1 A pee ndhi Kristi shin wuret nmun yaghal kon khi shikbis fun. Gu daar bal-bal yakbaa gu deel ndamuwa/nleng mah shizak nyar mhi kwaram. 2 Gu naa, an Pol, phi sat ngun ndhi kat gu yit kaasuk npuun ndhi ni a mhi gurum, bhi Kristi ni npee kat mebi nder gu mah. 3 An phi sat shizak ngurum muu khiding ndhi mu shin kaasut npee puun npee ndhi mu phi bi waar fee khiding. 4 Muu npee gap gun shinbaa nder Jesu Kristi, gun ndhi mu phi shuwan gun nyar mhi waar, npe ndhi baa gun npee naa wuret khi Naan ma. 5 Npee ndhi Riin bhi zeen, mun phi lih yit mu tap phi den bhizung khi shin wuret. 6 Nbuut Jesu Kristi baaa mee puun koh rashin puun bih ni ret ma, sai dai a shiit zeen nyar mhi demshak. 7 Tong gun phi mwan a wuret. Aweh dang gun npee shin zeen nbii wuret eh? 8 Wet tang dhissih ba tong nder gwo ndhi yong gun mah. 9 Laa yesti wulee khi mak lih baaga bi wuyon yakahal. 10 A shin zeen Ndah ndhi baa gu mak leng mebi wudik mah. Gwo ndhi ni phi dame ngun a ni npee kat wubis khi diyel fhini, kot ni aweh oh. 11 Emnhikhin nhi mu, kat a deltikhim khi sat bhilip khi kaa puun, bhi amee lih dee mu phi shin jel nnan diye? Npee wuni, bhi, bi ndhi tong ni phi dang gu shep mhi Jesu bhi muu shang gwe. 12 Bhi npee nyen ndhi mu phi dampee ngun, an phi naa khipe ndhi mu khi naa taakat fut sih. 13 Npee ndhi mu yong gun npe kat bot suk, emnhikhin nhi mu. Shin bhin gu nok shin shiit khi bot suk khipe mee yar ndhi nnan shopshik det nyar mhi demshak shikhime. 14 Npe ndhi waar fee khiding teen gam nbhilip khime. A tiit ndee ngun gu dem ting-lih fuk khipe ka suk di." 15 Shin bhin, kat gu at khi shak bhi gu naa ndhi baa gu mak dahal shak sih. 16 Bhin shin a sat ngun, gu mwan nyar mhi Riin npee ndhi gun npee mang mebi shinansuk mah. 17 Npee bi ndhi shopsun ni phi dem fee bhi Riin ni phi dem fee mah, khiding khi mu bii mu phi nyang shak. Npe ndhi mu phi nyang shak bhi gu mak dee mu shin bi ndhi gun phi dem fee mah. 18 Shin bhin, kat a Riin mwan khi gun, bih baa gu kot nsar waar mah. 19 Khidetssih, shiit mhi naan mu khi naa a yit khipe ga'a, shin bi wubis/raap, dang bhinshin, lihlet. 20 dhikyil njep naan mu bwer, sokhot, bihal bu-bu/tukurnung bu-bu, tang shorop bu-bu muu, tihlik, daar khi bihal mah, bee khiar shak, 21 tihlik, shuu mwos, shin yon nmwos taam, yaghal khi pak bi muu khipe wuni sih. A dang gun, khipe ndhi gyet a dang gun gwe sih, dih mu ndhi mu phi shin bii ndhi sih muu, bhi muu npee kat seen ndhi mwan tai-tai mah. 22 Bhi put kaa mhi Riin a ni a demshak, retyit, tong shakap, mohkor, naajel, shin wuret, shin zeen/faith, 23 sam khikaa, yaghal tap-khishik; nkaa bi sih mu khiding, baa mee waar npee kot nkaa muu mah. 24 Nyen ndhi muu a mhi Jesu Kristi bhi muu teen shinkasut npee dee mu kat wuret nder Naan di. 25 Kat muu tong nbuut khi Riin, bhi yit nmun muu mwan awukhime khi Riin fee. 26 Muu nok shin yon nkaa sun sih, mu nok tangshik khi gurum mu sih, muu nok tihlik gurum muu sih.