Ep fe 4

1 An phi sat ndhi la-tong, ndhi tong khimuk a khipe laa sih, baa kot a dhik khi gwo ndhi ni a kwaram ma, duk khi ndhi ni khi lih mu khiding. 2 Shin bhin ni khi tong nsar megwo yaghal a gu yaa pee har sai npuus ndhi nNdah muk dak den nni. 3 Tun ndhi mun gyet njep bih mun phi tong a kwaram ntikhim nyen ndhi mu phi yaa yil fee. 4 Shin bhin ndhi puus fee wul bih Ndah Naan lep khi Laa ni, ndhi mu laa nbuut maat, ndhi nyar mhi waar. 5 Ni shin ndhi sih npe dee nni lap nyen ndhi mu nyar mhi waar, dee mun ye mu lap wuret ndhi a mhi jep mu. 6 Pe ndhi gun a jep muu ndhi Ndah Naan lep Riin bhi laa fhini shin sam bhizung muu, Riin ndhi yong pe "Abba, Ndah." 7 Pe ndhi assih, bih baa mu khi kudi mu khi yong gun a kwaram ma, seedai a jep/la; npee dee ghi a laa, Nadah Naan yaghal dak gun a khime njep nlih fee duk. 8 Gyet/dok ndhi gu kudi nnot gu man Naan, bih gun a kwaram nsar nyen ndhi mu a jep naan wudiyen ndhi mu man Naan maa. 9 Shin bhin ndhi gu man Naan khidetssih, khi ndhi Naan man gun gwe - amee lih dee gun phi villing dangkong npee shin bii ndhi ni khi baam ma eh? Gun phi dem bwak khi dangkong shizak ah? 10 Gun phi shin yon npuus khi taar wupoo khi nseasons khi yii mu. 11 Lukkut tih an npe ndhi khi dee idh lee bhi wulah fhin ni npe kot awubaan. 12 An phi dang shiphi gu emnhikhin nhi mu, gu kot a khipe an sih, npee ndhi a kot khipe gun sih. Gu shin wubis nnan mah. 13 Shin bhin gun khi man ndhi a npee shuwal ndhi shopsun ndhi a bhilip ngun nshe. 14 Duk khi ndhi shopsan kam mebi ngun, bih ba gu nyang ma. Gu kaat an khipe laa lep khi Ndah Naan sih, nanglih an a Jesu Kristi shikasan. 15 Wuret fhuk ni aneh khidetssih eh? Npee ndhi an phi ndhi kat yee khi shin bih yee gu villing yit gu shin ji nnan. 16 Npee ndhi sih bih a kot a yarfom fuk npee ndhi an phi sat zeen ngun ah? 17 Mu phi shin npee deel en fuk, ba a npee mebi wuret mah. Mu phi dem ohkot gun dee ngun gu tang kop mu di. 18 A bi wuret dee gun tong gu tang bi ndhi khi kot baam di, ba a tiit sai an nder gu mah. 19 Emnhikhin nhi mu wudiyen, shizak an nbuut shuwal bhi la-wullee ngun dang she Kristi wul ngun di. 20 Mang yee an nder gu khidetsih yaghal a villing dikhil nhih, npe ndhi shin leng nnan khi kaa gu. 21 Gu sat nnan, gun ndhi phi dem npee mwan nbuut waar, gun phi lih kom gu nwaar ah? 22 Npee ndhi ni a wurhiran ndhi Ibrahim ni khi jep mu vhil, nmeh ndhi a kwaram laa nii yaghal wukuwa amee maat nkuwa. 23 Nmee a ndhi larep kwaram laa nni nyar mhi gurum, yaghal mhisih fee nyar khi mee maat ndhi Naan shin alkawali nni. 24 Bi sih mu khi kaam ni a khipe mebi fiipoo sih, npee ndhi shorop fe mu khinaar bi ndhi Naan den nmuu. Nme nnar muu tong puut a Npang Sinai bih yaghal bee jep mu nduut kwaram. Sihm muk a Hagar. 25 Khidetsih, Hagar, ni a nkop Pang Sinai khi yil Arabia, bih yaghal ni a nkop Jerusalem ndhi khidetsih, npe ndhi ni a nbuut kwaram khi jep dhi mu. 26 Shin bhin ndhi Urushalima fee ndhi ni khiting nfii, bih a ni a nhikhinmu. 27 Npee ndhi ni awurhiran "gu shin retyit, gun ndhi khi laa mah, ba gun phi la-la mah," gu wal ntikhim Naan yaghal gu shin retyit ngun ndhi gun baa phi shujel la-la mah" npee ndhi jep mhi maat ndhi mu shen ni buu bwer met nmaat ndhi ni khi miis." 28 Amma gun emnhikhin nhi mu, khipe Ishaku, ni a laa mhi alkawali sih. 29 Ntee fee, ni ndhi mu laa ni nbuut shopshik bhi gurum shin jel ngwo ndhi mu laa ni nyar mhi Riin. A bi wukhime khidetsih. 30 Shin bhin bih bhilipnaan phi sat naa aneh eh? Ghi shen kwaram fee khi laa ndhi shinwa. Npee ndhi laa mhi larep kwaram fee ba a ni khi gado dih nlih fee khi laa ndhi ni a bii maat lih fee mah. 31 Npee ndhi assih, emnhikhin nhi mu, mun ba a jep mhi larep kwaram ma, amma a mhi maat nlih fee.