Ep fe 12

1 Nphe ndhi a si, khibih ndhi langtihng mu neer mun shighir ka'at si, bhi yit nmun mu bwak khi meh tighin mu den shin bah khi meh shikbis ndhi khi wha'at-peh. Mu moghor mu sho-na-sho na pe'el ndhi khi den nthitighim mu si. 2 Mu lhi en mu khikha Jesu, ngu she-dang khi ngu dak shinzen warrih. Nphe retyit ndhi dok mu den ntighim muk, bhi moghor khi ghit-shep kah, mu shin khakul nnih, yaghal tong khisar wu-sih mhi pehtong long mhi Naan. 3 Nphe ndhi a si bhi gu diye khi nih, gwo ndhi moghor khi fhilip-peh ndhi kat nder niyen shikbis mu, yak ba gu luwaghat nbhizung gu yaghal gu bwak khi ndangkong ma. 4 Gu kudi nnot gu nniyang ba gu pwan-khis khi shikbis ndhi ba tah meh kon khi tighim ma; 5 shin en gu mhin khi kar mu shin ngun khibih jep mu si: "La nih, ghi nok bak kar mhi Naan si, shin ghi nok yak ba kar fe khi ntah ghi kat nih kar ghi." 6 Nphe ndhi Nda Naan phi piyahar khi kar a ngwo ndhi nih phi dem fe, yaghal nih phi naram/bwap a duk meh la ndhi lap. 7 Moghor khi shu-je'el nphe ndhi khi biring a kar. Naan khi shin khi gun a khibih jep muk mu si. ma bhi a meh la ndhi neh ndhi nda fe khi nas nih ma eh? 8 Dang bhi kat ghi wen nnot nkar, ndhi gurum mu duk-duk khi nih, bhi gun a jep kok kop ma shin a jep muk ma. 9 Shin nkwa, mun khi nda mu gurum ndhi mu gyet a phi kar mun, bhi mu shin yon nmu. Deh khi tah a ndhi mu niyang shin yon Nda khi riin mu khi se'en a? 10 Nphe ndhi nmeh kwang, nda mu mu shin kar nmut nphe teer nlani det bhi lang leh bhi mu kat warrih. Dang bhi nkwang kwa, bhi Naan mhin a khi yar wuret nphe deh nmun mu kat pak bang fhinin dih. 11 Meh kar khi biyal ndhi she bhi lapshak khi meh bih wuret nteer wuni ma, nphe ndhi shwal. Dang bhi khi waji bor la-tongshaghap mhi shiit wubang nder niyen ndhi kam bih nmu. 12 Nphe ndhi a si bhi gu den sar gu a ndhi mu wa'am a wu bal khi fhirim ngu ndhi mu wa'am. 13 Gu dak yarkam ndarrih nphe kwak gu, yakba meh bih ndhi a kungku'ut khi ba vhit ma bhi kat kaham ma. 14 Gu tang pehtong shaghap khi gurum mu duk-duk, yaghal khi bhizung-bang nphe ndhi yin fe khi dhin naa Nda Naan. 15 Gu tap yak ba meh bih wuret khi Naan khi yin meh gwo, tap yak nse'en butde'et khi yaghal lhi nmeh jaghar, yakba gurum mu bwer khi kulup nbut fe. 16 Gu tap yak nmeh gu shin gaah tillet khi gu en-mhi-Naan ma bhi khibih Isau si, ndhi gyet nphe daa-sih bhi se'et khi yon-she lah fhin si. 17 Nphe ndhi gu man ndhi khi dangkong, ndhi tang ye ji kat wuretkhinaan, bhi mu niyang khikha nnih, nphe ndhi kat peh tihwap ma, khi ndhi tang wai khi yitmwa bhi kat ma. 18 Nphe ndhi gu ji a npang ndhi mu khi bhim ma, pang ndhi phi lap wus, peh wu kwoo, khi libhin, khi kohom vivit. 19 Gu ji a khiphe fer ndhi phi orr/gwaar ma, kot a meh dighil ndhi phi lap bhilip ndhi niyen khiling fe mu phi dwak ndhi ye mu khi lap bhilip nkwa ndun ma. 20 Nphe ndhi mu moghor mu yah waar ndhi a wu diden ma: "Kat a meh long bhim pang fe, bhi mu khi fiya nih khi pang." 21 Bih si lhi lughut nmu ndhi lhi nMozis/Musa nna, "Lughut yah an wai ba an phi nadahar/daam." 22 Bhi bah, gu ji khipe Pang Zion shin khi yil mhi Naan ndhi khi se'en, a nJerusalem ndhi khitingnaan, yaghal khipe jep lep khi Naan mu ndhi mu gam met yakgurum sar phi retyit. 23 Gu ji a khipe kha'at kaam mhi jep she-lah mu, ndhi mu ran sihm mu khitingnaan. Gu ji a nder Naan, Ngu Tok Diyel mhi khiding, khi riin mu mhi niyen shiit wubang mu ndhi mu den mu warrih. 24 Gu ji a nder Jesu, ndhi a nih phi dar khinaar tuwarshik wu pwo, yaghal khi wap-peh mhi kon khi tighim ndhi sat bhilip met ntighim Abel. 25 Gu tap yakba gu niyang gwo ndhi phi lap bhilip. Nphe ndhi kat gyet mu kat peh pwat ndhi mu niyang kar khi gwo ndhi ndhighinyil, bhi khi kot a yang-yang kat mu niyang khiling mhi gwo ndhi nih phi kar a khitingnaan. 26 Gyet meh bhit shi, bhi dhighil muk sighin dighinyil. Dang bhi khidetsi bhi tuwarshin sat nna, "Khi deh leh nkwa bhi an nphe sighin a dighinyil det ma, khi kot khitingnaan duk." 27 Sihm-bhilip si, ""Kwa bhit khime," phishi fe nin a ndhi nih taghat bih ndhi mu ndhi khi sighin, nin a bih ndhi, nnaar bih ndhi mu dak, nphe deh nbih ndhi kat khi sighin ma bhi deh. 28 Nphe ndhi a si, kat mu lap meh yillong ndhi khi sighin-sighin ma, bhi ret deh mu shin plang yahal shin mu wap Naan khi lughut/khiir yaghal ap-poo. 29 Nphe ndhi Naan fun a wus shaan-peh.