1 Shinzeen a kaa bii ndhi mu lang yit kkah feh, bhi lap-yah khi bii ndhi mu nah khi yit mah. 2 A mpeh shinzeen khi nda mu deh Naan gyet teer-dangkong mu dih. 3 A shinzeen lih deh mu man ndhi yil sih mu den nih a khi bhilip Naan, asih deh bii ndhi mun pih nah bhi put a but bii ndhi muh pih nah mah. 4 A shinzeen lih Abel shin zuhum wurret met Kayin. A but zeen khi muk feh deeh Naan mang nih a goh wurret, peh ndhi Naan khi kashin lap zuhum khi muk. A khi yar shin zeen khi Abel deh bhilip khi muk kudi khi dangkong ndhi gumbi muut. 5 A shinzeen lih deh Enok muut ma dih. Assih deh mu mang nih shin koh nder Naan, me go kat nih mah, peh ndhi Naan mang nih shin kah khiting. Muna bih sih shin a sih mpeh ndhi Enok shin a bii wurret Naan. 6 Me go mak piya bizung Naan nohot en shinzeen mah, peh ndhi me gurum khi mwan nder Naan nohot nih khi shinzeen ndhi Naan dih phi shin zuhum nyen ndhi mu tang kop muk. 7 A shinzeen lih deh Nowa khiling kar khi Naan khi kah bii ndhi kot ntikim nohot khi nah khi yit nih. Lohot khi bhilip Naan bhi dhik jirgi - am ndhi mu roh dih mu birip nih khi gurum finih muh. Peh ndhi assih bhi mu rhighip yil nan feh khiding, bih Nowa kat sim yon nder Naan wah pih shinzeen. 8 A shinzeen lih deh Abraham, ndhi yongpe nih mpeh put del yah meh peh ndhi par gwar khi lap a bii - kop bhi lohot mwan det nohot khi man peh feh. 9 A peh shinzeen feh deh mwan tong dih yil wu dden ni feh, tong but jep bit mu khibih Aizik mu khi Jekop mu wu gyet mu lap pak yong feh duk nder Naan. 10 Peh ndhi Abraham pih tap a pih yil ndhi Naan khihir ba dyik, Yil ndhi khi kuk wu deh wai wai. 11 A shinzeen lih deh Abraham bring nda lah a khi dangkong ndhi gyah gwe shin mat mok Sera a wu lalah maduk. Shinzeen Naan ndhi khi den bii bhi viling mah. 12 Abraham deh khi bih kum sih bih bah mu kat sherem gurum mu gul khi bih zar mu khiting but gurum khime, gurum mu ba bwer khi bii hii ehs pih kong am ndhi khi peh tang mah. 13 A but shinzeen deh gurum sih mu dwam dih dwas nohot mu lap bii ndhi mu deen muh det bhi mu nah muh njong bhi mu kaat mu assih deh mu lap eh ndhi dok dun a mhizep ndhi mu yit dun nyil det. 14 Nyen ndhi mu sat nkaan bhilip sih bhi mu nin ndhi dun pih tang yiltong mut. 15 Kat dok mu pih dyeh a yil ndhi du pwat dih bhi dok mu khi kat yar feh gweh. 16 Khi dessih mu pih tang a yil wurret met, wunih a khiting. Peh ndhi assih bhi kah Naan kul peh deh mu yong jin a Naan khi mu muh, peh ndhi ngumbi dak yil petong mu wuyon gweh. 17 A shinzeen lih deh Abraham, ndhi mu kam tuhur muk, lap eh mpeh shin zuhum khi lah nih Aizik. A nih a lah ndhi Naan sat ni Abraham na ji shin ngwar bhi bah Naan wal kop lah khime wutis feh, bih mbut shinzeen bhi Abraham nyang mah. 18 Naan sat nih gweh, a nsar Aizik bih gwar khi kat nkaan ndhi ji den ngwar sih. 19 Abraham shinzeen ndhi Naan mak yagal khi kum ni bhirip assih deh ba deh khibi ndhi Aizik muut bah yagal sih. 20 A shin zeen khi bii ndhi wakot deh Aizik lih wurret khi kah