Ep fe 5

1 Nphe ndhi duk meh ngu shiit Naan wuyon, bhi mu shang nih a khinar gurum mu, mu mang nih a nphe shin shiit ndhi a mhi Naan phikop gurum mu, nphe deh nnih shin zughum khi dang-tihwap nphe kon khi shikbis dih. 2 Nih khi shin bih khi diyeer nphe niyen kha-nkwoh mu khi niyen ndhi mu lighim khi yar nphe ndhi nih shikhashin shi-shik-wa'am neer nih. 3 Nphe ndhi si, bhi nih duk wal ndhi khi shin zughum nphe shikbis fhini duk, khipe ndhi shin nphe shikbis mhi gurum mu si. 4 A nphe khashin deh meh gurum khi lap yon si dih ma. wak bhi, a gwo ndhi Naan yong nih, khibih Eron/Aaron si. 5 Shin a si duk, Kristi mang khashin a ngu shiitnaan wuyon ma duk. Wak bhi, gwo ndhi phi lap bhilip khi nih sat nna, "Ghi a La nih; shinih bhi a bor Nda ghi." 6 A khibih ndhi sat nmeh kwang si duk, "Ghi a ngu shiitnaan mhi tai-tai khibih ndhi a wu den khi kop Melkisadek si." 7 Nteer ndhi gyet kot nghit shi-shin, Kristi dangphinaan shin dang khi gwar khi wal wai ba yitmwa del nih nder Naan, ndhi mak shang nih shin ba khi yar muut. Mu khiling nnih a nphe bang khimuk. 8 Duk khi ndhi nih a la dak kho, bhi kam shin-loghot nbut je'el ndhi wet phi shu fe. 9 Ndhi mu dak nih khibhit waarih, bhi bhiring a yarkam kat bar mhi tai-tai, nphe duk-duk meh gurum ndhi khiling nnih. 10 Naan yaghal den sihm muk a ngu shiitnaan wuyon khi kop wu di-den mhi Melkisadek. 11 Mun khi bih mu bwer ndhi mu sat khi kha Jesu, dang bhi khi laapoo nphe pet-kha sar ndhi gu deh a niyen ndhi gu bes man bih ndhi gu khiling ma. 12 Nphe ndhi mak khi ndhi yeh kot khidetsi bhi gu mak ndhi gun a niyen kam mu, dang bhi wal ndhi meh gurum khi kam kuk bhilipNaan ngun. Gun phi wal a mwa-yughur bul, a sih wu bal-bal ma! 13 Nphe ndhi meh gwo ndhi khi shu a mwa-yughur det nih mak shin bih khi enn ndhi warrih ma, nphe gwo wuni fe kudi a la-wuleh. 14 dang bhi sih wu dwan a nphe niyen ndhi mu mak gurum. Ndhisi a niyen ndhi mu ter vhil deh mu man khinar sihmbhilip mu wuret khi wubis.