1 Nphe ndhi a si, emnighin nih mu wubang, gun khishak khi yar yongpeh ndhi tong khitingnaan. Gu diye Jesu, khinshong fun khi ngu shiit Naan wuyon mhi shinzen. 2 Dok nih shinzen nNaan, ndhi mang nih, khipe Musa ndhi gyet nih duk shinzen nlihnaan si. 3 Nphe ndhi mu mang Jesu a khi raam met nMusa, nphe ndhi gwo ndhi dhik lih nih khi sihm met nlih fe. 4 Nphe ndhi lhi mu duk-duk bhi a meh gurum dhik, dang bhi gwo ndhi diyak bih mu khiding a Naan. 5 Nkwang wu kwa, Musa gyet a lahtong Naan ndhi shinzen nlihnaan khiding. Gyet nih a langtihng nkha bih ndhi sat bhilip khi kha fe ndhi mu nphe taa ntighim. 6 Dang bhi Kristi nih a La ndhi mu den nphe naa lihNaan. Mun a lih khi muk kat mu diram bal-bal nnot lughut khi tughurkaham mhi sihm. 7 Nphe ndhi a si, a khibih ndhi Riin Wubang sat si: "Shinih, kat gu khiling dighil muk 8 gu nok bhizung fii si khibih ruwang si, par bhit kam-peh khinar dem si. 9 Nkaan nda gu mu gyet mu ruwang si ndhi mu kam an, yaghal ndhi, nbut yii mu yakgurum vhil, bhi mu naa shiit fhin. 10 Nphe ndhi a si bhi bhizung nih tihkok khi nkaan wuni fe. A sat, 'Mu khi wet a phi tah-lem det nbut bhizung du. Mu man yar fhin ma.' 11 A khibih ndhi a tuwarsan nbut bhizung tihkok fhin si: 'Mu khi sham par rho npeh nohk fhin ma.'" 12 Gu tap koh, emnighin nih mu, nphe yakba khinar gu bhi kot but meh gwo khi bhizung wubis mhi niyang shinzen ma, bhizung ndhi khi viling yit Naan ndhi khi se'en dih. 13 Wak bhi, gu karshak shi bhi shi bhit, deh ndhi mu yong a "shinih," nphe deh yak meh gwo khi shii-khiling kom ma waa phishi bang-peh mhi shikbis. 14 Nphe ndhi mu deh a jep-pup a wukhime khi Kristi kat mu yaa en mu bal bal khi tughurkaham nbut muk ndhi nshe ji wul nlat. 15 Khi kha ndhisi bhi mu na, "Shinih, kat gu khiling dihgil muk, bhi gu nok dwas/bwaghat bhizung gu si, khipe ruwang si." 16 A weh ndhi gyet mu khiling Naan bhi mu ruwang eh? Gyet a duk-duk niyen ndhi mu pwat Masar khi sar Musa ma ah? 17 Gyet mang tughurnung a khi weh nphe yii yakgurum vhil eh? Gyet a khi mu ndhi mu shin shikbis, niyen ndhi kum mu phidhik nnar dem ma ah? 18 Tuwarshin a nweh mu ndhi nna niyo khi rho khi peh-nohk fhin ma eh, kat gyet a nniyen ndhi mu shii-khiling kom nnih ma eh? 19 Mu naa ndhi gyet mu mak rho khi peh-nohk khimuk ma a nphe wen khi shinzen.