Jekop mu khi Isau dih. 21 A shin zeen lih Jekop nih peh muut, bhi lih wurret khikah jep daas khi Josef mu. Jekop shin dang, bhi dhigd shin a khi kah dugul mwan khi muh. 22 A shin zeen lih deh Josef, ndhi bit wah khi muk wul kus, bhi sat bilip nkah yigl khi jeb Isrel mu peh yit yil Ijip yagal sat bilip es-shishik nih. 23 A shin zeen lih deh Mozis, ndhi mu lah nih, bih mu sok nih peh tar kun sar ndhi mukat lah mbut bhi khirret. Mu luwahat waar ndhi long yil feh den mah. 24 A shin zeen lih deh Mozis, khi dangkong ndhi yon, bhi nyang ndhi mu khi yong jin a lah rep long Feroh. 25 Yagal shin kashin deh tong shuu jeel a wukhime khi gurum ndhi Naan mu met ndhi ji wet phi retyit khi jep bii shikbis ndhi khi del del. 26 Gumbi leng'en bhi kat bii lih ka kul mhi mwaan der Kristi a bilong wu mah bilong mhi Ijip feh. Peh ndhi dok nih pih den yit nhi a hkah bii kwat fin sih. 27 A shin zeen lih deh Mozis yit Ijip. Luhut meh tuhurnung khi long feh mah, peh ndhi mohor wai khi bih ndhi nih phi nah go ndhi khi peh nah maah sih. 28 A shin zeen lih deh yah Pas Ova yagal khi wat khi tihim, kakder ndhi gu twoh Jep she lah khi bhim jep daas she lah khi Isrel mu mah. 29 A shin zeen lih deh mu del khinar nhign am "Sea of Reeds" khi bih ndhi mu deel a khikah yil peh wu fih. Ndhi nyen Ijip mu dohom ta pak zak, bhi am feh dal mu khiding. 30 A shin zeen lih deh shi-but "katanga" Jeriko put-tah, khi dangkong ndhi mu yigr ni shihir kaat yit pohovil. 31 A shin zeen lih deh Rahap, mat gah, muut a wu khimeh khi gurum ndhi mu bak Naan mah. Peh ndhi matbih kaat nyen ndhi mu wul lep nah peh anabiya ret - ret. 32 Deh an peh shin sat a me nkwah bwer zak yeh? Khi mang peh bwer peh wet sat fiyar shin - zeen khi Gidion, Barak, Samson, Jepta, David, Samuel yagal khi Jep Lep khi Naan khiding.. 33 A but khi shin zeen deh gurum feh mu sih yil peh mu khi dyel zeen, yagal mu lap bii ndhi Naan den mu, mu dwahar pih liid mu. 34 Mu piyat liis wus, yagal mu pwat mpih muut pwarrat. Shopshik khi mu ndhi zuhum ba yagal bal. Shin mu kat bal lyak, bah mu sih nyen ndhi mu wul peh lyak dun. 35 Shorrop-kah mu ba mu kat daas du mu wakwul nkaham. Gokshin gurum ndhi mu lap Naan bhi mu shin jeel mu, mu mut muna wak du yit deh dun du kat yar pwat wu-saan dih. 36 Mu shwar pak mu, mu nas pak khi dam garam, yagal mu dyan pak mu khi sarka she mu bal mu dih. 37 Mu fiyah mu khi pang. Mu ghirip/kwap khinar shishik mu vil vil. Mu twoh muh khi shuk. Pak gurum mu tik mwan khi shim tim khi mih hihi duk. Gyet mu khi peh mah, mu shin jeel muh, shin mu piahar mu. 38 Yil feh mu kat ret ndhi du tong but feh mah. Mu wet yeh-peh khi kah ehes yagal khi kah pang gohot deh tong mu tirrop but gohot mu kabhi but fung mu nyil. 39 Nyen ndhi mu yong sim mu sih mu kat ter dangkong nder Naan mpeh shin zeen khimu bih shin mego khinar mu kat bii ndhi Naan den mu warrih mah-duk. 40 Peh ndhi Naan nih khi bii wurret met mbuzung nih mpeh mu, a sih deh kat a khi mun mah bhi khi warrih mah.