nbut shinzen khi moghor mu khi kok kop bih ndhi wu diden nmu. 13 Nphe ndhi ndhi Naan shin alkawali n'Ibrahim, bhi tuwarshinshi khashin, nphe ndhi khi tuwarshin nmeh gwo ndhi met ma. 14 Nih sat nna, "A tiit deh an i lhi wuret khi kha ghi dih, yaghal shin an nphe lhi nghi ghi miyal-peh dih." 15 Nphe ndhi a si, Ibrahim kat bih ndhi Naan den nphe shin nnih khidangkong ndhi tong khi moghor. 16 Nphe ndhi gurum mu phi tuwarsut phi meh gurum ndhe met ndun. Khidangkong meh gagaharshik khimu, bhi tuwarshik phi deh a bih langkha bhilip khiding. 17 Kat Naan phi dem nin bih a wuret ndhi no'ok nih nphe shin nniyen kok kop fhin mu, bhi nih phi langkha fe a tuwarshin. 18 Gyet shin a si a nphe deh kat nbut bih mu vhil ndhi mu khi viling-viling ma-ndhi khi laa-poo deh Naan gap dung dih-bih mu, ndhi mu sho nphe tang peh-lighim, bhi mu tughur mu khi bal-bal nphe direm bal-bal nphe tughurkaham ndhi mu shin nmun. 19 Mun khi tughurkaham si bal-bal ndhi mun den no'ok mu nphe yaa se'en mu si, tughurkaham ndhi rhi ndighin ndangkong labile. 20 Jesu mwan khi rhi dih a phitighim fun, nphe ndhi bor a ngu shiitnaan wuyon wu deh tai-tai khi yar/kop wu dhi-den khi Melkisedik.