Ep fe

1 Kat Naan khi yagal khi gun a wukhime khi Kristi, tang bih ndhi khiting, peh ndhi Kristi khi tong a khisar wumis khi Naan. 2 Dye khi bi ndhi mu khiting, bam khi bih ndhi mu dhiyn yil. 3 Peh ndhi gu mwap bhi seen gu a wu sihsok khi peh khime khi Jesu but Naan. 4 Kat Kristi ndhi a seen gu, put nin kashin, bhi gun zak gu kot a wukhime khi nih but riin wu saan. (6) Pak ran feh, na: "Kat Kristi ndhi a seen mu, nin ka shin bhi gun zak gu kot a wukhime khi nih but riin wu saan." 5 Peh ndhi asih, bhi gu bwak khi bih khi yil sih mu - shimwan gaa, bi wu rap, rhighit tik, shaa peh wubis, khi demkah, ndih sih muh a yit tok kum. 6 A peh bhisih mu ndhi tuhurnung khi Naan nih mpeh fyal sam khikah jep shi-kling -kom. (7) Pak ran feh mu pih sinah: "A peh bhisih mu ndhi tuhurnung khi Naan peh sam. 7 Dok gun phi shimwan a but kaam bii mhisih dok ndhi gu kuddi naar mu. 8 Khi des sih a tiit deh gu kon bhisih mu duk-tuhurnung, bhizung tihkohok, leng wubis shin, filip-peh, yagal khi bhilip wubis yak pwal nphi gu. 9 Gu nok simshik dung der shak, peh ndhi gu shang shopshik gwo wusihgir khi simshik khimuk, 10 shin gu ruwan shik gurum wupoh ndih mu phi bhiring wupoh khi nih but man ndhi lapshak khi mhirin gwo ndhi dak nih. 11 Mhisih a peh ndhi mu nyang Grik mu mah khi mu mah, pun khi nohot pun, kayal muh, sihit ya, kwaram, nyen mwan salai sih mu deh dangkong: khides sih Kristi ni a bih mu khidhing peh ndhi a nih shin a but bih feh mu khiding. 12 Gu rwan, khi bih ndhi gun a jep- sihm khi Naan, but riin wu saan mhi retyit, yimbut nah-jeel, sam khi kahshik, lohot, yagal khi mang mohor; 13 Gu mohor khishak. Gun pih kon kini nshak. Kat megwo khi tuhurnung deh pih tang diyel bhi ghi kon khini khi bih ndhi Nda - ka - muh pih kon feh mun. 14 Khikak bih sih mu duk duk bhi, demshak ndhi dii ndhi nih a bih ndhi kwakal bih ndhi warih. 15 Mang yeh petong shahap mhi Kristi kat petong long mbhizung gu. Dok a peh petong shahap deh mu yong gun but shishik khime. Gu kot khi nin plang. 16 Yit deh bilip Kristi kat peh tong but gu a wuret. Khi man fuk bhi tong gu kambii nshak gu karshak but tam zabura khi mhi sam duk, yagal khi tam but riin wu saan. Gu kok tam khi dhigal saam Naan mbut mhuzung gu. 17 Duk bi ndhi gu shin bhi gu shin khi bhilip mpoh ko a bii shishin gu shin duwas but sim khi Jesu Nda - nka - muh. Gu shin plang Naan mhi Nda khisar muk bin. 18 Shorop mu gu shin suk khiding ndaas gu mu a bi retyit khi Nda kah - mu. 19 Gun daas zak gu dem shorop gu muh, deh gu nok shin bih wubis muh sih. 20 Jep mu gu kot khi lohot but bih mu khiding peh ndhi a bih wuret yit Nda - ko - mah. 21 Nda mu gu nok lih luhut njep yak bah mu kon en du sih. 22 Kwaram mu gu lohot khi sar ndah gu mu but bi ndih mak khi bal fuk, gu nok shin shiit luhut yit (pe yit nah) khi peh nyen den shin - ret gurum muh det mah, gu daar deh gu shin khi bhizung gu khime. Gu khir Ndah - ka - mu. 23 Bih ndhi gu shin duk duk bhi gu shin ni khi bizung khime peh Nda - kah - mu, gu shin a peh gurum mah. 24 Gu man gwe ndhi gun peh kat bi kwat fuk nder Nda - kah - mu. Anih a Kristi, Nda - kah - mu ndhi gun pih wap ni. 25 Gwo dhi shin wubis mu khi kwat nih asih zak peh bih wubis ndih shin, asih bhi khikot khime bun yit mah.