Ep fe

1 An phi dem deh gu man jeel ndhi a-wet pih shuu mpeh guh, khi nyen ndhi mu Laudisiha, khi gurum mu bwer ndhi mu sham nah an khi yit mah. 2 An pih daar shiit peh deh a-kat en-mu jih khishak nbut khi dem shak shin khi bii long mih man-peh khiding, mbut man ndhi a zeen mhi Naan ndhi a wu si-sok, a nih a Kristi. 3 A gumbi khi bihlong man peh khi bi man der muk a wu sihsok. 4 A sat mhisih yak ba megwo khi gwam gun khi meh jep bhilip ruk-peh. 5 A kot nder gu khi yit mah dak ko, an a wukhime khi gun but riin. Ret yit nih peh ndih shiit fuk pih mwan ndari khi daar fuk but khi shin zeen nnih Kristi. 6 Gu lap Kristi a nda kah gu gu mwan shimwan khini. 7 Gu kah kasuk nbut muk bal bal, gu dyik shishik gu shi mumuk, tap en gu mhin kh shin zeen ndhi ndok mu kam ngun sih, yaghal gu wet khi en mhi shin-plang. 8 Gu nok yit me da seen lap gun den akhap ni khi fyardung khi kah me jep khi yil muh ndhi a khi yarkam zeen mhi Kristi mah. 9 A but muk deh bih ndhi a mih Naan kot dih khiding but shishik. 10 Gu kot a wu gam mbut muh. A nih a wuyon nka long bal khi nyen phitihgn mu. 11 A but muk deh mu pun gun dih duk shi yar pun ndih mhi shang shin shishik mah, amma a but pun ndhi a mhi Kristi. 12 Dok mu wum gun a wukhime mbut baptisma, shin a but muk deh mu yigal khi gun khi yar shin zeen but bal khi Naan, ndhi yagal mkhi nih khinar kum muh. 13 Dhi dok gun a kum nbut shikbis fuk yagal shin but deh nnoht pun fuk mhi nan shishik, lih ngun gu birip a wukhime khi ni gumbi yagal kon khi shikbis fun khiding. (5) Pak ran wu sihir mu tang muna, 'yagal kon khi shikbis fuk ngun khiding'. 14 A nih pwas ran khi kah kaat fuk khi me jep waar mu ndhi dok mu tap phimu khi nih. Shak muh khiding yaghal kaa-muh khikah ghitshep kros. 15 Khidangkong ndhi wut zung khi bal long khi mu yaghal piya mu khi dara/pus peh ndhi makah mu khi ghitshep kros. 16 Pe ndhi asih tap bhi megwo khi togdyel ngun khikah me sih ma bhi bi shushu kabhi me bhilip bit sih peh ko me lang khi tar wupoh kabhi khikah bhilip bit shi wu pohovil (sabat) mu. 17 Mhisih mu a mhirim bih ndhi mu kudih nwawul, amma dhing shishik feh a Kristi. 18 Tap bhi megwo ndih dem sam khikah yaghal wap khi jep lep khi Naan mu gogol ghi shin ba yar kat zuhum peh pel fik. Gwo wunih feh shin shiit a khi bii ndhi ji nah yaghal leng mhi gurum ndhi khi shishik. 19 Ni phi ya feh khi ka mah, bih ndhi a ka feh pih yah jep song-sohol peh kaat khi paar mu yak shak; ni phi yon khi yon ndhi Naan shin. 20 Kat dok gu dwam khi Kristi deh gu yit bih khi yil sih dih shin amme ba lhi deh ba gu wet titiit khi bhi khiyil wuwar. 21 "Tap ghi yah, tap ghi sham, tap ghi blim." eh? 22 Bhisih muh duk duk a khiyar tihkok kat mu shin shiit khi mu khibi kar khi kam ndhi a gurum shin. 23 Waar sih mu khi bih man mhi bi-wap khi lohot khi tuhur shik. Shin asih bhi muh khi me bih sham-shin ndih khi dhin yon khi shopshik ma duk.